Deskribapena

Ekainaren 13an, larunbata, 10:00etatik 21:30era, Plentziako Itsas Estazioak (PiE-EHU) ateak irekiko ditu, adin guztietako bisitariei zuzendutako programa zabal batekin. Ekimenak zientzia, ingurumena eta kultura uztartuko ditu jardunaldi berezi batean. Ekitaldi hau udalerriarentzat oso esanguratsua den ospakizun bikoitz baten barruan kokatzen da: eraikin enblematikoen irekiera eguna eta herriko itsas-sendategi historikoaren 100. urteurrenaren ospakizuna. Jardueren ardatz gisa, herritarrek bisita gidatu esklusiboa izango dute PiE-EHUren instalazio zientifikoetara, Plentziaren ondare-iragana eta gaur egungo ikerketa-abangoardia uztartuz.

Jardunaldia goizean hasiko da itsasadarrean, mikroplastikoak biltzeko ekintza batekin. Jarraian, jarduera PiE-EHUko instalazioetara bideratuko da: bisita gidatuak egingo dira eta zientzialari esperimentalen txokoak bertatik bertara ezagutzeko aukera egongo da. Arratsaldean, familientzako ginkanak hartuko du lekukoa. Jolas honek alde zaharra zeharkatuko du bertako ondarea modu dibertigarrian ezagutarazteko, eta argazki-lehiaketaren erakusketari nahiz sari-banaketari bide emango dio. Horretaz gain, Plentziako hiriari omenaldia egingo zaio, Mathieu Poulicek (Liejako Unibertsitateko ikerlari belgiarra eta PiE-EHUko MER masterreko irakaslea) Macronphalus plentziae izendatu duen moluskuaren maskorra Plentziako alkateari emanez.

Egunari amaiera borobila emateko, PiE-EHUko eraikinaren fatxada agertoki paregabe bihurtuko da, dantza bertikaleko ikuskizun ikusgarri baten eskutik. Ekintza gehienetan parte hartzeko ezinbestekoa da aurrez izena ematea Goñi Portal Kultur etxean (ekainaren 11ra arte).

EGITARAUA

10:00-12:00:Mikroplastikoen bilketa Plentziako itsasadarrean Kpitan taldearekin

10:30-14:00:PIE-EHUra bisita eta Zientzia Txokoak

17:00-19:30:Ginkana familiarra

19:30-20:30:Argazki lehiaketaren argazki erakusketa

19:45-20:30:Argazki lehiaketaren sari banaketa eta Plentziaren omenez Macronphalus plentziae izeneko moluskuaren maskorra Plentziako Alkateari ematea.

20:30: Dantza bertikaleko ikuskizuna LA GLO ZIRKO taldearekin

Informazio gehiago eta izen emateak Goñi Portal Kultur Etxean  eta 94 677 32 10 telefono zenbakian.