"Kontuen Auditoria" ikasgaia Enpresen Administrazio eta Zuzendaritzako Graduko hautazko irakasgai bat da, Enpresen Administrazio eta Zuzendaritzako Hautazko Ibilbideak moduluaren barnean dagoena.

Kontabilitate agirien kanpo egiaztapena da kontuen auditoria. Kontuen auditoriaren oinarriak azalduko dira, auditoria lanaren prozesu osoan zehar: plangintza, exekuzioa eta txostena prestatzerakoan. Auditoriak kontabilitate arlo desberdinetan duen garapena zehaztuko da: arloaren definizioa, auditoria helburuak, barne kontrol sistemaren azterketa eta ebaluazioa, prozedurak eta txostena igortzeko nabaritasunen analisia. Kasu praktikoekin osatuko da.

BEREZKO GAITASUNAK:

o Kontuen auditoriaren oinarriak ezagutu eta ulertu, enpresek prestatzen dituzten informazio ekonomiko finantzarioen fidagarritasuna aztertzeko.

o Auditorearen lan paperak prestatzeko gai izan, dagokion metodologia, arau tekniko eta tresnen erabilera menperatuz.

o Kontuen Auditoria-Txostenaren edukia interpretatu.



GAITASUN OROKORRAK ETA ZEHARKAKOAK:

- Ikasleak gai izatea lortutako datuetan oinarriturik iritzi arrazoituak emateko.

- Autonomia maila handia lortu ahal izateko ikasteko gaitasunak garatzea.

- Ikasleak gai izatea talde-lanean aritzeko, arduraz eta errespetuz, iniziatiba eta lidergoa erakutsiz.

- Ikasleek gaitasuna izatea pentsamendu analitikorako eta hausnarketa kritikorako.

- Ikasleak gai izatea idatziz eta ahoz erraztasunez komunikatzeko.



IRAKASKUNTZA-IKASKETAREN EMAITZAK:

• Auditoria arauak erabiliz kontuen auditoria metodologia aplikatu eta auditoria lana planifikatu egitarauen bidez.

• Lan paperak prestatu: auditoria plangintza burutu, auditoria probak proposatu eta landa praktika aurkeztu, arau teknikoak eta beharrezko diren tresnak aplikatuz.

• Nabaritasunak baloratzeko iritzia eman eta Auditoria-Txostena idazten jakin.

1. Kontabilitate ereduaren kanpoko kontrola: kontuen auditoria.

2. Auditoria arauak.

3. Urteko kontuen auditoriaren prozesua, garapena eta Auditoria-Txostena.

4. Auditoriarako metodologia: aplikazio praktikoa.

a. Inbertsio-Finantzaketa zikloa: aktibo ez-korrontea,ondarea eta pasiboak.

b. Epe laburreko zikloa: hornikuntza, ekoizpena eta banaketa.

c. Diruzaintza.

Eskola Magistraletan alde batetik irakasleak azalpenak emango ditu eta bestetik ikasleek hainbat jarduera burutuko dituzte. Zeregin hauek taldeka zein bakarka egingo dira.

Mintegi eta praktikako orduetan batez ere ikaleek taldeka proiektu bat garatuko dute.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 40
  • Test motatako proba (%): 20
  • Banakako lanak (%): 10
  • alde lanak (arazoen ebazpenak, proiektuen diseinuak) (%): 30

Oro har, ohiko deialdian,Etengabeko Ebaluazioa lehenetsiko da eta proba hauek barneratuko ditu:

1. Azterketa: banakako bi idatzi proba egongo dira:

*Ikasturtean zehar auditoretzari buruzko kontzeptuak jaso diren ebaluatzeko teoriazko proba egingo da eta irakasgaiaren notaren %20 balioko du.

*Ikasturtean zehar ariketa praktiko bat ebatzi beharko da, irakasgaiaren notaren %40 balioko duena. Epe laburreko edo luzeko zikloarekin zerikusia duten arloen auditoretza lantzeko ariketa praktikoa izango da.

2. Proiektua: Talde lanean auditoriako lan bat planifikatzerakoan “Egitarauetan” jaso beharreko ikuskaritza helburuak eta prozedurak arlo zehatzetan garatuko dira. Ahozko aurkezpena egin behar dute. Irakasgaiaren notaren %30 balioko du.

3. Mintegia: Eskola orduetan banakako zein taldekako beste zenbait lan garatu beharko dira (artikuluen irakurketa eta aurkezpena, kasuen ebazpena, informazio bilaketak, etabar). Irakasgaiaren notaren %10 balioko du.

Irakasgaia gainditzeko eskola orduen %85era bertaratzea derrigorrezkoa izango da.

Etengabeko ebaluazioan deialdiari uko egitea: azken probara aurkezten ez denaren kalifikazioa “aurkezteke” izango da.

Ikaslea irakasgaiaren %100a barneratuko duen Azken Ebaluaketa sistemara egokitzeko, nahikoa izango da banakako probetara ez aurkeztea eta egutegi akademikoan jasotako datan dagokion proba egitea. Aurkezten ez denaren kalifikazioa “aurkezteke” izango da.

Ez-ohiko deialdian azken probak kalifikazioaren %100 izango du.

Deialdiari uko egiteko nahikoa izango da azken probara ez aurkeztea.

Irakasleak eGela plataforma bidez hainbat material eskuragarri jarriko ditu.

Oinarrizko bibliografia

AZKUE IRIGOYEN, I. (2021): Kontuen Auditoria. Open Course Ware. https://ocw.ehu.eus/course/view.php?id=540

Gehiago sakontzeko bibliografia

FRANCIS LEFEBVRE (2014): Manual de Auditoría. Ediciones Francis Lefebvre.
GARCÍA DELGADO, M.S. (2014): Aplicación práctica de una Auditoría de Cuentas. OpenCourseWare (OCW), UPV/EHU. ISSN 2255-2316. https://ocw.ehu.eus/course/view.php?id=315
GARCIA DELGADO, M.S. (2013): Auditoria. Open Course Ware http://ocw.ehu.es/course/view.php?id=226
REGISTRO DE ECONOMISTAS AUDITORES (REA) (2003): Manual de Auditoría I y II, Madrid.
GUTIÉRREZ VIVAS, G. (2017): El informe de auditoría de cuentas según las normas internacionales revisadas y adaptadas a España. Consejo General Economistas
IFAC (2021): Manual de normas internacionales de auditoría y control de calidad. IFAC.
SÁNCHEZ FERNÁNDEZ DE VALDERRAMA, J.L. Y ALVARADO RIQUELME, M. (2017): Teoría y práctica de la auditoría I eta II. Pirámide.

Aldizkariak

- Revista de Contabilidad y Tributación. CEFLEGAL. https://www.ceflegal.com/revista-contabilidad-tributacion.htm
- Revista Española de Financiación y Contabilidad. REFC. https://www.aeca.es/old/pub/refc/refc.html
- Técnica Contable y Financiera. http://www.tecnicacontableyfinanciera.com/

Web helbideak

www.cnmv.es Web Comisión Nacional del Mercado De Valores
www.europa.eu Web Unión Europea
www.icac.gob.es/ Web del Instituto de Contabilidad y Auditoría de Cuentas
www.icjce.es Web del Instituto de Censores Jurados de Cuentas de España
www.rea.es Web del Registro de Economistas Auditores
www.ifac.org Web del International Federation of Accountants
www.ocw.ehu.es Web Open Course Ware UPV/EHU