Deskribapena

Astelehenean, otsailak 2an, Euskal Herriko Unibertsitateko (EHU) Informatika Fakultatean, Donostian, EITBko GUAU plataformarako garatutako ‘Test’ soinu-fikzioaren estreinaldia izango da. Ekitaldia goizeko 10.30etan hasiko da aipatutako ikastegiko Ada Lovelace aretoan eta ordubeteko iraupena izango du.

Bertan, produkzioaren zuzendaria, gidoilariak eta Lorea Intxausti, Ramon Agirre nahiz Joseba Apaolaza aktoreak egongo dira, EITBko irrati eta audio zuzendariarekin batera.

Ekitaldiaren hasieran produkzioaren gorabeherak kontatuko dituzte eta, ondoren, lehen atala jarriko da. Amaieran solasaldi bat egongo da, publikoari hitza luzatuz.

Sarrera librea izango da, edukiera bete arte.

Informazio gehiago: https://guau.eus/s/test