Deskribapena

Euskal Herriko Unibertsitateak (EHU) eta Alumni Marketin Elkarteak (AMA), Bizkaiko Foru Aldundiaren babesarekin, PesMes 2025 Marketin Sarien edizio berri bat antolatu dute, aurten zazpigarren edizioa izango dena.

PesMes sariak Euskadiko marketin eta salmenta jardunbide onenak aintzatesteko eta balioesteko asmoz sortu ziren, euskal enpresa-sarearen lehiakortasuna, berrikuntza eta iraunkortasuna bultzatuz.

Mota guztietako erakundeak sarituko dira: enpresa handiak, ETEak, mikroenpresak, ekintzailetza-proiektuak, industria-erakundeak eta beste sektore batzuetakoak, bai eta elkarteak, klusterrak eta irabazi-asmorik gabeko erakundeak ere. Konpainia handiei ez ezik, EAEko ehun ekonomikoaren muina diren enpresa txiki eta ertainei eta erakundeei ere ikusgarritasuna ematea da helburua.

Saria emateko ekitaldian Ainara Basurko Urkirik, Ekonomia Sustatzeko Saileko Foru Diputatua izango da, eta Marketing Industrialaren Saria emango dio. Era berean, EHUko Komunikazio eta Bizkaiko Campuseko errektoreorde Estitxu Garaik ere parte hartuko du.

Topaketa hau erreferentziazko hitzordua da Euskadiko marketin eta enpresa-kudeaketako profesionalentzat, eta lurraldearen garapen ekonomikoari, berrikuntzari eta iraunkortasunari laguntzen dieten ekimenak aintzatesten dira bertan.