Irakasgaia ondorengo ikaskuntza-emaitzak lortzeko diseinatuta dago:



* Datu-base baten diseinuko etapak ezagutzea.

* Entitate-erlazio (EE), entitate-erlazio hedatua (EE+) eta UML erabiliz eskema kontzeptualak diseinatu ahal izateko, datu eskakizunak modu egokian analizatzea.

* Eskema kontzeptualetik abiatuta datu-base baten eskema logiko eraginkorra diseinatzea (datu-eredu erlazionala erabiliz).

* Eskeman oinarrituta, eskema normalizatzeko eta bistak eta integritate-murriztapenak definitzeko gaitasuna lortzea.

* Datu-base baten diseinu fisikoa egin ahal izateko oinarrizko elementuak identifikatzea.

* Datu-biltegiak eta datu-base banatuak diseinatzeko teknikak ezagutzea.

Gainera, proiektu praktiko baten garapena baliatuaz irakasgaiaren ikasketa indartuko da ondorengo zeharkako-gaitasunetan: talde-lana, ahozko eta idatzizko komunikazio argi eta zehatza, soluzio berritzaile eta sortzaileak proposatzeko proaktibotasuna eta ikasketa autonomoa.

1. Sarrera: Datu-baseen diseinua.

2. Diseinu Kontzeptuala. Entitate-erlazio eredua eta UML.

* Entitate-erlazio eredua.

* Entitate-erlazio eredu hedatua.

* Eredu kontzeptualetik eredu erlazionalerako transformazioa.

* Entitate-erlazio eta eredu erlazionalen errepresentazioa UML klase-diagramen bitartez.

3. Normalizazioa eskema erlazionalean.

4. Bistak eskema erlazionalean (SQL).

5. Integritate-murriztapenak eredu erlazionalean.

6. Diseinu fisikoa.

7. Datuen kudeaketarako bestelako diseinu aukeren oinarriak.

* Datu-base banatuak.

* Datu-biltegiak (Datawarehouse)

Irakasgai honetan hiru irakaskuntza metodologia erabiliko dira: eskola magistralak, praktikak ordenagailuan eta aplikazio baten garapena talde-lanean. Gaitegiaren zati handi bat eskola orduetan emango da aditzera ordu presentzial deitzen direnetan. Gainera, ikasleek kontzeptuen ikasketa indartu beharko dute modu autonomoan lan eginez eskola orduetatik kanpo (ordu ez presentzialak), bibliografia espezializatua kontsultatuz eta ariketak eta lanak garatuz. Praktikaren garapena hiru etapetan egingo da eta hauetako bakoitzean ikasleek egindako lanari buruzko feedback-a jasoko dute.



Eskola eta laborategi orduetan eztabaida uneak eta ariketen eta lanen aurkezpenak garatuko dira, partaidetza eta motibazioa bultzatu eta zeharkako gaitasunak garatzeko asmoz.

Bi bide daude irakasgaia gainditzeko: amaierako ebaluazioa (bukaeran), eta etengabeko ebaluazioa. Etengabeko ebaluazioak zuen parte hartze aktiboa eskatzen du; beraz, eskoletara eta laborategietara etorri beharko duzue, haietan parte hartu, eta proposatutako jarduerak (ariketak, lanak, praktikak, azalpenak...) egin beharko dituzue.



Etengabeko ebaluazioa da nagusiki ikasleei gomendatzen zaiena. Azken ebaluazioa erabili nahi izanez gero, ikasleek etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari adieraziko diren epeetan (ikastaroaren %60 - %80 igarota) eta irakasleak ikaslearen errendimendua egiaztatu ondoren.



ETENGABEKO EBALUAZIOA:

- Etengabeko ebaluazioari dagozkion hiru proba idatziak (azterketak): % 28 + % 28 + % 14

Gutxienez 3,5eko nota (10en gainean) atera behar azterketa guztietan etengabeko ebaluazioan jarraitu ahal izateko.

- Talde-lana eta aurkezpena: % 20 (Talde-lanean gutxienez 5eko bat atera behar da)

- Laborategiak: % 10

- Gainera, etengabeko ebaluazioan gutxieneko %80ko eskola bertaratzea eskatzen da.

Irakasgaia gainditzeko, 5eko nota orokor minimoa lortu beharko da.

Laborategiak azterketan ebaluatuko dira.



Irakasgaiaren ebaluazioan UPV/EHUko ebaluazio probetan eta lan akademikoetan jokabide makur eta iruzurrezkoak eragozteari eta etika akademikoari buruzko protokoloa" aplikatuko da.

Irakasleak besterik esaten ez badu, ebaluazio probetan ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere.



AZKEN EBALUAZIOA:

Idatzizko azterketa ohiko eta ez-ohiko deialdietan egingo da.

- Idatzizko azterketa - % 100

- Laborategiak eta talde-lana egitea derrigorrezkoa da eta azterketa baino lehen egin beharko dira. Laborategien %80a egin behar da gutxienez eta talde-lanean gutxienez 5eko bat atera behar da.

Laborategiak derrigorrezkoak dira eta azterketa baino lehen egin behar da.



Irakasgaia gainditzeko, 5eko nota orokor minimoa lortu beharko da

Oinarrizko bibliografia

Fundamentals of Database Systems. R.A. Elmasri y S. B. Navathe. Seventh edition. Pearson, 2017.





Fundamentos de Bases de Datos. A. Silberschatz, H. Korth y S. Sudarshan. Mc.Graw-Hill, 6. edición. 2014





Database Systems: A Practical Approach to Design, Implementation, and Management. T. Connolly y C. Begg Six edition. Pearson, 2014.(Versión anterior en castellano Sistemas de Bases de Datos. Un enfoque práctico para Diseño, Implementación y Gestión. T. Connolly y C. 4 edición. Begg. Addison Wesley, 2005.)



Database Systems. Introduction to Databases and Data Warehouses. N. Jukic, S. Vrbsky, S. Nestorov. Prospect Press 2017.



Database Systems. A practical approach to Design, Implementation and Management. 5th edition. 2009.

Gehiago sakontzeko bibliografia

Principles of Database Management. The practical guide to storing, managing and analyzing Big and Small data. W. Lemahieu, S.V. Broucke, B. Baesens. Cambridge University Press 2018.

Database Systems. The Complete Book. H. Garcia-Molina, J.D. Ullman, J. Widom. Pearson. 2nd edition. Prentice Hall 2009.