Ene galdua, zutaz idaztean,

jakinik hobek zaituela Musa,

laudorio hutsez indar betean

mututu nahirik ene neurtitza!

 

Zaren itsaso zabalean, baina,

ontzi apal zein harroenak leku;

hala, ene krosko bipil, ez-duina

zure ur handiotan da ausartu.

 

Axal-igeri narabilkezu ni,

sakon hondogabea bestek dizu:

batel deusez ni urpera banadi;

hura, aldiz, ontzitzar arranditsu.

 

Hark aurrera badagi eta nik pot,

okerren zer nik?: maitasuna porrot.