Fernando Plazaolak, Euskal Herriko Unibertsitateko Zientzia eta Teknologia Fakultateko dekano gisa, eta Jose Antonio Lozanok, Basque Center for Applied Mathematics-eko zuzendari zientifiko gisa, lankidetza-hitzarmena sinatu dute UPV/EHU-BCAM Ikasgela Teknologikoa sortzeko. Lankidetza horrek Gradu Amaierako Lanen, Master Amaierako Lanen, praktika eta beken eta master eta doktorego programa bateratuen zuzendaritza sustatuko du, baita ikasleentzako ikastaro eta jarduerak ere.
-
Carlos Matuteren ikerketa batek bigarren postua lortu du Natureko Top Altmetricean
-
Kiroldegian, kirolean
-
‘Zinema eta Zientzia’ ziklo berria abian da
-
Ahozko historiak ikasleen enpatia eta motibazioa hobetzen ditu
-
EHUko International Welcome Centre-ak ‘Ikerketa ibilbideak munduan zehar’ jardunaldiak antolatu ditu
UPV/EHU-BCAM Ikasgela sortu da
Ikasgela Teknologiko berria unibertsitatearen eta Basque Center for Applied Mathematics-en arteko lankidetza-hitzarmen baten emaitza da
- Albisteak
Lehenengo argitaratze data: 2023/09/28
Bestalde, Ikasgelak, besteak beste, I+G proiektuetan batera parte hartzea bultzatuko du, UPV/EHUren eta Basque Center for Applied Mathematics-en arteko interes komuneko gaien esparru ireki batean. Gainera, ikasgelako jardueretan parte hartzen duten ikasleek BCAMen karrera profesionala egin dezaten lagunduko du, eta argitalpen zientifiko-teknologikoak egingo ditu elkarrekin, lankidetzako ikerketa-jardueraren emaitzak zabaltzeko.
Unibertsitatea-Enpresa-Gizartea
Unibertsitatea-Enpresa-Gizartea Ikasgelak UPV/EHUren eta Ikasgelen erakunde finantzatzaileen arteko lankidetzarako guneak dira. Ikasgelen helburua UPV/EHUren eta erakunde laguntzaileen artean ikaskuntza eta ikerketa bateratua sustatzea da, bikaintasuneko profesionalen prestakuntza eta ezagutzak enpresetara, ikerketa-zentroetara eta, oro har, gizartera transferitzea sustatuz. Hiru ikasgela mota daude: enpresa-ikasgelak, enpresekin lankidetzan aritzeko; teknologia- ikasgelak, BCAM bezalako ikerketa-zentroekin; eta gizarte- ikasgelak, gizarte-erakundeekin lankidetzan, hala nola GGKEekin, fundazioekin, kultura-erakundeekin eta abarrekin.