Aurtengoan 42 ikasle izan dira Historiako diploma jaso dutenak, 11 Artearen Historian, 3 Geografia eta Lurralde Antolakuntzan, 19 Itzulpengintza eta Interpretazioan, 15 Filologian, 32 Ingeles Ikasketetan eta 5 Euskal Ikasketetan. Graduazio ekitaldiaren buru Iñaki Goirizelaia UPV/EHUko errektorea izan zen eta lagun izan zituen Cristina Uriarte Euskal Gobernuaren Hezkuntza, Hizkuntza Politika eta Kultura sailburua eta Iñaki Bazán Letren Fakultateko dekanoa. Promozioaren aitabitxia Kepa Sojo izan zen, UPV/EHUren Artearen eta Musikaren Historia saileko irakaslea.