Bizi nadin leial zaren ustean,

senar tronpatua legez, maitasun-

itxurak baietsiz azal hutsean,

soz zu ene, nahiz bihotza urrun.

 

Zure begiak arrotz baitu herra,

ezin handik igar aldaketarik.

Hainbaten soak du bihotz-makurra

lazki salatzen keinuz zimurturik;

 

baina, zeruak baitzintuen egin

sortzetik aurpegiz hain maite-gozo,

ezerk ere, bihotza bihotz, ezin

gozogabeki eragin zuri so.

 

Ebaren sagarra dirudikezu,

gozo ageria ustel baduzu.