Deskribapena

Asteazkenean, abenduak 14, 12:30etan, Koldo Mitxelena Kulturuneko ekitaldi aretoan, Donostian, Bill Addis irakasleak hitzaldia emango du ‘Momentos clave en la historia de la construcción en Inglaterra' (Une gakoak Ingalaterraren eraikuntzaren historian) izenburuaz. Hitzaldi honek amaiera jartzen dio irakasle ingeles honek UPV/EHUko Arkitektura Goi Eskola Teknikoan egin duen egonaldiari, bertan eskola magistralak eskaini dituelarik.

Bill Addis ospe eta itzal handiko irakasle eta profesionala da nazioarte mailan. Makina bat argitalpen egin du ingeniaritzari eta eraikuntzari buruz, ikusmolde teknologiko eta historikotik. Berea da "Building. 3000 years of Design, Engineering and Construction" (Phaidon; 2012). Bera izan ohi da Eraikuntzaren Historiari buruzko nazioarteko kongresu gehienetako buru. Profesionala izan da Londreseko Bureau Happold-en, eta irakasle, Reading Unibertsitatean eta Cambridgeko unibertsitatearen Arkitektura Sailean.