Mugikortasun programak
Gipuzkoako Ingeniaritza Eskolak nazioarteko zein estatuko unibertsitatekin hitzarmenak dauzka ikasleen artean elkartrukea sustatzeko helburuarekin.
Interesgarria iruditzen zaizun norakoaren arabera, programa ezberdinetan parte har dezakezu:
- Espainiako unibertsitateak: SICUE Programa
- Europako unibertsitateak: ERASMUS+
- Latinoamerika, Kanada, Amerikako Estatu Batuak (besteak beste): UPV/EHU-AL eta Beste Norakoak
500 plaza inguru eskaintzen ditugu 120 norako baino gehiagotan banatuta eta jaso ditugun eskaeren artean %100ak izan du aukera mugikortasun programan parte hartzeko.
Deialdiak azaroan (nazioarteko norakoak) edo otsailean (SICUE programa) ateratzen dira egonaldia hurrengo ikasturtean egiteko.
Mugikortasun-programak esperientzia aberasgarriak dira ikasleentzat. Atzerrian ikasi, trebatu eta esperientzia hartzeko aukera da. Egonaldi horiek errazteko, entitate batzuek parte hartzen dute eta diru-laguntzak eskaintzen dituzte.
Gainera, atzerrian esperientzia lortu nahi baduzu, Gipuzkoako Ingeniaritza Eskolan zure beharretara hobekien egokitzen den atzerrian praktikak egiteko programak (tituludunentzat eta ikasleentzat) aukeratzen lagunduko dizugu.
- Ikasleentzako informazioa eta dokumentazioa (intranet): GIE-Donostia edo GIE-Eibar.
- Buddy programa atzerritik datorren ikasleari laguntza eskaintzen diona.
| Harremanetarako Donostia | Harremanetarako Eibar |
|---|---|
|
Nazioarteko Harremanetako zuzendariordea/ Mugikortasun Programen koordinatzailea: Maddi Garmendia Antin dk. subdir.relacinter.ep-ss@ehu.eus; +34 943 01 7270 Zentroko Teknikaria Arantxa Zubizarreta politecnica.internacional@ehu.eus; +34 943 01 5901 |
Mugikortasun Programen koordinatzailea: Francisco Javier Asensio De Miguel dk. nazioartekoak.ei-euiti@ehu.eus, +34 943 03 3014 Eskolako teknikaria Ainara Sánchez San Martín euiti-ei.internacional@ehu.eus, |