Irakasgai honetan ingeniaritzako materialen (metal, polimero, zeramika eta konpositeen) ezagutzak sakontzen dira; beren industriarako aplikazioak, materialen diseinua eta ekoizpenarekin erlazionatuko dira. Arreta berezia ipiniko da materialen izaeran, konformazio prozesuetan eta haietatik eratortzen diren mikroegitura eta propietate desberdinen ezaugarrietan.



Irakasgai honek materialen Zientzia, Teknologia eta Kimikaren testuinguruko oinarrizko ezugutzetatik abiatu eta haietan sakontzeko balioko du. Partikularki 2. mailan emandako Materialen Zientziaren Oinarriak irakasgaiaren edukietan sakontzen du, non mikroegitura, sintesi edo/eta ekoizpenaren eta materialen propietateen arteko erlazioa hobeto ezagutzea ahalbideratuko duen.



Kurtsoan zehar koordinazio horizontala bermatzen duten mekanismoak, irakasgai hau eta beste kontzeptu nagusi eta antzekoak azaltzen dituzten programekin kooordinatzen dira. Koordinazio bertikala Ikasketa Plangintzaren egiturara lotzen zaio, kontuan izanik kurtso honetarako lagungarriak izan daitezkeen ezagutzek Graduko aurreko beste kurtsoetan emandakoekin bat egingo dutela.



Gradu amaierako proiektuentzat interes handikoa den asignatura izanik, bai Industri Teknologian Ingeniaritza gradurako eta baita beste espezialitate batzuentzako proiektuak proposa daitezke arlo honetan.

M04OP2 Espezifikoa: Materialen Ingenieritzan emaitzak, proiektuak eta ikasketa aurreratuak garatzeko gaitasuna, autonomia maila handiarekin.

M04OP7 Zeharkakoa: Informazioa bilatu eta hautatu, ahozko eta idatzizko komunikazioa, txostenak eta proiektuak idatzi, dokumentazioak kudeatu.

1. gaia.- Sarrera.

Solido kristalinoaren ordenamendua maila idealean eta errealean. Materialen propietate mekaniko eta funtzionalak. Portaera lanean. Materialen familiak: metalak, polimeroak, zeramikak eta konpositeak.

2. gaia.- Metalen fase transformazioak.

Metalen solidotzea: hozidura homogeneoa eta heterogeneoa, kristalen hazkuntza, solidotzearen egiturak. Deformazio plastikoa: prozesuak hotzetan eta berotan, deformazio mekanismoak eta deformaziozko gogortzea: garraztasuna. Gogortze mekanismoak: ale xeheagatikoa, soluzio solido eraketagatikoa, fase transfomaziokoa eta egitura gogortzeagatikoa.

3. gaia.- Aleazio metalikoen tratamendu termikoak: Fe-C diagrama eta oreka transformazioak, oreka kanpoko transformazioen TTT eta CT diagramak; tenplaketa eta tenplagarritasuna; iraoketa; suberaketa eta normalizazioa. Aleazio ez-burdinezkoen tratamendu termikoak: egiturazko gogortzea.

4. gaia.- Polimeroen sintesia eta karakterizazio molekularra. Molekula organiko txikietatik makromolekuletaraino. Polimeroak eta lotura kimikoa. Polimerizazio erreakzioak: poliadizioa eta polikondentsatzioa. Sailkapena eta definizioa. Sintesiko polimeroak eta polimero naturalak. Unitate kimiko errepikakorrak. Konformazioa eta konfigurazioa. Monomeroen funzionalizazioa eta polimeroen egitura. Polimeroak/plastikoak.

5. gaia.- Polimeroen egoera solidoa.

Erlazio termodinamikoak. Egoera amorfoa. Beira transizioa neurtzeko metodo esperimentalak. Tg-an eragina duten egileak. Polimeroen kristalgarritasuna. Karakterizazio-teknikak: dilatometria, kalorimetria, X-izpien difrakzioa. Polimero erdikristalinoen gelaxka unitatea. Morfologia. Eragile termodinamiko eta zinetikoak.

6. gaia.- Material polimerikoen portaera biskoelatiskoa.

Tentsio-deformazio portaera. Tenperatura eta deformazio abiaduraren eragina propietate mekanikoetan. Isurpena eta tentsioen lasaikuntza. Tenperatura (T)- denbora (t) gainezarpena. Portaera biskoelastikoaren eredu erreologikoak. Saiakuntza dinamiko-mekanikoak.

7. Gaia.- Haustura eta nekea polimeroetan.

Haustura harikor eta hauskorren mekanismoak. Hausturaren mekanikaren aplikazioa. Wöhler S-N kurbak. Talkarekiko zailtasuna. Zailtasun handiko plastiko multifasikoak.

8. gaia.- Material polimerikoen beste propietateak

Zahartzea eta narriadura. Errekuntza. Biodegradazioa. Birziklapena.

9. gaia.- Materialen aplikazioak: metalikoak, polimeroak, zeramikak eta konposatuak. Materialen egitura-aplikazioak. Propietatearen araberako aplikazio funtzionalak. Bizitza modernorako aplikazioak.

Klase magistraletan irakasleak aurkezpenak proiektatuz azalpen zabalak emango ditu. Ikasleek argitalpen zerbitzuan eskuratu ahal izango dute aurkezpen hauek agertzen diren liburua.

Mintegiak gai espezifikoak lantzeko erabiliko dira. Horretarako ariketa osagarriak egingo dira, horrela talde lana sustatuz eta ikasleen parte hartzea bultzatuz aldizka sortu ohi diren eztabaidetan. Modu honek materiaren jakintza teorikoa era praktikoago eta aplikatuago baten barneratzea ahalbideratzen du.

Laborategiko praktiketan, Materialen Zientzian erabiltzen diren teknika ezberdinen ezagutza bermatzen duten lan esperimental ezberdinak landuko dira. Praktikak bukatzerakoan, erabilitako teknika eta lortutako emaitzak zehazten diren txosten tekniko bat entregatu beharko dute.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 55
  • Praktikak egitea (ariketak, kasuak edo buruketak) (%): 25
  • Banakako lanak (%): 20

Azterketa idatzia (teoria eta ariketak): %75

Laborategiko praktika txostena: %10

Mintegiko lan baten prestakuntza eta aurkezpena (idatzia eta ahozkoa): %15

Idatzizko azterketa bi ataletan banatua egongo da, alde batetik atal teorikoa eta bestalde atal praktikoa. Bi atalek pisu bera izango dute azken notan. Atal teorikoan, irakasgaian zehar eman diren kontzeptuak galdetuko dira. Bestalde, atal praktikoan bi ariketa ebatzi beharko dituzte, ariketa bakoitzak atal praktikoaren %50 suposatzen duelarik.

Praktikak ebaluatzeko garaian kontutan hartuko dira asistentzia eta aurkeztutako txosten teknikoa. Irakasgaia gainditzeko, beharrezkoa da atal ezberdinetako notak konpentsatuta egotea, dena dela, irakaslearen esku gelditzen da estimazio honen irizpidea.

Kurtsoko gardenkiak.

Oinarrizko bibliografia

W.D.CALLISTER: "Materialen zientzia eta ingeniaritza. Hastapenak". Ed.: Elhuyar(2011)

M. F. ASHBY and D.R.H. JONES: "Materiales para ingenieros 1. Introducción a las propiedades y las aplicaciones". Ed.: Reverté (2008)

M.F. ASHBY and D.R.H. JONES: "Materiales para ingenieros 2. Introducción a la microestructura, el procesamiento y el diseño". Ed.: Reverté (2008)

D. R. ASKELAND: "Ciencia e Ingeniería de Materiales". Ed.: Thomson 4ª edición (2002)

N. E. DOWLING: "mechanical behavior of materials: engineering methods for deformation, fractura and fatigue". Ed.: Prentice-Hall (1999)

J. M. WARD; D. W HADLEY: "Mechanical properties of solid polymers". Ed.: Wiley and Sons (1993)

Gehiago sakontzeko bibliografia

W. D. SMITH: "Structure and properties of engineering alloys". Ed.: McGraw-Hill (2005)
J. A. BRYDSON: "Plastic materials". Ed.: Butterworth 7ª edición (1999)
D. HULL and T. W. CLYNE: "An introduction to composite materials". Ed.: Cambridge Solid State Science Series. (1996)
J.M. RODRIGUEZ IBABE, J.J. URKOLA GALARZA: "Altzairuen diseinurako metalurgia fisikoa" (1993)
J.M. RODRIGUEZ IBABAE, I. GUTIERREZ, B. LOPEZ: "Altzairuen berotako komformazioa" (1997)

Aldizkariak

Materials Science and Engineering
Metallurgical Transactions
Polymer engineering and Science
Journal of Materials Science

Web helbideak

http://www.sciencedirect.com

Kurtsoan zehar gai bakoitzerako interesgarriak diren beste helbide batzuk ere emango dira.