Irakasgaiaren helburu nagusiak hauek dira:



1. Ikasleak ezagutu egin behar du problemen ebazpenerako teknika (metodologia), honako pausotan oinarritzen dena: zehaztapena edo espezifikazioa, algoritmo baten diseinua (“beheranzko diseinu” metodoaren bitartez), proba-kasuen deskribapena eta inplementazioa goi-mailako programazio-lengoaia bat erabiliz.



2. Problemen ebazpena, metodologiaren pausoak jarraituz modu egokian dokumentatzeko gaitasuna lortzea.



3. Listen eta sekuentzien tratamendua behar duten oinarrizko problemak lantzea.



4. Aipaturiko problematarako programazio egituratu eta modularraren oinarrizko elementuak menperatzea, bere diseinuan eta erabileran: (a) kontrol egiturak: sekuentziala, baldintza duna eta iteratiboa, (b) azpiprogramak, eta (c) datu-egiturak.



5. Ikasitako ezagutzak indartzea ahalbidetuko duen programazio-lengoaia bat menperatzea. Gure kasuan Ada lengoaiarekin lan egingo da, oinarrizko programazioa ikasteko bereziki diseinatua.

1. Sarrera

1.1 Programazioaren helburuak

1.2 Algoritmoa

1.3 Programazioaren faseak (zehaztapena, algoritmoaren diseinua, programaren idazketa eta probak)

1.4 Programazio-lengoaia desberdinak aurkezten dira ere.



2. Programazioko oinarrizko kontzeptuak

2.1 Adierazpenak

2.2 Datuak manipulatzeko oinarrizko aginduak (esleipena, sarrera-irteera)

2.3 Kontrol-egiturak (baldintzazko egiturak eta iterazioa)

2.4 Oinarrizko algoritmoak sekuentziak tratatzeko



3. Azpiprogramen diseinua

3.1 Funtzioak eta prozedurak

3.2 Parametro formalak eta parametro errealak

3.3 Aldagaien esparrua eta ikusgarritasuna

3.4 Azpiprogramen erabilera



4. Datu-egiturak

4.1 Bektoreak, Matrizeak

4.2 Erregistroak

4.3 Lista estatikoak



5. Lista dinamikoak

Gelako saioetan irakaslearen aurkezpenak hainbat ariketarekin tartekatzen dira. Ariketa horiek irakasle eta ikasleen artean egingo dira gelan. Ariketa horiek eta laborategian ordenagailuan martxan jarri beharko direnak aldez aurretik landu behar ditu ikasleak, gelatik kanpo. Laborategi-saioetan irakasleak ikasleen lana tutorizatuko du, ikasleak izango dituen arazoak konpontzen laguntzeko.

Bi bide daude ikasgaia gainditzeko: ebaluazio globala eta ebaluazio jarraitua.



Ebaluazio jarraitua defektuzkoa da. Ebaluazio jarraitutik globalerako pausoa ikaslearen borondatezkoa izan daiteke (aurretik jakinarazi egin beharko du eta data muga bigarren azterketaren nota jakin ondorenekoa izango da), edo bestela ebaluazio jarraituak eskatzen dituen minimoak betetzen ez direlako (irakaslegoak ikasleari era indibidualizatuan jakinaraziko dio). Kasu horretan, une hori arte garatutako laborategiak ez dira kontuan hartuko.



Ebaluazio jarraitua.

--------------------

Ebaluazio jarraituak ikaslearen parte-hartze aktiboa eskatzen du; beraz, ikasleak eskoletara eta laborategietara etorri beharko du, haietan parte hartu, eta proposatutako jarduerak (ariketak, lanak, praktikak, azalpenak...) egin beharko ditu, lehen egunetik hasita. Azaldutako kontzeptu guztietan ezagutza egokia erakustea, burututako proba eta ebaluaketa guztietan, gomendatzen da.



AZTERKETA IDATZIAK:

Hiru azterketa idatzi burutuko dira %20+%30+%20.

LABORATEGIKO LANAK ETA TESTAK: %30.



Aurreko azterketak eta testak, banatutako plangintzan ezarritakoak izango dira. Ebaluazio jarraituan IRAKASGAIA GAINDITZEKO AZTERKETAK (BURUTZEN DIREN HIRURAK) GAINDITZEA BEHARREZKOA DA.





Ebaluazio globala.

------------------

Ebaluazio mota honek ikaslearen aldetik klasetara asistentzia jarraitua edo lanen/ikasketen segimendua eskatzen ez duen arren, irakasgaiaren eskakizunak bete ahal izateko klase guztietara joatea biziki gomendatzen da.



AZTERKETA IDATZIA: azterketa proba bakarra, idatzia, burutuko da %100. Garatu beharreko ariketa bakoitzean minimo bat lortzea ezinbestekoa da.

eGela plataforman ikasgaiarekin lotutako hainbat material jaso ahal izango ditu ikasleak: ariketa ebatziak, ikasgelako gardenkiak, laborategiko ariketen enuntziatuak, softwarea, foroa, etab.

Oinarrizko bibliografia

(1) Oinarrizko Programazioa. Ariketa-bilduma. A Díaz de Ilarraza, K Sarasola. Udako Euskal Unibertsitatea, 1999.

(2) ADA Lengoaia eta Metodologia. Watt, D., Wichmann, B., Findlay, W., EHUko Argitalpen Zerbitzua, 1996.





Oinarrizko bibliografía gaztelaniaz:

(1) Fundamentos de la programación. Algoritmos y Estructuras de datos. L Joyanes Aguilar. MacGrawHill, 2ª edición 1996.

(2) Una Introducción a la programación. Un enfoque algorítmico. JJ García, FJ Montoya, JL Fernandez, MJ Majado. Thomson Ed. 2005.

Gehiago sakontzeko bibliografia

(1) Programming in Ada 2012. JGP Barnes. Cambridge University Press. 2014.
(2) Ada 2012 rationale: The language, the standard libraries. JGP Barnes. Springer. 2013.(ebook)
(3) Ada 2012 reference manual: language and standard libraries. International Standard ISO/IEC8652/2012.(ebook)
(4) Beginning Ada Programming: From Novice to Professional. AT Shvets. APress. 2020.(ebook)
(5) Ada for Software Engineers. M Ben-Ari. Springer Verlag. 2009. (ebook)
(6) Programming in Ada 2005 with CD (International Computer Science). JGP Barnes. Addison-Wesley. 2005.
(7) Ada Language and Methodology. DA Watt, BA Wichmann, W Findlay. Prentice-Hall. 1987.
(8) Ada Problem Solving and Program Design. MB Feldman, EB Koffman. Addison-Wesley.1993.
(9) Programming and Problem Solving with Ada. N Dale, C Weems, J McCormick. Heath. 1994.
(10) La práctica de la programación. BW Kernighan, R Pike. Prentice Hall. Ed, 2000.
(11) Code Complete: A Practical Handbook of Software Construction. Steve McConnell. Microsoft Press, 2004.
(12) Introducing to Computing and Algorithms. Shackelford, R.L. Addison-Wesley. 1998.
(13) ADA 95 from the Beginning. Skansholm, J. Addison-Wesley. 1996.
(14) Konputagailuen programazioa turbo Pascal bitartez. Romo, J.M. UPV-EHUko Bilboko Ingeniarien Goi Eskola Teknikoa. 1999.
(15) Programazioaren Oinarriak. Goirizelaia, I.. UPV-EHU.1999.
(16) Ada for Software Engineers. John Wiley & Sons, 1998. ISBN 0-471-97912-0. (ebook. https://link-springer-com.ehu.idm.oclc.org/content/pdf/10.1007/978-1-84882-314-3.pdf).