NON: Elbira Zipitria ondoko urmaela. Donostia. NOIZ: 2025eko ekaina. NORK: Pedro Ayerbe Arana. Ekonomia eta Enpresa Fakultatea, Donostian.

Ur-zalditxoak (lehen deabruaren zalditxoak) intsektu talde oso zaharra dira, azken 200 milioi urteetan oso gutxi aldatu dena. Behatzen ditugunean, iraganera begira gaudela esan genezake. Odonatuak, zalditxoak zein libelulak, interes handiko animalia talde bihurtu dira beren edertasunagatik eta onuragarriak izateagatik, euliak eta eltxoak bezalako intsektu kaltegarrietatik libratzen gaituztelako. Gainera, espezie batzuek ekosistema urtarren kalitatea eta garbitasuna adierazten dute.

Ceriagrion tenellum irudi bikotean. Espezie hori ohikoa da gure urmaelean, baina zaila da antzematea, denbora asko igarotzen baitu uretako landarediaren artean.

Pedro Ayerbe Aranaren testua.

Eguneko irudi guztiak ikus ditzakezu Photocampus atalean.

Nahi al duzu atal honetan zeuk egindako irudi bat argitaratzea? Bidali, mesedez, helbide honetara: campusa@ehu.eus