Deskribapena

Ostirala, ekainaren 6an, 18.30ean, UPV/EHUren Gipuzkoako Campuseko Ignacio Maria Barriola Zentroko entzunaretoan, UPV/EHUren Zuzenbide Fakultateko zazpigarren (Lizentziatua) eta laugarren (Gradua) promozioko karrera amaierako ekitaldia egingo da. Guztira bi promozio hauek 197 ikaslek osatzen dute (68 Lizentziatua eta 129 Gradua). Zuzendariek, irakasleek eta ikasleek osatutako segizioa UPV/EHUko Zuzenbide Fakultateko sarrera nagusitik, 18.00etan, abiatuko da, Ignacio Maria Barriola Zentroko entzunaretorantz.

Ekitaldiaren buru izango dira Ana Arrieta UPV/EHUren Gipuzkoako Campuseko errektoreordea, Juana Goizueta Zuzenbide Fakultateko dekanoa eta Eva Cerón Donostiako Epaitegietako dekanoa eta promozioaren amabitxia.

Egitaraua honakoa izango da:

• 18:00etan. UPV/EHUko Zuzenbide Fakultateko Sarrera
• 18:10etan. Ignacio Maria Barriola Zentroko entzunaretorantz jarraigoa
• 18:30etan. Ekitaldiari hasera emango zaio:
  • Zuzenbide Fakultateko dekanoaren hitzak
  • Abesbatzaren saioa
  • Donostiako Epaitegietako dekanoa eta promozioaren amabitxiaren hitzaldia
  • Abesbatzaren saioa
  • Diploma ematea
  • Ikasleen ordezkarien hitzak
  • Ekitaldiaren amaiera Gipuzkoako Campuseko errektoreordearen hitzekin
  • Abesbatzak azken obra interpretatuko du: Gaudeamus