Presentación de GISEL

Energia Elektrikoko Sistemen Ikerketa Taldea (GISEL) duela hamarkada bat baino gehiago ari da lanean sistema elektriko eraginkorrago, garbiago eta adimentsuago baterako teknologiak garatzen. Bere jarduera hiru arlo nagusitan oinarritzen da: energia berriztagarrien integrazioa, mikrosareak eta sistema elektrikoen babesa. GISELek lankidetza estua du tokiko energia-industriako enpresekin, eta ikerketa-proiektu ugaritan parte hartzen du, maila autonomikoan, estatuan eta europarrean. Era berean, belaunaldi berrietako ikertzaileak prestatzen laguntzen du aktiboki. Gure webguneko atal ezberdinak bisitatzera gonbidatzen zaitugu, nortzuk garen, gure ikerketa-jarduera eta lantzen ari garen proiektuak gertutik ezagutzeko.

Berriak

GISEL taldeak 2025eko Ikerlarien Europako Gauan parte hartu du

Lehenengo argitaratze data: 2025/10/06

Irailaren 26an, GISEL ikerketa-taldeak berriz ere parte hartu zuen Ikerlarien Europako Gauan, taldeko ikertzaile eta boluntarioen parte-hartze aktiboarekin.

2025eko Ikerlarien Europako Gauaren baitan ospatutako OREGAUAk aurreikuspen guztiak gainditu zituen, bai jendearen partaidetzari, bai antolaketari dagokionez. Ekitaldia Barakaldoko Lasesarre Polikiroldegian ospatu zen, espazio zabal, argitsu eta irisgarri batean, eta adin guztietako 3.000 lagunetik gora bildu zituen zientzia eta teknologiaren inguruan.

GISEL taldeak 7 ikertzaile eta boluntario-talde bikain batekin hartu zuen parte; talde hori gradu desberdinetako lehen mailako ikasleek eta Biomedikuntzako, Ingeniaritza Kimikoko eta Industria Teknologian Ingeniaritza Graduko 3. eta 4. mailako ikasleek osatu zuten, guztira 15 lagun baino gehiago.

Taldeak hainbat esperimentu-gunetan parte hartu zuen. Esperientzia arrakastatsua izan zen, eta publikoaren harrera oso ona izan zuen. Aukera bikaina izan zen sistema elektrikoen inguruko ikerketa gizarteari hurbiltzeko.

Jardueren eta ekitaldien egutegia