Deskribapena

Ama Hizkuntzaren Nazioarteko Eguna dela eta, otsailaren 21ean ospatzen dena, ekitaldi bat antolatu da, aurtengoan Nasa Yuwe hizkuntza ardatz harturik, hizkuntza gutxitu horretako ekintzaileek LINGUAPAX 2025 saria jaso baitute.

Euskal Herriko Unibertsitatearen (EHU) Munduko Hizkuntza Ondarearen UNESCO Katedrak, Garabideren eskutik, Caucako (Kolonbia) nasa komunitatearekin egindako elkarlanaren emaitza da, Nasa Yuwek biziberritzerantz egindako bidea. Jardunaldi honetan, Arkaitz Zarragak egindako kanpo-lanaren berri emango du eta lortutako emaitzak eta aurkitutako oztopoak azalduko ditu.

Baina badira ere jatorrizko komunitate hartatik urrun bizi diren hizkuntza horretako hiztunak, eta horietaz dihardu Laura Camila Villarreal ikertzailearen lanak. Ikertzaileak Bogotan dagoen nasa populazioaz hitz egingo du, ama hizkuntzari buruz dituzten bizipenak eta kezkak ezagutzeko.

Hitzaldien ondoren galderen txanda irekiko da jardunaldira hurbildutako pertsonen esku. Sarrera librea izango da, harik eta edukiera bete arte.