Karlos Santamaria eta haren idazlanak

 

Apaizen margoa

 

Zeruko Argia, 275 zk., 1968-06-09

 

      Lengo egunean, apaiz batzuek Madrileko San Gines elizatik ateratzen zirela, gizatalde bat deadarka asi omen zan esaten: «Beera apaiz hoiek! Kuku apaiz gorri hoiek! Kanpora fedea kendu arazten diguten apaiz hoiek!». Eta joka aritu ziran apaizekin, Europa Press ajenziak adiarazten duanez.

      Horrelako gauza ezta iñoiz ikusi gure egunetan: madrildarrak gauza guztiak baiño fedea geiago maitatzen zutela ba genekien, ez ordea ainbesteraño!

      Beltza zan oraiñarteko apaizen margoa. Bañan, zenbaitek, kolore horrek pentsaera illun besterik etzuela burura ekartzen eta aldatu bear zala esan oi zuten.

      (Esan dezagun bidenabar beltza dalako kolorea ez dala kolore, argirik gabeko ta ezezkoa baizik. Hain zuzen ere margolariak etziran sekula beltza margorik erabiltzen ausartu, Velázquez ta besteak etorri artio).

      Batzuek diote halaber apaizak aingeru-parekoak izan bear direla-ta beren margoa zuri-zuria izan bearko litzakela.

      Baiñan holako aingerukeriak etzaizkigu atsegiten gaurko gizonoi. Odeietan dauden apaizak etzaizkigu gustatzen.

      Ez beltza, ez gorria, ezta zuria ere izan ez diteke ezkero apaizen margoa, nolakoa ezarriko diegu?

      Arrosa kolorea polita da. Konponketa-kolorea.

      Ordea, hori aukeratu ezkero, apaizak erakusten duten guztia arrosa kolorezko ipuia besterik ez dala, berriz ere esango du jendeak.

 

  • Bilaketa-sistema honek letra-multzoak bilatzen ditu (ez dago ez lematizatzailerik ez inolako analisirik).

  • Hitzaren hasiera bilatzen da beti, eta ez hitzaren barrukoa (etx bilaketak ez du aurkituko basetxe).

  • Hitz-multzoak bilatu daitezke, hitz-segida emanez gero (kristau fede adibidez).

  • Bilaketaren corpusa hautatzeko aukera dago: euskarazkoetan soilik / gaztelaniazkoetan soilik / hizkuntza guztietan (euskarazkoak, gaztelaniazkoak eta frantsesezkoak batera).

Nodoa: liferay2.lgp.ehu.es