Deskribapena

Asteartea, maiatzaren 12an, 12:00etan, EHUko Medikuntza eta Erizaintza Fakultateko Gradu Aretoan, Donostian, Erizainaren Nazioarteko Egunaren ospakizun-ekitaldia egingo da, ‘Erizaintza zaintza integralaren lidergoan: buru-osasunaren garrantzia’ lemapean. Ekitaldia Donostiako EHUko Erizaintza Ataleko Zuzendaritza Taldeak antolatu du.

Aurten, Nerea Liceaga, Donostiako Erizaintza Ataleko dekanordeak, ekitaldiari hasiera eman ondoren Maria Teresa Lluch Canut doktorearen bideo-mezua proiektatuko da, buru-osasunean nazioarteko erreferente eta erizaintzan psikologia positiboaren ereduaren garatzailea.

Jarraian, Gipuzkoako buru-osasuneko arloko erreferente nagusienetako batzuk parte hartuko dute eta esparru honetako esperientziak lehen pertsonan partekatuko dituzte:

• Marijose Martínez eta Maribel Pagola, Donostiako Unibertsitate Ospitaleko buru-osasuneko erizainak, Osakidetzako osasun-arretako sare publikoaren ordezkari gisa
• Arantxa Picón, Donostiako San Juan de Dios Ospitaleko gerentea, arreta pribatu eta hitzartutako sareko ordezkari gisa
• Nadia Fabo e Itsasne Idoeta, Lotura Giza Garapena, Gipuzkoan osasunaren alde esparru ezberdinetatik dihardutenen ordezkari gisa
• Maria Isabel Trespaderne, EHUko Erizaintzako Graduko irakaslea, Zuzenbidean doktorea eta erizaintzaren etika eta deontologian erreferentea
• Pilar Tazón, EHUko Erizaintzako Graduko irakaslea, EHUko entzute sarean aintzindari eta koordinatzailea.

Arrate Zumeta Gipuzkoako Erizainen Elkarhoko lehendakariak ekitaldiari amaiera emango dio.