- M02CM01. Aplikazioak eta sistema informatikoak diseinatzeko, hautatzeko eta ebaluatzeko gaitasuna, haien fidagarritasuna, segurtasuna eta kalitatea ziurtatuta, printzipio etikoen eta indarrean den araudiaren arabera.



- M02CM06. Teknologia informatikoen oinarrizko prozedura algoritmikoak jakitea eta aplikatzea arazoentzat soluzioak diseinatzeko, proposatutako algoritmoen egokitasuna eta konplexutasuna analizatuta.



- M02CM07. Arazo bat ebazteko datu mota eta egitura egokienak zein diren jakitea, diseinatzea eta modu eraginkorrean erabiltzea.



- M02CM08. Aplikazioak modu sendo, seguru eta eraginkorrean analizatzeko, diseinatzeko eta mantentzeko gaitasuna, paradigma eta programazio lengoaia egokienak aukeratuta.

1. gaia. Algoritmoen konplexutasun-azterketa. Kostu-funtzioa. Funtzioen ordenak. Bilatze- eta ordenazio-algoritmoen analisia. Ariketa praktikoak.



2. gaia. Algoritmoen diseinu errekurtsiboa. Diseinu errekurtsiborako metodologia. Programa errekurtsiboen inplementazioa. Adibide praktikoak eta ariketak.



3. gaia. Datu-mota abstraktuak. Datu-egitura linealak: listak, pilak eta ilarak. Egitura horien erabilera-adibideak. Eraginkortasun-azterketa.



4. gaia. Hash taulak. Hash funtzioa. Hash taula itxiak eta irekiak. Hash taulen eraginkortasun-azterketa.



5. gaia. Zuhaitzak. Zuhaitz bitarrak. Bilaketa-zuhaitz bitarrak. B, B+ eta B* zuhaitzak. Zuhaitzen gaineko algoritmoen eraginkortasun-azterketa: bilaketak eta korritzeak.



6. gaia. Grafoak. Grafoen errepresentazioa eta korritze-algoritmoak.



7. gaia. Problemen ebazpideen analisia, diseinua eta inplementazioa. Datu-egituren analisia eta aukeraketa.

Eskola MAGISTRALAK (M) kontzeptu teorikoen azalpenerako eta eztabaidarako erabiliko dira, gero lan praktikoan aplikatuko direnak. Halere, azaldutako kontzeptuak ariketen bidez indartuko dira, banaka edo talde txikietan.



ORDENAGAILUKO PRAKTIKETAN (GO) irakasgaiarekin lotutako lan praktikoak garatuko dira, irakaslearen gainbegiratzepean.

Taldeko lana bultzatuko da problema edo proiektu txiki/ertainen ebazpenerako.



Ikasturtean zehar lan praktikoa garatuko da, 4 entregatze-datekin. Ikasleak era autonomoan landuko du, irakaslearen laguntzaz, eta emaitza 4 software-modulutan eta dagokion dokumentazioan gauzatuko da. Lan honen balorazioa %40a izango da.



Aurrez-aurreko jardueretan idatzizko lanak edo azterketak egingo dira, bai gelan bai laborategietan, azken notaren beste %60a lortzeko.



KLASEAK ONLINE (EZOHIKO EGOERA)

Gelaren gaitasun mugak gainditzen diren kasuetan, ordu berean bigarren ikasgela bat gaituko da eta bertatik klasea jarraitzeko aukera egongo da (streaming teknikak edo antzekoak erabiliz). Osasun egoerak hala eskatzen badu, irakaskuntza on-line izango da eta horretarako unibertsitateak eskaintzen dituen baliabideak erabiliko dira (eGela, BlackboardCollaborate, ...)



Ikasgaiko klaseak presentzialki egiterik ezean, telematikoki egingo dira. Azken irtenbide hori ez-ohiko egoera batek eragina izaki, ikasgaiko irakasleak klase horietan erabilitako tresna, baliabide eta kalifikaziorako portzentaia oro online testuingurura egokituko ditu. Egokitzapen horiek guztiak eGela (edo irakasle eta ikasle arteko edozein komunikazio) bidez azalduko ditu irakasleak. Klase horietako data eta orduak ikastegiak klase presentzialetarako finkatutako berak izango dira.

Irakasgaiak bi ebaluabide ditu: unean uneko ebaluazio jarraitua eta azken uneko ebaluazio orokorra. Ebaluazio jarraitua borondatezkoa izango da, eta irakasgaiaren jarraipena, aurrez-aurreko klaseen bidez, egin dezaketen ikasleei eskaintzen zaie, ikaslegoaren ebaluazioari buruzko EHUko arautegian azaltzen den bezala.



Ebaluazio jarraitua egiteko izen-ematea adieraziko diren datetan egingo da. Aurreinskripzioa behin-betikoa izango da eskaeraren baieztapena egin eta gero (12. astea aldera, ebaluazioaren % 70a egindakoan), eta ikaslearen errendimendua aztertu eta gero.



Honako hauek dira egingo diren lanak eta beren pisua:



1) Azterlan idatziak: % 60

3) Lan praktiko ez-presentziala: % 40



Irakasgaia gainditua izateko, azterketa guztien nota 3 edo altuagoa izan beharko da (6 puntutik).



Azterketen nota 3 baino baxuagoa (6 puntutik) izatekotan, orduan ez da batezbestekoa egingo praktikarekin, hau da, azken nota azterketako nota izango da (0-10 tartean).



Ebaluazio jarraituak aurrez-aurreko eskoletan partehartze aktiboa, jarduera praktikoak, lanak eta azterketak egitea eskatuko du.





EBALUAZIO OROKORRA:

- Azken azterketa (100%)



Azken azterketa idatzia izango da, irakasgaiaren edukien % 100a hartuko dituena. Hau egiteko, komenigarria da aurretik irakasgaiko lan praktikoak egitea.



EZ AURKEZTUA:

- Ikaslea azken azterketara aurkezten ez denean "Ez aurkeztua" izango da azken nota.



KOPIA KASUAK:

Ikaslegoaren ebaluazioari buruzko arautegiaren 11.3 artikulua aplikatuko da.



AZTERKETA ONLINE (EZOHIKO EGOERA)

Ikasgaiko azterketak presentzialki egiterik ezean, telematikoki egingo dira. Azken irtenbide hori ez-ohiko egoera batek eragina izaki, irakasleak azterketak gauzatzeko egitura, jarraibide eta baldintzak definituko ditu, eta eGela (edo irakasle eta ikasle arteko edozein komunikazio) bidez komunikatuko dizkie ikasleei. Azterketen data eta ordua ikastegiak azterketa ofizialetarako finkatutako berak izango dira.

- UPV/EHUko Moodle.
- Irakasgaiko materialak.
- Lanen enuntziatuak, dokumentaziorako laguntzak eta programak.

Oinarrizko bibliografia

Título Libro: Algorithms, 4th Edition.

Autor: Robert Sedgewick and Kevin Wayne.

Editor: Pearson. (http://algs4.cs.princeton.edu/home/)



Título Libro: Java software Structures, Third Edition

Autor: LEWIS, JOHN; CHASE, JOSEPH

Editor: Pearson Educación, 2010



Título Libro: Estructura de datos y algoritmos.

Autor: A. V. Aho, J. E. Hopcroft, J. D. Ullamn.

Editor: Addison-Wesley 1988



Título Libro: ESTRUCTURAS DE DATOS CON JAVA

Autor: LEWIS, JOHN; CHASE, JOSEPH

Editor: Pearson Educación, 2005



Título Libro: Competitive Programming 3

Autor: Halim, Steven; Halim, Felix

2013

Gehiago sakontzeko bibliografia

Título Libro: ESTRUCTURAS DE DATOS EN JAVA
Autor: M. Allen Weiss
Editor: Addison Wesley, 2001

Título Libro: Estructuras de datos y métodos algorítmicos. Ejercicios resueltos
Autor: N. Martí, Y. Ortega, J.A. Verdejo.
Editor: Pearson/Prentice Hall, 2003. ISBN 84-205-3849-3.