Deskribapena

Astelehena, irailaren 19ean, 11:00etan, UPV/EHUko Carlos Santamaria Zentroaren entzunaretoan, Donostian, atzerritik Gipuzkoako Campusa bisitatzera datozenei ongietorria egiteko ekitaldia (Orientation Day) egingo da.

Ekitaldian, unibertsitateko ordezkarien agurrez gain, UPV/EHUko ikasle zerbitzuen berri izango dute bisitatzaileek. Baita hiriko giroari, edo eskaintzen de kirol-programei, aisiari edo kultura-kurtsoei buruzko informazioa ere.

Ekitaldiaren egitaraua:

• Donostiako Udalaren alkatea den Eneko Goiaren agur-hitzak.
• Graduondoko Ikasketen eta Nazioarteko Harremanen arloko errektoreordea den Nekane Balluerkaren agur-hitzak.
• UPV/EHUko Gipuzkoako Campuseko errektoreordea den Ana Arrietaren agur-hitzak.
• Bisitarientzako unibertsitateko zerbitzuei buruzko aurkezpena, Nazioarteko Harremanen Bulegoa.
• Erasmus Student Network Bilbao Ikasle Elkarteko lagunek lehenengo lauhilekorako prestatu dituzten ekimenak aurkeztuko dituzte.