CV Laburra

Ingeniari Kimikoa (2004) eta Ingeniaritza Kimikoan Doktorea (2009). C2 maila euskaran, C1 ingelesean (CAE) eta B1 alemanean (Zertifikat Deutsch). Gasteizko Farmazia Fakultatean lan egiten du; eskolak ematen ditu Ingurumen Zientzietako eta Elikagaien Zientzia eta Teknologiako Graduetan.

2008. urtean hasi zen irakasle lanean Zientzia eta Teknologia Fakultatean (Leioa). 2009. urtean Farmazia Fakultatera aldatu zen; 2017tik Irakasle Agregatua da. Titulazio hauetan eman ditu eskolak: Ingeniaritza Kimikoa, Ingurumen Zientziak (Lizentziatura eta Gradua) eta Elikagaien Zientzia eta Teknologia (Gradua).

2004tik aurrera PROCAT-VARES ikerkuntza-taldearekin lanean aritu da, katalisi-prozesuak ikertzen. Horretaz gain, Farmazia Fakultatean hondakinen balorizazioan ikertzen du.

17 ikerkuntza-proiektu lehiakorretan lan egin du. Indexatutako argitalpen hauen egilea: 35 (Scopus), 24 (Web of Science). 8 dibulgaziozko artikuluen eta liburu-kapitulu baten egilea. Kongresuetara 72 txosten bidali ditu (keynote bat barne). Nazioarteko kongresu batean chairperson gisa aritu da. CNEAIk bi ikerketa-seiurteko aitortu dizkio.

Irakas-prestakuntzako 40 ikastaro baino gehiagotan parte hartu du. Horien artean HASIBERRIAK nabarmendu daiteke; horren barruan, ERAGIN programan parte hartu du, metodologia aktiboetan prestatzeko (Proiektuetan Oinarritutako Ikaskuntzan espezializatu da). 8 irakaskuntza-material argitaratuta.

Irakasgaiak

ELIKAGAIEN ZIENTZIA ETA TEKNOLOGIAKO GRADUA: Ingeniaritza Kimikoa

INGURUMEN ZIENTZIETAKO GRADUA: Ingurumen Ingeniarítzaren Oinarriak; Ingurumen Kutsaduraren Tratamendua