Deskribapena

Euskaltzaindiaren egoitza 

Plaza Barria, 15, Bilbo 

Aurten,  Gabriel Aresti Bilboko poetaren heriotzaren 50. urteurrena beteko da. Haren lana, konpromisoa eta euskal literaturan utzitako arrastoa omentzeko, Euskal Herriko Unibertsitateko (EHU) Gabriel Aresti Katedrak, Euskaltzaindiak  eta beste zenbait erakundek  egitarau zabal eta anitza prestatu dute datozen hilabeteetarako. Urteurreneko egitasmo nagusiak datorren ekainaren 4an aurkeztuko dira. 

Aurkezpenean  EHUko Euskara eta Hizkuntza Plangintzarako errektoreorde Igone Zabala izango da, eta berarekin batera izango dira Andres Urrutia, Euskaltzaindiako euskaltzainburua, eta Leixuri Arrizabalaga, Bizkaiko Foru Aldundiko ordezkaria ere.   

Aurkeztutako ekitaldi akademikoen artean, nabarmendu beharrekoa da EHUko Gabriel Aresti Katedrak antolatutako jardunaldia, ekainaren 19an eta 20an egingo dena Euskaltzaindiaren egoitzan. Bestalde, ekainaren 26an, "Gabriel Arestik ereindakoak 1975–2025" izeneko liburua aurkeztuko da Bilboko Bizkaia Aretoan. Lan hori EHUko 35 irakasle eta ikaslek ondu dute.  

Urteurrenaren ospakizunak, ordea, ez dira jardunaldi akademikoetara mugatuko. Euskaltzaindiaren egitaraua musika, antzerkia eta kaleko kultur adierazpenekin osatuko da. Besteak beste, txistularien bandaren emanaldiak, erakusketak eta antzerki-saioak izango dira datozen hilabeteetan. Besteak beste, urriaren 15ean, EHUko Leioako campusean antzerki-emanaldi berezi bat eskainiko da. Gainera, kontzertuak eta antzerki-saioak ere egingo dira hurrengo hilabeteetan.