Deskribapena

Pedro Cano margolari murtziarrak ibilbide luze eta nazioartekoa egin du bere jardunean. Bere biografiaren, erakusketaten eta bibliografiaren berri luze eta zabala jasotzen du Pedro Cano Fundazioaren webguneak. 

Unibertsitatearen eta jendartearen arteko zubia sendotu nahi du, oro har, EHUk baita arte plastikoei dagokienez ere. Hala, 2026-2027 ikasturteko lehenengo erakusketa irailean bertan jarriko da Bizkaia Aretoko Oteiza erakusgelan: Pedro Canoren Bidaia kaierak eta urrira arte egongo da ikusgai. 

Irekiera ekitaldia irailaren 9an izango da 18:30ean, eta Pedro Cano margolariarekin solasaldian arituko da Bilboko Arte Ederretako zuzendari Miguel Zugaza: "Hitzezko eta kolorezko bidaiak museoan".
​​​​​

Erakusketa Otezia erakusgelan jarriko da eta areto horixe bilakatuko da aurrerantzean EHUko Arte Ederren fakultateko ikasleek sortutako artelanen agerleku. Jendarte zabalarentzat eskuragarri den espazio horri esker, ikusgarritasuna emango zaio unibertsitateko ekoizpen artistikoari. Era berean, ikasleen ekoizpenak aberasteko dinamikak ere jarri nahi dira martxan, inguruko Guggenheim eta Arte Ederren museoarekin elkarlanean. Hala, Pedro Canoren erakusketa eta bisita Arte Ederretako eta Arkitekturako ikasleen praktika aberasteko baliatuko da, haren Bidaia kaieretan oinarritutako piezak sortzeko erronka jarriko baitzaie. Ondoren, ikasleek sorturiko artelanen erakusketa egingo da Oteiza erakusgelan ikasturtearen bigarren lauhilekoan.