Deskribapena

Euskal Herriko Unibertsitatearen Letren fakultateak EAEko IX. Geografia  Olinpiada hartuko du, Geografoen Elkargoaren EAEko Ordezkaritzak eta EHUren Geografia, Historiaurrea eta Arkeologia Sailak antolatuta.

Geografia Olinpiadak ikasleen artean zientzia honekiko interesa sustatzeko xedea du. Geografiak lotura estua du lurraldearekin eta laguntzen digu inguruan dugun eremua ulertzen, bai natura ingurunea bera bai bertan garatutako giza jarduerak.

Euskal Autonomia Erkidegoko edozein ikastetxe publiko, itunpeko edo pribatutan, batxilergoko 2. mailan Geografia irakasgaia ikasten ari diren ikasle guztiek parte har dezakete. Partaidetza banakakoa da, eta ikastetxe bakoitzeko, gehienez, 8 ikasle aurkez daitezke. Ezinbestekoa da ikasle parte hartzaileen ardura eramango duen irakasle bat.