Bilaketa aurreratua

Ogi apurrak

Egungo Euskararen Hiztegia (EEH)

Hasiera:

baztertu (orobat baxtertu g.er.), bazter(tu), baztertzen 1 da ad bazterrera joan; leku bazterrera joan. ik bakartu.

Baztertu zen, muturtuta bezala; eta izerdia sentitu nuen esku-azpietan. Xabier Olarra   «Iruzurgilea» - James Cain - 57. orr.

Enetzat zeukan ostiko bat aireari eman zion, baztertu bainintzen. Marzel Etxehandi   «Alemaniara deportatua» - Grégoire Joannateguy - 36. orr.

-Oskar, baztertu, ezin dut tirorik egin eta! -aitaren ahots larrituak bidea urratu zuen oinazearen errezel gorrien artetik. Alberto Ladron Arana   «Eguzki beltzaren sekretua» - 285. orr.

Denak baztertu dira bide egiteko. Urtzi Urrutikoetxea   «Zoririk ez» - Imre Kertész - 37. orr.

Hamida lagunekin hurreratzen ikusi zuen, eta baztertu egin zen haiei pasabidea uztearren. Patxi Zubizarreta   «Mirarien kalezuloa» - Nagib Mahfuz - 112. orr.

Gero, errezelorik ez sortzearren, pixka bat baztertu zen. Migel Angel Mintegi   «Denak du bere prezioa» - 176. orr.

Aurrera, aurrera -baztertu zen sar zitezen-. Migel Angel Mintegi   «Denak du bere prezioa» - 137. orr.

XII-XIII. mendeetan latina baztertu zenean, nafar erromantzea lehenengo, eta gaztelania gero izan ziren haren ordezkoak. Koldo Zuazo   «Euskara batua» - 26. orr.

2 (nondik)

Erdaingabea, hau da, bere zakil-muturra erdaindu ez duen gizasemea, bere herritik baztertua izango da, nire ituna hautsi duelako. Jose Antonio Mujika   «Agindutako lurraren bila I» - 48. orr.

Joanttok erakutsi ageria ikustean, soldaduak hitzik gabe baztertu ziren bidetik, agur martzial bat eginik. Elena Touyarou   «Hautsi da katea» - Toti Mtz. de Lecea - 69. orr.

Bi uso, iduneko berde metalikoa eta koralezko hankak zituztenak, Elleneren bidetik baztertu ziren ahateen ibilkeraz. Lopez de Arana   «Manhattan Transfer» - John Dos Passos - 197. orr.

"Baztertu gure bidetik" adierazten diete irratiz amerikarrek radarrean ageri diren ustezko etsaiei. Joanttok erakutsi ageria ikustean, soldaduak hitzik gabe baztertu ziren bidetik, agur martzial bat eginik. Harkaitz Cano   «Piano gainean gosaltzen» - 163. orr.

Gizartetik baztertuak izan direnekin, gizarteak "erotzat" dauzkanen artean. Zakar baztertu zen leihotik, bat-batean gogaitu izan balitz bezala. Jose Angel Irigaray   «Denboraren mugan» - 61. orr.

Entzun orduko bultza egin zion Maizak, kutxa ondotik bazter zedin. Migel Angel Mintegi   «Denak du bere prezioa» - 267. orr.

Azkenean, ispilutik baztertu eta begiak itxi, edo argia itzali, eta ukituka bukatzen zuen lana. Xabier Olarra   «Antropologo bat Marten» - Oliver Sacks - 142. orr.

Zimiko egiten zion bere bizimodu zuzenak: bizitzako festatik baztertua izan zela iruditzen zitzaion. Irene Aldasoro   «Dublindarrak» - James Joyce - 170. orr.

Bainan bokazionetik baztertzen dena? Xipri Arbelbide   «Janpierre Arbelbide» - 200. orr.

3 (nora)

Deabruak Llum eta inspektorea dauden aldera mugitzen dira ziztuan, inspektorea eskuinera baztertzen da. Antton Olano   «<//jokoa.com>» - Gemma Lluch - 158. orr.

Deabruei pasatzen uzteko, Jimmy Herf albo batera baztertu zen kamioi bati pasatzen uzteko. Lopez de Arana   «Manhattan Transfer» - John Dos Passos - 512. orr.

Alde batera baztertu zen, eta Fructuoso eta biok geratu ginen aurrez aurre, ni haren tirabidean. Inazio Mujika Iraola   «Gerezi Denbora» - 21. orr.

Bat-batean, aurrean doazen taldeak alboetara baztertu eta hutsune bat uzten dute jendaldearen erdian: deabruz mozorrotutako animazio-talde bat patinetan irristaka eta suziriak botatzen. Antton Olano   «<//jokoa.com>» - Gemma Lluch - 158. orr.

Barre tximista kutsagarri batek erasan zuen berriro Isabelle, halako moldez non sofa askatu eta doi-doi baztertu baitzen paretaren aldera. Harkaitz Cano   «Neguko zirkua» - 85. orr.

Tom portxera baztertzen da, ohi duen bezala bazkalostean erretzera. Oskar Arana   «Brooklyngo erokeriak» - Paul Auster - 234. orr.

Trasteen txokora baztertu zen eulia. Juan Garzia   «Sagua, eulia, eta gizakia» - Franšois Jacob - 54. orr.

Ez bat eta ez bi bidetik atera eta oihanera baztertu da. Aingeru Epaltza   «Lasto sua» - 82. orr.

Egin zuen saldukeriaz lotsaturik, amondarren lurraldera baztertu zen berriro. Elizen arteko biblia   2 M 5,7

Eskuinalderantz baztertu nintzen, eta presaka gurutzatu nuen apartamentu-etxearen eta albokoaren arteko soropila. Xabier Olarra   «Iruzurgilea» - James Cain - 139. orr.

4 du ad bazterrera eraman; kontuan ez hartu, aintzat ez hartu. (zerbait)

Egutxik neskatoaren ileak gorantz baztertu zituen, belarria agerian utziz. Ibon Uribarri   «Loti ederrak» - Yasunari Kawabata - 31. orr.

Musuka hasi nintzaion, baina berak eskua altxatu zuen, ezpainak estali zizkidan eskuarekin, eta aurpegia baztertu zidan. Jantzi urratuak, izerdituak, zerrikatuak, usainduak eta zorriz emokatuak behin betirako baztertu zituen eta, haiekin batean, sufrimenduaren sinbolo ziren jantziak. Xabier Olarra   «Iruzurgilea» - James Cain - 38. orr.

Nork gaitzesten ditu orduan, bada, eta baztertzen, gaitzesten eta baztertzen omen ditugun egitura horiek? Pello Salaburu   «Euskararen etxea» - 185. orr.

Irakaskuntza Publikoaren Mahaiak Espainiako Kalitate Legea baztertzeko eskatu zion atzo EAEko Hezkuntza Sailari. Berria - Euskal Herria   2004-03-31

Indarkeria behin betirako baztertzeko eskatu zion erakunde armatuari. Berria - Euskal Herria   2006-01-27

Baztertu egin beharko zenituzke kontu horiek, eta ondo pentsatu nola moldatuko zaren inaugurazioan soinurik ez jotzeko. Bernardo Atxaga   «Soinujolearen semea» - 220. orr.

Bestela, bidegabekeria ez da baztertuko eta zuzentasuna ez da indartuko. Berria - Harian   2006-03-09

Nonbait afaltzeko aukera ere baztertu nuen. Aingeru Epaltza   «Rock'n'roll» - 83. orr.

Kantuaren bidez -literaturak dituen forma ugarien bidez- gure zoria onartu edo arbuiatu, madarikatu, onetsi, baztertu, deitoratu, irauli, bedeinkatu, goretsi, iraindu, kakaztu, gurtu dezakegu. Anjel Lertxundi   «Mentura dugun artean» - 16. orr.

Freudentzat bada garaia erlijioa baztertu eta zientziari ekiteko, zerua aingeruei eta elaiei utziz. Markos Zapiain   «Errua eta maitasuna» - 43. orr.

Truke libreak nazio guztien ongizatea hobetu dezakeelako hipotesia baztertu gabe ere, [...]. Koro Navarro   «Ekonomiaren globalizazioa» - Jacques Adda - 42. orr.

Gizon praktikoa zenez, Del Vallek berehala baztertu zituen kezka haiek guztiak. urte hartan bertan baztertu zituen noble izateak ematen zizkion eskubide bereziak. Alberto Ladron Arana   «Eguzki beltzaren sekretua» - 116. orr.

Ez da Ingalaterra bakarrik, beste nazio askok ere baztertu dute tortura arrakasta handiz. Juan Martin Elexpuru   «Delituez eta zigorrez» - Cesare Beccaria - 116. orr.

Baztertu zuen ate joka joatea, ez zekien zergatik baina ez zion elkarrizketari larritasunik eman nahi. Migel Angel Mintegi   «Denak du bere prezioa» - 173. orr.

Hantxe zabaldu zen Errenazimentuaren hazia, herri hizkuntzak suspertu eta, pixkanaka, latina baztertu zuena. Koldo Zuazo   «Euskara batua» - 21. orr.

Litekeena da, ez dugu ezer baztertu behar, baina zerbaitek esaten dit txostenak ez duela epe laburrean argia ikusiko. Zenbait kasutan nahitaezkoa da hitzez hitzezko itzulpena baztertu eta bestelako baliokideak aurkitzea. Migel Angel Mintegi   «Denak du bere prezioa» - 199. orr.

Bazter bedi behintzat Jainkoari atsegin ez zaiona, nahiz eta gizakiei atsegin eman. Askoren artean   «Asisko Frantzizko, Asisko Klara» - 356. orr.

Bazter ezazu, beste gaitz askoren artean, kontakizunak luzatzeko nire eta beste idazle askoren gaitza. Pako Aristi   «Venezuela, iraultza isilaren hitzak» - 146. orr.

Bizkorrago ibiliz, halako gai nahastua baztertu eta zelai hartatik urruntzen hasten da. Bernardo Atxaga   «Groenlandiako lezioa» - 50. orr.

Apur bat serioxeago, baina artean trufa-doinua guztiz baztertu gabe. Anjel Lertxundi   «Ihes betea» - 211. orr.

Ez baztertu ez leku, ez denbora, ez pertsonarik; ordu guztiek, toki guztiek, gizon guztiek balio behar dute zure atseginerako. Juan Martin Elexpuru / Bego Montorio   «Filosofia apaingelan» - Sade - 111. orr.

Aspaldi industrializaturiko herrialdeek, ez badituzte ekoizpen horiek baztertzen, edo berandu baztertzen badituzte, arrisku handia izango dute estatu semiperiferiko bihurtzeko. Koro Navarro   «Ekonomiaren globalizazioa» - Jacques Adda - 61. orr.

5 (inpertsonalak)

Berehala baztertu zen suizidioaren ideia. Koro Navarro   «Kontakizunak» - Edgar Allan Poe - 146. orr.

Dirurik ahulenak errazago baztertu ziren, eta, hala, arriskuan geratu zen EDSk eskatzen zuen trukeen egonkortasuna. Koro Navarro   «Ekonomiaren globalizazioa» - Jacques Adda - 160. orr.

Izan ere, gorpuztasuna baztertzean, espazioa ere baztertzen da. Xabier Kintana   «Alderraien gidaria» - Mose ben Maimon - 63. orr.

Objekzio hauek baztertu behar dira. Xabier Arregi   «Jakitearen arkeologia» - Michel Foucault - 131. orr.

Josebak ez zuen uste ipuina frantsesa izango zenik, baina ezin zen baztertu posibilitate hori. Iban Zaldua   «Traizioak» - 164. orr.

Erabat baztertu daiteke drogak hartzen zituela? Antton Olano   «<//jokoa.com>» - Gemma Lluch - 153. orr.

6 (zerbait nora)

Nire memoriaren zoko batera baztertu nuen kontu hura. Iban Zaldua   «Itzalak» - 97. orr.

Harryk kutxa zabaldu zuen berriro, eta gauzak alboetara baztertu zituen ikusezintasun-kaparen bila... Iñaki Mendiguren   «Harry Potter eta sorgin harria» - J.K. Rowling - 32. orr.

Ohe-arropak tolestu eta alde batera baztertzen ditu, Errotulagailu beltzez Kaxa akastunak hemen jarrita dagoen apaleko zokora baztertzen dituztenak, apenas iristen dira laurehun kaxatara: profesional ona da. Oskar Arana   «Lotsaizuna» - John Maxwell Coetzee - 38. orr.

Gero, Mikel Strogoffen laguntzaz, bidearen erlaizera baztertu zuten gorpua. Karlos Zabala   «Mikel Strogoff» - Jules Verne - 363. orr.

7 (zerbait nondik)

Zeren Izpirituaren barraiatze hori ez baita heldu beste gauza batzuetatik hura baztertzen duen kausa positibo batetik. Piarres Xarriton   «Etika» - Spinoza - 353. orr.

Esku hotz batek kalpar luzeak baztertu zizkidan aurpegi paretik. Aingeru Epaltza   «Mailuaren odola» - 160. orr.

Ez du esan nahi Santa Klarak kantua erabat baztertzen duenik Orduen Liturgiatik. Askoren artean   «Asisko Frantzizko, Asisko Klara» - 1178. orr.

-Noiz arte jarraitu behar duzu Saulengatik negarrez, Israelen erregetzatik baztertu dudalako? Jose Antonio Mujika   «Agindutako lurraren bila II» - 45. orr.

Arrazoi pisuzkorik ez bada, ez da baztertu behar naziorik merkataritzatik. Iñaki Iñurrieta   «Legeen espirituaz II» - Montesquieu - 15. orr.

Neure onginahia ez dut harengandik baztertuko, zure aurreko erregeagandik baztertu nuen bezala. Elizen arteko biblia   1 Kro 17,13

Jainkoagandik atributuak baztertu beharra, kontraesanak ekiditeko. Xabier Kintana   «Alderraien gidaria» - Mose ben Maimon - 122. orr.

Mendebalean baizik ez da erabiltzen jausi jat, eta Nafarroako Sakanan baizik ez bota dakit, eta horrexegatik baztertu dira euskara batutik. Koldo Zuazo   «Euskara batua» - 194. orr.

8 (norbait)

Paretaren kontra baztertzera behartu gintuen. Juan Luis Zabala   «Agur, Euzkadi» - 82. orr.

Jauna, zergatik baztertzen nauzu, zergatik gordetzen aurpegia? Elizen arteko biblia   Sal 88,15

Indiak hiesa duten haurrak baztertzen dituela dio HRWk. Berria - Gaiak   2004-08-12

Hiriko galeria guzti-guztiek baztertu zuten; minduta eta haserre itzuli zen handik Chicagora. Oskar Arana   «Brooklyngo erokeriak» - Paul Auster - 51. orr.

Brown, ordea, naturalki baztertu zuten: beltza zen eta. Pablo Sastre   «Eguzkipekoak» - 225. orr.

Pixkanaka-pixkanaka baztertu egin zuten Jeronimo, eta jendeak berehala galdu zuen Jeronimoren ezkongetasunarekiko arreta. Anjel Lertxundi   «Konpainia noblean» - 25. orr.

Erran dezakezu ezen aitak bizitzan baztertu egin ninduela, eta bazterrerat nahi nukeela nik orain hura, eta horregatik mintzatzen naizela horrela hartaz. Joan Mari Irigoien   «Lur bat haratago» - 151. orr.

Ez dut uste etxean geratu nahi duten emakumeak baztertzen ditugunik. Berria - Gaiak   2004-04-28

Arauak hausten dituena arriskutsua da; hala, taldeak barre egiten dio, edo mespretxatu, eskumikatu, baztertu edo egotzi egiten du. Luis Elberdin   «Sexua noiznahi» - 63. orr.

Erretzaileak erabat baztertu nahi dituztela ematen du. Berria - Harian   2005-12-31

Ez ditut, baina, ni bezala pentsatzen ez dutenak baztertuko. Berria - Gaiak   2004-04-28

Eskema bipolar, heterosexual, monogamo eta ugalketara bideratu horretatik atera den guztia gaitzetsi, baztertu, kondenatu, barregarri utzi eta gogor zapaldu izan dute. Luis Elberdin   «Sexua noiznahi» - 58. orr.

Izan bedi gurekin Jauna, gure Jainkoa, gure gurasoekin izan zen bezala. Ez gaitzala utz, ez baztertu. Elizen arteko biblia   1 Erg 8,57

Bizkorrago ibiliz, halako gai nahastua baztertu eta zelai hartatik urruntzen hasten da. Bernardo Atxaga   «Groenlandiako lezioa» - 50. orr.

Ahoskeragatik baztertzen gaituzte batzuetan, poloniar azentoa daukagulako. Berria - Mundua   2004-04-23

9 (norbait nondik)

Cardinalek emaztea bidetik baztertu zuen. Lopez de Arana   «Manhattan Transfer» - John Dos Passos - 435. orr.

Inork gorpu bat hilobitik ateratzen bazuen lapurreta egiteko, gizartetik baztertzen baitzuten. Iñaki Iñurrieta   «Legeen espirituaz II» - Montesquieu - 289. orr.

Aita sartu da tartean, eta nahiko zakar baztertu nau handik. Josu Zabaleta   «Anne Franken egunkaria» - Anne Frank - 213. orr.

Roberto Goaza komisarioa buruzagitzatik baztertu zutenetik bakarrik geratu zen Cesar itxura guztien arabera. Harkaitz Cano   «Pasaia blues» - 186. orr.

Huts handiak eginak izan zirela, bost lagun beren poliza-lanetarik baztertu ditu, ondotik ikusi behar noraino joanen den afera hori. Herria   2002-12-26

Azken horiek boteretik baztertu egin behar dituzte lehenengoek. Berria - Gaiak   2004-06-06

Ahmadinejadek emakumezkoen eskubideak gutxitu eta horiek hein batean esparru publikotik baztertuko dituela aurreikusi dute adituek. Berria - Harian   2005-06-26

Partidukideek bizitza publikotik baztertu hindutenetik. Jokin Mu˝oz   «Bizia lo» - 114. orr.

Handik bi hilabetera dantza-taldetik baztertua zuten. Aritz Gorrotxategi   «Egurra Pinotxori» - 96. orr.

10 (norbait nora)

Llum garrasika hasten da eta Danik berehala alde batera baztertzen du. Antton Olano   «<//jokoa.com>» - Gemma Lluch - 155. orr.

Ni hurbildu eta bultzada batez Lally alde batera baztertu nuen. Fernando Rey   «Hobe nuen etxean gelditu» - Horace McCoy - 109. orr.

Orain, gotzainak herri txiki batera baztertu du. Markos Zapiain   «Errua eta maitasuna» - 83. orr.

11 (era burutua izenondo gisa)

Julio ere uste dut aintzat hartzen hasia nintzela, ezen gizagaixo bat iruditzen zitzaidan une hartan, auzo baztertu batera bidalitako maisu triste bat. Juan Kruz Igerabide   «Hauts bihurtu zineten» - 30. orr.

Berari ere esaldi bat iratzarri zitzaion bat-batean, fresko-fresko, hiru mende laurden bere oroimeneko zoko baztertu batean lo egon ondoren: [...]. Jon Muñoz   «Loroaren teorema» - Denis Guedj - 316. orr.

Bestalde, berehala jabetu naiz orain kontzentrazio-esparru txiki, txiro, baztertu batera heldu naizela, probintziako kontzentrazio-esparrura nolabait esatearren. Urtzi Urrutikoetxea   «Zoririk ez» - Imre Kertész - 132. orr.

Frankoa eta liberala izan delako ere, zu bezalako jende pertsegituari eta desterratuari geriza eman izan diona, baita liburu baztertuak argitarat eman ere. Joan Mari Irigoien   «Lur bat haratago» - 263. orr.

Makinaria industrial erabilezina, ileordekoz betetako kutxak, koadro baztertuak eta bestelako trepetak. Harkaitz Cano   «Piano gainean gosaltzen» - 63. orr.

Arraza konkistatzaileak daude, gudariak, eta herri konkistatuak, azpiratuak, baztertuak: herri xume laboraria, sehia. Joxe Azurmendi   «Espainiaren arimaz» - 195. orr.

Orduko behartsu, gaixo, baztertu, emakume eta haur, bekatari kutsatu... horiek denak ikuspegi maitagarriz eskaintzen dizkigu bere ebanjelioak. Pello Zabala   «Naturaren mintzoa» - 408. orr.

Izan dezan mendekua nire lagun baztertuak. Xabier Olarra   «Deabruaren hiztegia» - Ambroise Bierce - 95. orr.

Toki nasai bat emanez ere [kasetak] Europako mintzaira eta populu baztertueri. Herria   2001-10-04

Jende txiroen, baztertuen bizitza, XIX. mende bukaera arte, ikuspegi komikotik eskaintzen zen soil-soilik. Bernardo Atxaga   «Lekuak» - 29. orr.

Errukizko portaera legendunekin, hau da, gizarteko pertsona miserable eta baztertuenekin. Askoren artean   «Asisko Frantzizko, Asisko Klara» - 26. orr.

Gizaki ahul, pobre eta apala, mespretxatu eta baztertua. Askoren artean   «Asisko Frantzizko, Asisko Klara» - 27. orr.

Nonbaitik etorritako eta itsasadarraren beste puntan kokatu ziren jende baztertuen ondokoak. Elena Touyarou   «Hautsi da katea» - Toti Mtz. de Lecea - 281. orr.

Haur indigenek osatzen dute giza talderik ahul eta baztertuena. Berria - Gaiak   2004-02-26

Ez da zaila asmatzea zer jende ibiliko den eskean: baztertuak, eta, baztertuen artean, baztertuenak: etorkinak. Joxerra Garzia   «Itsasoan euri» - 133. orr.

Stevensonek aipatutako haiek eraiki zuten zoramenezko Babel hau; baztertuek, desoinordetuek, bere barkuan zetozen haietako batzuek berberek [...] Amerikako beste baztertuekin, beltzekin eta indioekin, estolderietatik hasi eta Empire Statearen gailurreraino. Harkaitz Cano   «Piano gainean gosaltzen» - 143. orr.

12 ipar aurreratu.

Urteko lanari esker, aski sos baztertua asteño bat bederen goxoan ibiltzeko nahi nuena ikusiz nahi nuen tokian. Janbattitt Dirassar   «Bihotzeko mina» - 58. orr.

Jakesek ba omen du sos poxi bat baztertua, Bordeleko alde horretan bere etxe-partea altxaturik. Janbattitt Dirassar   «Bihotzeko mina» - 137. orr.

13 ezin baztertuzko ik bazterrezin.

Ezin baztertuzko eginbeharrak ditiat. Jose Morales   «Arima hilak» - Nikolai Gogol - 103. orr.

Hastetik, oraino 2004-ko bukaeran bezala, ezin baztertuzko bi eskakizun agertu ziren. Herria   2004-12-09

Gero, denborarekilan gauza horiek panoraman sartzen dira eta ezin baztertuzko bihurtzen. Berria - Euskal Herria   2004-02-05

Hain gogoeta zinezko eta ezin baztertuzkoek erraten ahal diezazukedana baino anitzez gehiago asaldatzen naute. Jon Muñoz   «Harreman arriskutsuak» - Choderlos de Laclos - 314. orr.

hitz multzoen maiztasunak (gutxienez 5 aldiz agertzen direnak)

alde batera baztertu (12); aukera baztertu (42); aukera baztertu zuen (12); aukera hori baztertu (10); autoa baztertu (5); batera baztertu (21); batera baztertu zen (6)

baztertu batean (5); baztertu beharra (17); baztertu beharra dago (6); baztertu beharrekoa (5); baztertu da (8); baztertu dira (5); baztertu ditu (26); baztertu du (93); baztertu dute (48); baztertu egin (243); baztertu egingo (14); baztertu egiten (83); baztertu ezin (6); baztertu gabe (84); baztertu izan (5); baztertu izana (13); baztertu nuen (15); baztertu ondoan (7); baztertu ondoren (22); baztertu zen (19); baztertu ziren (9); baztertu zituen (47); baztertu zuen (154)

begiak baztertu (6); behin betiko baztertu (5); bera ere baztertu (5); berak baztertu (5); berehala baztertu (18); berehala baztertu zuen (7); berriz baztertu (5); beti baztertu (6); betiko baztertu (8); bidetik baztertu (8)

egitea baztertu (19); egiteko aukera baztertu (8); erabat baztertu (53); erabat baztertu zuen (9); eskaera baztertu (9); eskaintza baztertu (7); euskara baztertu (9); ez da baztertu (16); ez du baztertu (28); ez dute baztertu (13); ez zuen baztertu (37); ezer baztertu (10); ezin baztertu (5); ezin da baztertu (35); ezin daiteke baztertu (6); ezin dira baztertu (5); gaitzetsi eta baztertu (5); gizarteak baztertu (6); guztiz baztertu (14); hartzea baztertu (8); hipotesi hori baztertu (5)

indarkeria baztertu (6); inor baztertu gabe (8); izana baztertu (5); jauna baztertu (5); lana baztertu (5); laster baztertu (7); nola baztertu (6)

oro baztertu (11); parte hartzea baztertu (6); pilotak baztertu (6); plana baztertu (8); proposamena baztertu (8); salaketak baztertu (7); salaketak baztertu zituen (5)

zeharo baztertu (6); zergatik baztertu (7)

baztertua da (5); baztertua den (5); baztertua izan (34); baztertua izan da (9); baztertua izan zen (8); baztertua sentitzen (5); erabat baztertua (6)

gero eta baztertuago (6)

baztertuak diren (7); baztertuak izan (27); baztertuak izan dira (6); baztertuak sentitzen (8); baztertuak ziren (7)

baztertuko du (7)

bazterturik zegoen (7); erabat bazterturik (5)

baztertuta bizi (8); baztertuta dago (14); baztertuta daude (7); baztertuta daudela (7); baztertuta dauden (6); baztertuta egon (10); baztertuta gelditzen (5); baztertuta geratu (8); baztertuta sentitzen (11); erabat baztertuta (19); guztiz baztertuta (5)

baztertuz gero (11); guztiak baztertuz (6); oro baztertuz (6)

ezin baztertuzko (8)

baztertzea da (12); baztertzea egotzi (11); baztertzea erabaki (15); baztertzea erabaki zuen (5); baztertzea leporatu (8)

baztertzeko eskatu (27); baztertzeko eskatu dio (9); baztertzeko eskatu du (6); baztertzeko gisan (5); baztertzeko joera (5)

ez da baztertzekoa (6)

alde batera baztertzen (5); aukera baztertzen (9); aukerarik baztertzen (5); batera baztertzen (5)

baztertzen ahalegindu (5); baztertzen ari (14); baztertzen bada (5); baztertzen badugu (5); baztertzen berriro (5); baztertzen da (16); baztertzen dira (6); baztertzen ditu (24); baztertzen du (34); baztertzen duen zerbait (5); baztertzen dugu (5); baztertzen dute (7); baztertzen jarraitzen (6); baztertzen zituen (8)

berehala baztertzen (5); bestea baztertzen (7); emakumeak baztertzen (8); erabat baztertzen (23); euskara baztertzen (5); existentzia baztertzen (29); existentzia baztertzen duen (11); existentzia baztertzen duten (10); ez da baztertzen (8); ez du baztertzen (65); ez dugu baztertzen (14); ez dut baztertzen (10); ez dute baztertzen (36); ezer baztertzen (11); gauzaren existentzia baztertzen (8); inor baztertzen (5); oro baztertzen (8); presenteko existentzia baztertzen (7)

 



Nodoa: liferay1.lgp.ehu.eus