Ikaskuntza emaitzak Informatikaren Ingeniaritzako Graduaren titulaziorentzako ezarritako gomendioetan (https://www.boe.es/diario_boe/txt.php?id=BOE-A-2009-12977) oinarritzen dira. Hau da, sistema informatiko sendo, seguru, eraginkor eta adimendunak eraikitzeko gaitasunekin lotuta daude. Bereziki, softwarearen garapenerako elkarlana errazten duen azpiegitura teknologiko bat osatzearekin eta prototipo azkarren sorkuntza sistematikoa eta automatizatua erraztearekin. Azpiegitura teknologikoak, bezeroen betekizunen kudeaketa eta arazoaren analisitik hasita prototipoen diseinu, garapen, mantenu eta hobekuntza egiteko baliabideak emango ditu.



Irakasgai honekin, ikasleak lortuko dituen emaitzak honako hauek izango dira:



- Bezero eta hornitzaileen arteko harremanak estandarretan oinarritzen jakitea. Ondorioz, softwarea eraiki baino lehen bezeroaren arazoari dagokion software soluzioa definitzea.



- Softwarearen garapenerako prozesuak definitu eta aplikatzeko modu bat ezagutzea.



- Talde txikietan zein handietan metodologia arinak aplikatzea, garatzen diren proiektuen hasiera, elaborazio, eraikuntza eta trantsizio faseetako informazio guztia zehazki adieraziz.



- Aplikazio informatikoen kalitatea neurtzeko metrika eta adierazleak azaleratzea, softwarea bezeroaren negozio edo zerbitzu mailaren hobekuntzarekin lotuz.



- Ezaugarri edo mota desberdinetako sistemen integrazioa: Adibidez, ezagutzan oinarritutako sistemak negozio prozesuen kudeaketarako web aplikazioekin.



- Software sendoa elaboratu eta eraikitzeko erabiltzen diren metodo eta erreminten oinarrizko kontzeptuak ezagutzea.

1. Softwarearen kalitate eskakizunak eta kalitate ereduen hedapenaren gaur egungo egoera.

1.1. Softwarearen kalitatearen egoera mundu mailan.

1.2. Bezeroen eskariak eta kontutan hartu beharreko estandarrak.

1.3. Kalitate eredu eta arauak: CMMI, SPICE, SIL eta IEC 61508 nazioarteko araua.

1.4. Garapen prozesua gidatzen duten metodologiak eta lagungarriak diren erremintak.

1.5. Garapen prozesu sistematikoaren ezarpenerako estrategiak proiektu handi zein txikitan.



2. Bezeroen beharrak identifikatzea: Betekizunen ingeniaritza eta proiektuen elaborazioa.

2.1. Betekizunen Ingeniaritza: Definizioak, helburuak, betekizun motak eta etekinak.

2.2. Betekizunak lortzeko prozesua: informazio iturriak, gidak eta baliabideak.

2.3. Proiektuen elaboraziorako gidak: Metodologia arinak (OpenUP) eta proiektuen informazioa egituratzeko arauak.

2.4. Arazoen konplexutasunaren aurrean, eraikiko den softwarearen modelatzea eta bere abantailak.

2.5. Garapen metodologiak CMMIren lehen mailak lortzeko informazio iturriak.

2.6. Aktibo desberdinen txantiloiak: Metodologiek definitutako testu dokumentuenak eta UML edo SYSML ereduenak.

2.7. Proiektuen aurkezpena, defentsa eta ebaluazioa errazten duten arauak: CCII-N2016-02 eta UNE157801:2007 arauak.

2.8. Praktika: Enpresa konkretu batek duen arazoaren betekizunen analisi zehatza egin, garapen talde eta inplikatu guztiei erraz komunikatzeko moduan.



3. Softwarearen garapenaren sistematizazioa eta automatizazioa: Prozesuen ingeniaritza eta prozesuetan oinarritutako sistemak

3.1. Prozesuen motibazioa, definizio sistematikoa eta etengabeko hobekuntza.

3.2. Negozio Prozesuen Kudeaketa (Business Process Management edo BPM). Oinarri teoriko eta erremintak.

3.3. Praktika: BPM teknologia baten azterketa eta ebaluazioa.

3.4. BPM sistemak: prozesuen modelizazioa, aplikazioen garapena eta adierazleen analisia.

3.5. BPM teknologien inpaktua gure lanbidean, negozio eta teknologi aplikagarrien hautaketa egiterakoan.

3.6. BPMrekin sortutako web aplikazioetan beste sistema batzuk integratzea: Ezagutzan oinarritutako sistemen kasua.

3.7. Menpekotasun teknologikoa saihesteko norberaren azpiegitura teknologikoa eraikitzeko osagai nagusiak: interfazeak, datu-baseak, prozesuak edo lan-fluxuak exekutatzeko motorrak.



4. Kalitatezko softwarearen garapena: Sistematizazioa, berrerabilpena, espezializazioa etengabeko hobekuntzan.

4.1. Berrerabilpen sistematikoa: Domeinuaren analisia, berrerabilpenaren bizi-zikloa eta osagaietan oinarritutako ingeniaritza eta kudeatu beharreko aktiboak.

4.2. Betekizunen kudeaketa sistemetako ingeniaritzan.

4.3. Metrikak eta neurketak UML edo SYSML ereduetan.

4.4. Softwarea garatzeko prozesu baten ezarpena eta proiektuen monitorizazioa.

4.5. Bezeroei aurkeztu ahal diegun ziurtagiri baten adibidea: Elkargoan lortutako bisa CCII-N2016-01 aplikatuz

4.6. Praktika: OpenUP eta CCII-N2016-02 arauan oinarritutako softwarea garatzeko prozesu baten definizioa BPMN estandarra erabilita.



5. Software sendoaren definizioa eta eraikuntzaren oinarriak.

5.1. Bezeroek eskatutako estandar baten oinarritutako (IEC 61508) bizi zikoa.

5.2. Garapen sistematikorako erremintak.

Klase magistraletan, kontzeptuen aurkezpenerako saioak lan saioekin tartekatuko dira. Lehenengoetan, adibideak, erremintak eta produktuak aurkeztearekin testuingurua aztertuko da. Bigarrenetan, bakarka edo taldeka, ikasleak teoria praktikan jarriko du.



Ikasleek ikaskuntza emaitzak gauza ditzaten, proiektuetan oinarritutako ikaskuntza metodologia erabiliko da. Proiektuak, taldeka, beste talde batek jarraitzeko moduan, antolatu, garatu eta dokumentatuko dira. Laborategi saioetan, aurretik banatutako enuntziatu eta adibideak aztertu ondoren, ikasleak domeinu konkretu baterako prototipoak garatuko ditu. Saio hauetan, irakasleak, ikasleak gidatuko ditu eta beraien zalantzak argitu.



Saio praktikoak eta ikasleen talde-lanek kalifikazioaren % 70-ren balioa izango dute eta beraietan, ikasleek proiektu desberdinak garatuko dituzte. Betiere bezero-hornitzaile harremana sendotzeko metodoetan oinarrituz. Irakasleak, bezero-hornitzaile harremaneko rol desberdinak jokatuz, ikaslearen lana gidatuko du.



EBALUAZIO SISTEMAK

Ikasgai honetan Etengabeko Ebaluazio Sistema lehenesten da baina Amaierako Ebaluazio Sistema eskatu daiteke.

Ikasleen Ebaluaziorako Arautegia https://www.ehu.eus/eu/web/estudiosdegrado-gradukoikasketak/ebaluaziorako-arautegia jarraituko da ebaluazioarekin zerikusia duten kasuetan. Kopiatu egin dela egiaztatuz gero, bere 11.3 artikulua aplikatuko da.



Ehunekoak eta ebaluazio motak hurrengo ataletan zehazten dira. Lauki honi dagokion ehunekoa % 100 izango litzateke.

Irakasgaia gainditzeko bi modu eskaintzen dira: etengabeko ebaluazioa eta azken ebaluazioa. Etengabeko ebaluazioa irakasgaiaren hasieran aukeratu ahal izango da, eta behin betiko berretsi beharko da adieraziko diren epeetan (irakasgaiaren % 60-80 igarotzean), ikasleak hala eskatuta edo irakasgaiaren irakasleak haren errendimendua egiaztatuta.



ETENGABEKO EBALUAZIOA:

Etengabeko ebaluazioaren iraupena 18 astetakoa izango da. Puntuen %72a lehen 15 astetan lortu ahal izango da eta gainerakoa ohiko deialdian.



- Teoria eta praktiken lehen ebaluazioa: Lehen aste trinkora arte (%10 teoria + %26 praktika = %36).



- Teoria eta praktiken bigarren ebaluazioa: Bigarren aste trinkora arte (%10 teoria + %26 praktika = %36).



- Teoria eta praktiken hirugarren ebaluazioa: Ohiko deialdiaren datan (%10 teoria + %18 praktika = %28).





Etengabeko ebaluazioaren baldintzak:



- Puntuen %30 eduki teorikoena izango da eta gainerakoa lan praktikoena.



- Azterketa teoriko bakoitzean gutxienez %33 lortu behar da etengabeko ebaluazioan aurrera egiteko.



- Lan eta test praktiko bakoitzean, gutxienez, puntuen %50 lortu behar da etengabeko ebaluazioan aurrera egiteko.



- Ebaluazio bakoitzean, lanak banaka ebaluatuko dira test motako azterketekin. Testa ez gainditzeak dagokion lana suspenditzea ekarriko du.



- Lan praktikoan garatutako prototipoek ez badute puntuen %50 lortzen, ikasleak, zuzendu eta irakasleak jarritako epean bertsio hobetu bat entregatu beharko du.



- Ikasleak, bigarren eta hirugarren ebaluazioan, bere nota hobetzeko aukera izango du.



- Gelako lanak notaren %10-eko hobekuntza ekar lezake.





AZKEN EBALUAZIOA:



Etengabeko ebaluazioan jarraitu ez duten ikasleek irakasgairen ohiko eta ezohiko deialdian irakasgaiaren eduki guztien ebaluazio izateko aukera dute.



Saio praktikoak eta ikasleen lanek kalifikazioaren % 70-ren balioa izango dutenez, azterketak bi zati izango ditu azken kalifikazioan izango duen pisuaren arabera:



- %30ekoa eduki teorikoei dagozkien probena.



- %70ekoa lan praktikoak eta beraien inguruko testak. Hau da, ikasleek banakako lanean garatutako proiektuak, edo teknologien erabilera aurreratuaren emaitzei dagokiona. Garatutako lan horiek, irakaslearekin adostutako plangintza bat jarraituz ikasturtean zehar garatu eta azterketara aurkeztu baino lehen entregatuak izango dira. Eduki praktikoen puntuak lortzeko, proiektu praktikoen ebaluazio positiboa izateaz gain, dagozkien testak gainditu beharko dira.

Ikastaroan zehar erabiliko diren baliabideak, makina birtual batean ere banatuak izan daitezkeenak:

- Metodologiak: Rational Unified Process eta OpenUP.

- Prozesuen definizioa eta beraien kudeaketarako web aplikazioen sorrera: Bizagi Modeler eta Bizagi Studio.

- Softwarea garatzeko ingurune aurreratuak: IBM Rational Software Architect.

- Proiektuak aurkezteko arau estandarrak: CCII-N2016-02 eta UNE157801:2007.



IKASGAIAREN BILTEGIAN EDO MAKINA BIRTUALEN BIDEZ ESKURAGARRI EGONGO DIREN MATERIALAK

- IBM Rational Rhapsody Developer.

- Aztertuko diren metodologia, estandar eta teknologiekin garatutako Gradu Amaierako Lanak.

- Txostenak, arazo errealen ezagutza daramaten lan-fluxuak, etab.

Oinarrizko bibliografia

Oinarrizko bibliografia



- CMMI Product Team. 2010. CMMI for Development, Version 1.3 (Technical Report CMU/SEI-2010-TR-033). Pittsburgh: Software Engineering Institute, Carnegie Mellon University. http://resources.sei.cmu.edu/library/asset-view.cfm?AssetID=9661



- ISACA-CMMI. Guia de adopción y transición de CMMI v2.0. CMMI Insitute, 2018. https://cmmiinstitute.com/getattachment/30f259b3-af78-498c-be5e-72e60525fd36/attachment.aspx



- SWEBOK. Guide to the Software Engineering Body of Knowledge, IEEE Computer Society, 2004. https://www.computer.org/web/swebok



- P. Bourque and R.E. Fairley, eds., Guide to the Software Engineering Body of Knowledge, Version 3.0, IEEE Computer Society, 2014; www.swebok.org.



- Software Quality Assurance: From theory to implementation. Daniel Galin. Pearson; Addison Wesley, 2004. http://desy.lecturer.pens.ac.id/Manajemen%20Kualitas%20Perangkat%20Lunak/ebook/Software%20Quality%20Assurance%20From%20Theory%20to%20Implementation.pdf



- Guía de los Fundamentos para la Dirección de Proyectos (Guía del PMBOK®) - Sexta edición. Project Management Institute [MA14].



- A. Avizienis, JC. Laprie, B. Randell and C. Landwehr. Basic Concepts and Taxonomy of Dependable and Secure Computing. IEEE Transactions on Dependable and Secure Computing, VOL. 1, NO. 1, 2004. https://www.nasa.gov/pdf/636745main_day_3-algirdas_avizienis.pdfGiarritano, J., Riley, G., PWS PC Sistemas Expertos. Principios y Programación, Thomson 2001.



- ICT Profiles update. European e-Competence Framework http://www.ecompetences.eu/ict-profiles-update/



- ICT Profiles. European e-Competence Framework http://www.ecompetences.eu/ict-professional-profiles/



- European ICT Professional Profiles in Action Technical Interim Report. http://www.ecompetences.eu/wp-content/uploads/2017/10/EU_ICT_Prof_Profiles_in_action_INTERIM_REPORT.pdf



- Euskalit Kudeaketa Aurreratua. https://www.euskalit.net/es/



- Portal ISO 25000: Calidad de software y datos. http://iso25000.com/



- Guide to the Software Engineering Body of Knowledge (SWEBOK) http://www.computer.org/portal/web/swebok

Gehiago sakontzeko bibliografia

- Quality Software Project Management, Robert Furtell, Donald Shafer, and Linda Shafer, Prentice Hall, 2001.

- Handbook of Software Quality Assurance. G. Gordon Schulmeyer. 2008.

- Software Process Improvement: Practical Guidelines for Business Success, Sami Zahran, Addison Wesley, 1998.

- Leadership, Teamwork, and Trust: Building a Competitive Software Capability.Watts S. Humphrey. Addison-Wesley, Reading, MA. 2011.

- Reflections on Management: How to Manage Your Software Projects, Your Teams, Your Boss, and Yourself. Watts S. Humphrey. Addison-Wesley, Reading, MA. 2010.

- Crosby, P. B. (1979) Quality is Free, McGraw-Hill, New York.

- Object-Oriented Metrics in Practice. Michele Lanza and Radu Marinescu Springer; 1 edition (2006).

- Clean Code. Robert C. Martin. Pearson Education. 2009.

- Kalitate Kudeaketaren Hastapenak. Iñaki Heras, German Arana, Martí Casadesús eta Javier Merino. EHU. 2007.

Aldizkariak

- Software Quality Journal. ISSN: 0963-9314 (print version), ISSN: 1573-1367 (electronic version). http://www.springer.com/computer/swe/journal/11219. Open Access.

- ACM Transactions On Software Engineering And Methodology. http://tosem.acm.org/

- Advances In Engineering Software. http://www.journals.elsevier.com/advances-in-engineering-software/

- Automated Software Engineering. http://www.springer.com/computer/ai/journal/10515