Deskribapena

Bosgarren urtez jarraian, Gasteizko Ingeniaritza Eskolak, Ibilgailu Elektrikoen Erabiltzaileen Elkartearekin (AUVE) batera, ibilgailu elektrikoen zabalkundeari eta topaketari buruzko V. Jardunaldiak antolatu ditu Euskal Herriko Unibertsitatearen (EHU) Arabako Campusean. Jardunaldiak 2026ko martxoaren 26, 27 eta 28an egingo dira.

Martxoaren 26an, osteguna, erabiltzaile, enpresa eta kontzesionarioek ibilgailu elektrikoak erakusteaz gain, dibulgazio jardunaldi bat egingo da Gasteizko Ingeniaritza Eskolako ekitaldi aretoan, mugikortasun elektrikoarekin lotutako hainbat hitzaldirekin.

Ostiralean, hilak 27, mugikortasun iraunkorrari buruzko mahai inguru bat egingo da administrazioko, AUVEko eta mugikortasun jasangarriarekin lotutako kontzesionario edo enpresetako ordezkariekin.

Ekitaldi guztiak doakoak eta publikoari irekiak dira.

Bestalde, martxoaren 28an, larunbataz, erabiltzaile, enpresa eta kontzesionarioek ibilgailu elektrikoak jarriko dituzte Gasteizen, oraindik zehaztu gabeko leku batean. Ondoren, Eco Rally bat egingo da, Arabako hiriburutik Labrazara iritsiko dena, bertan banatuko zaizkielarik sariak parte hartzen duten guztiei, autoei eta gidari eraginkorrenei.

Jardunaldi horiek aukera emango diete bertaratutakoei gure ingurune hurbileko mugikortasun elektrikoaren sektorearen garapen egoera eta bultzada bertatik bertara ezagutzeko.

Esteka honetan, eguneratutako ekitaldiari buruzko informazioa argitaratuko da.