IKASGAIAREN GAITASUN ESPEZIFIKOAK (GE):

GE1: Marketin kasuak aztertu eta egituratzeko gaitasuna.

GE2: produktuaren atributu eta dimentsioak definitu eta produktuaren bizitza zikloan zehar marketin estrategiak garatzeko gaitasuna.

GE3: Erakunde baten produktu/zerbitzuen zorroaren osaera ikertu eta bai produktu berrien sarrera, bai ohikoen aldaketa edo eliminazioa erabakitzeko jarraibideak ulertzeko gaitasuna.

GE4: Produktuen prezioei buruzko erabakiak hartzeko trebetasunak garatu.

GE5: Enpresen komunikazio prozesua ulertu, komunikazio mix-a integratzen duten tresnak eta komunikazio estrategia ohikoenak bereizi.

GE6: Banaketa kanalen funtzionamendua ezagutu eta banaketa estrategia ezberdinak alderatzeko gaitasuna.

GE7: Merkataritza eta marketin alorreko hiztegi berezia menperatzeko gaitasuna ahozko nahiz idatzizko komunikaziorako.



IKASGAIAREN ZEHARKAKO GAITASUNAK (ZG):

ZG1: Gaitasun analitikoak, sintetikoak, hausnarketari lotuak eta operatiboak.

ZG2: Bakarka zein taldeka lana egiteko gaitasuna.



IKASKUNTZA EMAITZAK (IE):

IE1: Marketin eta merkaturatze kasu baten egituraketa eta analisia.

IE2: Produktuaren atributu eta dimentsioen definizioa eta marketin estrategien garapena produktuaren bizitza-zikloan zehar.

IE3: Enpresa baten produktu/zerbitzu zorroaren osaketaren definizioa.

IE4: Prezioei buruzko erabaki hartzeak.

IE5: Komunikazio prozesuaren funtzionamendua, Komunikazio mix-a eta enpresen ohiko komunikazio estrategiarekin erlazionatutako kontzeptuen ulermena.

IE6: Banaketa kanalen funtzionamenduaren ulermena eta banaketa estrategien definizioa.

1. GAIA. PRODUKTU, ZERBITZU ETA MARKA ESTRATEGIAK

1.1. Produktuaren kontzeptua: zer da produktua?

1.2. Produktu eta zerbitzu indibidualei buruzko erabakiak

1.3. Marka estrategia: marka sendoen sortzea

1.4. Zerbitzuen marketina



2. GAIA. PRODUKTUEN GARAPEN ESTRATEGIA ETA PRODUKTUEN BIZITZA ZIKLOA

2.1. Produktu zorroa

2.2. Produktu berriak garatzeko erabakiak

2.3. Produktuak aldatzeko erabakiak

2.4. Produktuak eliminatzeko erabakiak

2.5. Produktuaren bizi-zikloa.



3. GAIA. PREZIOAK ZEHAZTEKO FAKTORE ETA IKUSPEGIAK

3.1. Zer da prezioa?

3.2. Prezioak zehazteko faktore garrantzitsuak

3.3. Prezioen zehazpenerako ikuspegiak



4. GAIA. PREZIO ESTRATEGIAK

4.1. Produktu berrientzako prezio estrategiak

4.2. Produktu zorroarentzako prezio estrategiak

4.3. Prezioak doitzeko estrategiak

4.4. Prezio aldaketak

4.5. Prezio zehazpena eta estatu-politikak



5. GAIA. BANAKETA KATEAREN KUDEAKETA

5.1. Banaketa kateak eta sare balio sortzailea

5.2. Marketin kanalen natura eta garrantzia

5.3. Kanalaren portaera eta antolakuntza

5.4. Kanalaren diseinuaren gaineko erabakiak

5.5. Kanalaren kudeaketaren gaineko erabakiak

5.6. Logistika eta banaketa katearen kudeaketa

5.7. Txikizkariak eta Handizkariak



6. GAIA. KOMUNIKAZIO INTEGRATUA

6.1. Komunikazio mixaren jokaleku berria

6.2. Komunikazio eraginkor eta integratu baten garapena

6.3. Komunikazio-prozesua eta komunikazio eraginkorra garatzeko faseak

6.4. Komunikazioaren aurrekontua

6.5. Komunikazioko mix orokorra (tresnak)

6.6. Online komunikazioko mix orokorra

6.7. Gizarte-erantzukizuna komunikazioan

Ikasturtean zehar, klase magistralak (M) gelako praktikekin (GA) uztartzen dira kontzeptuak ikasteko ariketak ebatziz eta ikasgaiaren gai bakoitzean enpresen kasuak aztertuz. Bestalde, Mintegiak (S) taldeka proiektu bat egiteko bideratuta daude: marketineko lau politikak (produktua, prezioa, banaketa eta komunikazioa) kontuan harturik, bai benetako enpresa baten produktuei buruzko edo produktu berri bati buruzko erabakiak hartu beharko dira. Proiektua dokumentu itxuroso batean entregatu beharko da.



Erabilitako metodologia, besteak beste, Proiektuetan Oinarritutako Ikaskuntza (PiOI) eta Problemetan Oinarritutako Ikaskuntzaren (POI) metodologia aktiboak batzen ditu. Metodologia horiek ikasleek beren ikaskuntza-prozesuan aktiboki parte hartzea eta irakasleek jarraipen aktiboa egitea eskatzen dute. Hau da, Ikaskuntza Kooperatibo eta Dinamikoaren (IKD) eredu propio, kooperatibo, eleaniztun eta inklusiboan oinarritzea.



Ikaskuntza kooperatiboak hainbat estrategia didaktiko biltzen ditu. Lehenik, ikasleak talde txikitan (3-5 ikasle) antolatzea. Talde horietan, ikasleek modu koordinatuan ikasgaiaren ariketak ebazten dituzte ikaskuntza autonomo tutorizatuaren bidez. Prozedura horretan, parte-hartzaileen helburuak lotuta daude; beraz, “bakoitzak bere helburuak lortuko ditu, baldin eta besteek berenak lortzen badituzte”.



Proiektuetan Oinarritutako Ikaskuntzak (PiOI), IKD oinarri hartuta, ikaskuntza-prozesuan ikaslearen inplikazio aktiboa sustatzea, ikaskideen arteko elkarrekintza eragitea eta ikaskuntza independente eta auto-zuzendua bultzatzea du helburu.



Aldi berean, talde-proiektuak egungo lan-mundurako ikasleak prestatzea du helburu.

Ebaluazio Jarraituaren Sisteman parte hartu nahi ez duten ikasleek uko egiteko eskubidea dute. Ukoa formalki derrigorrez egin behar da eGelan horretarako agertzen den atazaren bidez eta lauhilekoaren lehenengo bederatzi asteen barruan.



Azterketara aurkezten ez diren ikasleak EZ AURKEZTUA bezala kalifikatuko dira, ebaluazio jarraituan parte hartu duten arren. Era horretan, ukoa egiten da deialdiari.



A AUKERA: EBALUAZIO JARRAITUAREN SISTEMA

Bi atal izango ditu:

1) Azken proba / test azterketa: 7 puntu

Azterketa honek landutako gaiei buruzko galdera kontzeptualak eta aplikatuak (test motakoak) izango ditu. TEST GALDEREN PUNTUAZIOA:

• ONDO erantzundako galdera: puntu bat

• TXARTO erantzundako galdera: -0,25 puntu

• Erantzunik GABEko galdera: 0 puntu.

2) Proiektuetan Oinarritutako Ikaskuntza: 3 puntu

Proiektuan benetako enpresa baten marketin mix-aren estrategiak aztertu beharko dira eta enpresa horrentzat produktu berri bat garatu marketin politika guztiak aplikatuz. Proiektu horrek aukera ematen du kontzeptuak ulertu eta ikasteko eta ikasgaiaren gaitasunak garatzeko modu kooperatibo eta dinamiko batean.



Zehaztutako mintegi eta klase praktikoetan proiektuak gidatu, gainbegiratu eta baloratuko dituzte irakasleek. Informazio bilaketak, bere analisiak eta erabaki prozesuak, gehi entregatu beharreko azken dokumentuaren prestaketak, ikasle bakoitzaren banakako eta taldeko lan presentziala eta ez-presentziala eskatuko dute.



Proiektuaren nota ikasle bakoitzarentzat, alde batetik, talde-lanaren nota izango da; bestetik, auto-koebaluazioaren ehunekoa. Ehuneko horrek faktore zuzentzaile moduan jokatuko du talde-lanaren notan eragiten eta proiektuaren azken nota zehazten. Auto-koebaluazioa taldekide bakoitzak egingo du besteentzat eta besteak egingo dute berarentzat. Faktore zuzentzailea proiektuan lortutako notari soilik aplikatuko zaio.



Horrez gain, ebaluazio jarraituaren beste jarduera batzuk ere egin ahal izango dira ikasgelan.



EBALUAZIO JARRAITUAREN nota jasotzeko NAHITAEZKOA izango da praktikei eta mintegiei dagozkien eskolen % 80ra joatea, gutxienez.



Ikasleek ikaskuntzaren aldeko jarrera izan beharko dute bai gainerako taldekideekin, bai irakasleekin, irakaskuntza prozesuak laguntzeko ere. Irakaskuntza-ikaskuntza jarduera normala garatzea eragozten duten portaeren kasuan, irakasleek ikasgela uzteko eskatu ahal izango diete pertsona horiei, eta, portaera horiek errepikatuko balira, etengabeko ebaluazioa uztea.



GUTXIENEKOAK:

Azken proba (test azterketa): ikasgaia gainditzeko beharrezkoa izango da test azterketan 7 puntutik gutxienez 3,5 puntu lortzea.



Test motako azterketan eskatzen den gutxienekora iristen ez bada:

- Ebaluazio jarraituaren nota gehituta 5 puntu baino gehiago lortzen baditu, azken nota 4,5 puntukoa izango da.

- Ebaluazio jarraituaren nota gehituta 5 puntu baino gutxiago lortzen baditu, azken nota ebaluazio jarraituaren eta azterketaren batura izango da.





B AUKERA: EBALUAZIO EZ JARRAIA EDO AZKEN EBALUAZIOAREN SISTEMA

Ikasleek ebaluazio ez jarraia edo azken ebaluazioa egiteko eskubidea izango dute, betiere ebaluazio jarraituari formalki uko egin badiote ezarritako epean eta moduan.



Azken proba (100%) bi zati izango ditu: test azterketa, 7 puntu (%70) + garatzeko azterketa, 3 puntu (%30).



1) Azken proba: test azterketa: 7 puntu

Azterketa honek landutako gaiei buruzko galdera kontzeptualak eta aplikatuak (test motakoak) izango ditu. TEST GALDEREN PUNTUAZIOA:

• ONDO erantzundako galdera: puntu bat.

• TXARTO erantzundako galdera: -0,25 puntu.

• Erantzunik GABEko galdera: 0 puntu.



2) Azken proba: garatzeko azterketa: 3 puntu

Klase magistraletan, praktiketan eta mintegietan garatutako gaitasun kontzeptualak, baita praktikoak ere, baloratuko ditu zati horrek.



GUTXIENEKOAK:

Azken proba (test azterketa): ikasgaia gainditzeko beharrezkoa izango da test azterketan 7 puntutik gutxienez 3,5 puntu lortzea.



Test motako azterketan eskatzen den gutxienekora iristen ez bada:

- Garatzeko azterketaren nota gehituta 5 puntu baino gehiago lortzen baditu, azken nota 4,5 puntukoa izango da.

- Garatzeko azterketaren nota gehituta 5 puntu baino gutxiago lortzen baditu, azken nota ebaluazio jarraituaren eta azterketaren batura izango da.

eGela ikaskuntza birtualaren plataforman ikasturtean zehar irakasleak eskegitzen duen dokumentazioa.

Oinarrizko bibliografia

Tamayo Orbegozo, U. (2020). Marketin mixaren oinarri aplikatuak. UPV/EHUko Argitalpen Zerbitzua. ISSN: 2603-8900.



Kotler, P. & Armstrong, G. (2014). Marketinaren oinarriak. Universidad de Deusto, Deustuko argitalpenak



Aparicio, G. et. al. (2014): Dirección Comercial: Políticas. Pearson Prentice Hall, Madrid.



Armstrong, G. & Kotler, P. (2017): Principios de Marketing, 12ª edición, Pearson Prentice Hall, Madrid.

Gehiago sakontzeko bibliografia

A, Civitas, Madrid.

Aldizkariak

Gaiari buruzko aldizkari espezifikoak, hala nola:
- Harvard Deusto Marketing y Ventas
- MK Marketing + Ventas
- Esic Market: Revista Internacional de Economía y Empresa
- Distribución y Consumo