Ez zeunden, noski, ene Musarekin

ezkondurik: zuzen zitzaizun aintzat

hartzea poeton eskaintzak berdin,

gaiaren ederrez edergailutzat.

 

Jitez bezain baitzaitut fin jakitez,

ene laudorioz haraindi zaude;

hargatik dagizu, berri beharrez,

egun geroz hobeen obrez galde.

 

Ongi da, maite; hala ere, gero,

haiek goi-elez zu hain loraturik,

horra, zinez fin, non zeunden finago,

hitz zelaiz zintzo-zintzo emana nik.

 

Halako margotze puztuak beude

musu-zurbilentzat; zu, zeurez hobe.