Energia Elektrikoko Sistemen Ikerketa Taldea (GISEL) duela hamarkada bat baino gehiago ari da lanean sistema elektriko eraginkorrago, garbiago eta adimentsuago baterako teknologiak garatzen. Bere jarduera hiru arlo nagusitan oinarritzen da: energia berriztagarrien integrazioa, mikrosareak eta sistema elektrikoen babesa. GISELek lankidetza estua du tokiko energia-industriako enpresekin, eta ikerketa-proiektu ugaritan parte hartzen du, maila autonomikoan, estatuan eta europarrean. Era berean, belaunaldi berrietako ikertzaileak prestatzen laguntzen du aktiboki. Gure webguneko atal ezberdinak bisitatzera gonbidatzen zaitugu, nortzuk garen, gure ikerketa-jarduera eta lantzen ari garen proiektuak gertutik ezagutzeko.
Presentación de GISEL
Berriak
GISELek haurrei zuzendutako “Energia ehiztariak” tailerra eskaini du TADEH gobernuz kanpoko erakundearen ate irekien jardunaldian
Lehenengo argitaratze data: 2025/09/09
Irailaren 6an, larunbatean, GISEL ikerketa taldeko hainbat kidek parte hartu genuen TADEH GKEak antolatutako ate irekien jardunaldian. Ekitaldiaren baitan, “Energia ehiztariak” izeneko tailerra eskaini genuen haurrei zuzenduta, energiaren eta elektrizitatearen inguruko kontzeptuak modu dibertigarri eta didaktikoan hurbiltzeko asmoz. Jarduera hau GISEL eta TADEHren arteko lankidetzaren baitan kokatzen da, kostu txikiko eguzki bidezko ur-ponpaketa soluzioak ikertzeko helburua duena.