Deskribapena

Osteguna, urriak 22, 9.30etan, UPV/EHUko Filosofia eta Hezkuntza Zientzien Fakultateko Areto Nagusian, ‘Oroimenen museogintza: gatazken ondaregintza eta errepresentazioa' izeneko XI. Kongresuaren irekiera-ekitaldia izango da.

Irekiera-ekitaldian parte hartuko dute:

• Ana Arrieta, UPV/EHUko Gipuzkoako Campuseko errektoreordea
• Xabier Etxague, UPV/EHUko Filosofia eta Hezkuntza Zientzien Fakultateko dekanoa
• Maria Jose Telleria, Gipuzkoako Foru Aldundiko Kultura zuzendaria
• Miren Azkarate, Donostiako Udalaren Kultura zinegotzia
• Mertxe Urteaga, Irungo Oiasso Erromatar Museoko zuzendaria

UPV/EHUko Baloreen Filosofia eta Giza Antropologiaren Sailak, Irungo Oiasso Erromatar Museoaren, San Telmo Museoaren, UQAM-Laboratoire d' histoire et de patrimoine de Montréal-aren, Bartzelonako Unibertsitatearen, Les Musèes de la Civilisation de Quebec-aren eta Université Tolousse III Saul Sabatier-ren laguntzaz, antolatzen du kongresua.

Jarduera bi egunetan zehar luzatuko da: lehengoa, UPV/EHUko Filosofia eta Hezkuntza Zientzien Fakultatean izango da (urria 22); bigarrena aldiz, San Telmo Museoan (urria 23). Sarrera librea da eserleku guztiak bete arte.