Ingurune aberastuaren eragina eskizofrenian

##plugins.themes.bootstrap3.article.main##

##plugins.themes.bootstrap3.article.sidebar##

Argitaratua 17-03-2015
Harkaitz Bengoetxea Irantzu Rico-Barrio Naiara Ortuzar Enrike G. Argandoña José Vicente Lafuente

Laburpena

Eskizofrenia gure gizarteari eragiten dioten patologia psikiatriko ohikoen eta minusbaliagarrienetakoa da. Besteak beste, ikasteko zailtasunak eta oroimenaren hutsegiteak dira zailtasun garrantzitsuak gizarte-integrazioari begira. Eskizofrenia, degeneraziozko gaixotasun kronikoa da eta denboran zehar larritzen doa, baina gaur egungo ikerketa desberdinek erakusten dute terapia-estrategia egoki batek posible egin dezakeela gaixotasuna pairatzen duten kideen integrazioa hobetzea egungo gizartean. Nahiz eta eragin handiko patologia izan, bere jatorri etiopatogenikoa ez da guztiz ezaguna, bere sorreran parte har baitezakete hainbat eta hainbat faktore desberdinek, hala nola inflamazioak, substantzia psikoaktiboak eta batik bat neurona-zirkuitu kitzikatzaileen eta inhibitzaileen arteko desorekak garapenean zehar. Nerbio Sistema Zentralaren jaio ondorengo garapenean oso funtsezkoa da neurona kitzikatzaileek sortzen dituzten seinale aferenteen eta interneurona GABAergikoek bideratutako zirkuitu inhibitzaileen arteko oreka.

Bizimoduaren eta eskizofreniaren larritasun mailen arteko korrelazio zuzena dago, eta ikusi da sedentarismoak sintomatologia areagotzen duela. Patologia neurologikoak eta neuropsikiatrikoak aztertzeko erabiltzen diren animali modeloetan, ikusi izan da ingurune aberastua dela efektuak murrizteko ahalmena duen tresnetako bat. Ingurune aberastuak, zentzumenen erabilera, ariketa fisikoa eta gizarte-elkarrekintza areagotzen ditu. Ingurunea aberasteak ikas ahalmenen eta oroimena areagotzea eragiten ditu, bai baldintza patologikoetan, baita baldintza arruntetan ere. Halaber, aberastutako ingurunean hazitako animaliek neurogenesia, gliogenesia eta dendriten adarkatze handiago bat erakutsi dute eta horrek lagun dezake hainbat neurodegenerazio gaixotasunen efektuei aurka egiten.

Eskizofreniaren ezaugarri etiopatogenikoen alderdian, garrantzi handia hartzen dute sistema sentsorialen garapenean inhibizio-zirkuituei gertatzen zaizkien eraldaketek. Hori dela eta, ingurune aberastuak eskizofreniako animali modeloetan duen eragin positiboa aztertuko dugu. 

Abstract 159 | PDF Downloads 202

##plugins.themes.bootstrap3.article.details##

Keywords

unitate neurogliobaskularra, eskizofrenia, ingurune aberastua, interneuronak, areagotze kognitiboa

Atala
Ale Arrunta