Deskribapena

Asteartea, ekainaren 23ean, 17:30, UPV/EHUko Donostiako Enpresa Ikasketen Unibertsitate Eskolako Gradu Aretoan, GEZKI-Gizarte-Ekonomia eta Zuzenbide Kooperatiboaren Institutuak UPV/EHUko Gizarte Ekonomia eta Ekonomia Solidarioko Unibertsitate Master Ofizialaren 2014/2015ko ikasturteko itxiera ekitaldia ospatuko du.

Itxiera-hitzaldia Koldo Saratxaga Ner Group-eko bultzatzailea eta enpresa-aholkulariak eskainiko du honako izenburu honekin: ‘Beti gizartea gara'.

Koldo Saratxaga (Sopuerta 1947) Ingeniari Teknikoa da eta bi master ditu. Ikasketak amaitu zituenean Vidrierías de Llodio-Villosa enpresan hasi zuen bide profesionala eta hamalau urtez hainbat sailetako buru izan zen. Hurrengo urteetan, 1984az geroztik, lehen sektoreko sustatzaile eta gerente izan zen hainbat kooperatibetan. 1991tik 2005era IRIZAR S. Coop.-eko arduraduna izan zen. Koldo Saratxagak sari hauek lortu ditu, besteak beste: Urteko Gipuzkoako Enpresaria (1997), Espainiako urteko ekintzaile Saria (1997) eta Euskadiko enpresari onena Saria (2001). Azken urteetan irakasle da eta ‘Un Nuevo Estilo de Relaciones. Para el cambio organizacional pendiente' izeneko liburuaren egile da, Elkar-ek euskaraz argitaratutakoa eta Prentice Hall-ek gaztelaniaz.

Argazkia: GEZKI