Lauki sareko patroi bitarren kalkulua, oinarrizko konbinatoriaren eskutik

Laburpena

Lan hau Yurramendi (2013) artikuluaren ondorioa da eta bertan formula matematiko batzuk lortu dira lauki angeluzuzen bitar kopurua kalkulatzeko. Lan honen helburua formula matematiko horiek konbinatoriaren bidez deduzitzea da. Bi matrize baliokide dira baldin eta berdinak badira islapen bat, 180 graduko biraketa edo bien konbinaketaren ondoren. Konputazio algoritmo baten laguntzaz zenbait formularen aieruak egin ditugu esperimentalki. Problema ebatzi da matrizeen lerro eta zutabe kopuruen arteko paritatearen arabera. Gero, zenbait emaitza gehitu dira.