Bilaketa aurreratua

Ogi apurrak

Egungo Euskararen Hiztegia (EEH)

Hasiera:

medikuntza 1 iz eriari osasuna atxikitzea edo bihurtzea helburu duen jakintza; gisa eritasunak sendatzeko edo haiei aurrea hartzeko antzea. ik sendagintza.

Ikertzaile horiek hainbat zientzia-esparrutatik zetozen: biologia, fisika, medikuntza, mikrobiologia, kimika, kristalografia, eta abar. Juan Garzia   «Sagua, eulia, eta gizakia» - François Jacob - 28. orr.

Eta gure medikuntza, hein handi batez, genetikan oinarritzen da dagoeneko. Juan Garzia   «Sagua, eulia, eta gizakia» - François Jacob - 158. orr.

Orain arte, medikuntzak, gaixo baten aurrean, diagnostiko bat egiten zuen eta handik pronostiko bat ateratzen. Juan Garzia   «Sagua, eulia, eta gizakia» - François Jacob - 134. orr.

Aurrerakuntza handiak egiten dira medikuntzan denbora gutxian. Imanol Zurutuza   «Errautsera arteko sugarra» - 145. orr.

Hortik dator gorputza lanerako tresna modura balioestea, medikuntza beste zientzien ereduen arabera arrazionalizatzeko kezka. Xabier Arregi   «Jakitearen arkeologia» - Michel Foucault - 186. orr.

Medikuntza ikastea erabaki zuen, inori galdetu gabe. Josu Zabaleta   «Jakintzaren arbola» - Pio Baroja - 38. orr.

Medikuntza teknologia bat izango da, baina ingeniariak enplegatzen dituzten beste teknologia edo industrien antzik ez du. Irene Aldasoro   «Giza gorputza lanean» - John Lenihan - 267. orr.

Mediku batentzat, dena da medikuntza; eta legegizon batentzat, dena lege. Juan Kruz Igerabide   «Hauts bihurtu zineten» - 139. orr.

2 (izenondoekin)

Medikuntza prebentiboko zerbitzuko harrera-bulegoan nire zenbakia entregatu nuen. Joseba Urteaga   «Gertakizuna» - Annie Ernaux - 9. orr.

Claude Bernarden medikuntza esperimentalak, eta Pasteuren microbiologiak ondoren, aldatu egin dute anatomiak eta fisiologia patologikoak behar duten zientifikotasuna, jokotik kanpo geratu gabe medikuntza klinikoaren eraketa diskurtsiboa, bera bere garaian ezarria izan zen moduan kontuan hartuta. Xabier Arregi   «Jakitearen arkeologia» - Michel Foucault - 213. orr.

Horrela esaten zien nire medikuntza legaleko irakasleak. Karlos Zabala   «Buda zoriontsuen etxea» - João Ubaldo Ribeiro - 17. orr.

Londresko Medikuntza Tropikalerako zientzialari batzuek argitaratutako ikerketa bat dela eta. Berria - Gaiak   2004-02-28

Medikuntza orokorrean aritzen da Londresko ipar-mendebaldean. Xabier Olarra   «Antropologo bat Marten» - Oliver Sacks - 196. orr.

Osakidetzak medikuntza pribaturako bidea hartu duen edo ez da gakoa. Berria - Euskal Herria   2004-05-26

Bazirela, beharbada, beste aukera batzuk, sendagai kimikoetatik kanpo, medikuntza alternatiboan. Juan Kruz Igerabide   «Hauts bihurtu zineten» - 210. orr.

3 (hitz elkartuetan lehen osagai gisa) ik mediko.

Itzulpenak, bideo-hitzaldiak, lege aholkularitza, edota zenbait medikuntza zerbitzu, besteak beste. Iñaki Heras   «Txanponaren bi aldeak» - 207. orr.

Gaur egungo medikuntza-behaketek corpus bat osatzen dute. Xabier Arregi   «Jakitearen arkeologia» - Michel Foucault - 144. orr.

Ez naiz ahalegindu medikuntza-pentsamoldearen genesi enpirikoa eta osagai ezberdinak deskribatzen Iruditu zitzaidan, esaterako, medikuntza-zientzia XIX. mendetik aurrera gehienbat ezaugarritzen zela nolabaiteko estilo bategatik, enuntziatuaren nolabaiteko izaera iraunkor bategatik, eta ez hainbeste bere objektu edo kontzeptuengatik. Xabier Arregi   «Jakitearen arkeologia» - Michel Foucault - 64. orr.

Ez dit uste hortan dela elki bidea, 60 edo 65 urtetan haur ükeitea, izigarriko medikuntza lan baten ondorioz. Menane Oxandabaratz   «Ez da musik» - 105. orr.

Medikuntza-frogei jarraiki eman zuen epaimahaiak epaia eta kargu guztietatik libre utzi zuen Lennon. Irene Aldasoro   «Dublindarrak» - James Joyce - 167. orr.

XXI. mendeko medikuntza-aurrerapenek haren sendaketa teknikoki posible egiten bazuten ere. Iban Zaldua   «Etorkizuna» - 83. orr.

Enuntziazio deskriptiboa izango litzatekeela medikuntza-diskurtsoan agertzen diren formulazioetako bat, besterik ez. Xabier Arregi   «Jakitearen arkeologia» - Michel Foucault - 42. orr.

Aurkitu nituen erreferentzia bakarrak medikuntza-aldizkarienak ziren. Joseba Urteaga   «Gertakizuna» - Annie Ernaux - 28. orr.

Medikuntza ikasketak amaitu zituenean. Joxemari Iturralde   «Euliak ez dira argazkietan azaltzen» - 35. orr.

Medikuntza karrera bukatzen ari zen. Joxe Austin Arrieta   «Homo Faber» - Max Frisch - 70. orr.

Zientzia eta medikuntza munduan aurrerapauso handiak egin direla dio. Berria - Gaiak   2004-05-19

Erresuma Batuko Medikuntza Batzorde Orokorra. Berria - Gaiak   2004-09-01

4 (hitz elkartuetan bigarren osagai gisa)

Prebentzio-medikuntzari ez zaio jada aski gure herritarren, gaur egun gure inguruan bizi diren eta kalean aurki ditzakegun gizon, emakume eta haurren osasuna aurreikusteko ahalegin hori. Juan Garzia   «Sagua, eulia, eta gizakia» - François Jacob - 131. orr.

Ugaltze-medikuntzaren historiak erakusten du medikuek proposatutako teknika gehienak pixkana onartzeko joera izan duela gizarteak. Berria - Gaiak   2004-05-20

Nire ustez, birsorkuntza-medikuntzan aurrera egiteko bidea helduen zelula amak ikertzean datza, seguruenak direlako. Berria - Euskal Herria   2004-08-03

Erraza da, modu intuitiboan gutxienez, loturak suposatzea gertaera hauen eta erietxe-medikuntzaren antolakuntzaren artean. Xabier Arregi   «Jakitearen arkeologia» - Michel Foucault - 185. orr.

Borroka latza dago Barne Medikuntza eta Psikiatria sailen artean. Iban Zaldua   «Traizioak» - 18. orr.

Guillermo Portero Bilboko Auzitegi-Medikuntza Institutuaren zuzendaria. Berria - Euskal Herria   2004-12-14

Erasotzaileen ezaugarriak hobeto ezagutzea; justiziari eta auzi-medikuntzari lotutako gaiak sakontzea. Berria - Euskal Herria   2004-12-14

· Lisboa eta Portoko Kirol medikuntza zentroek UCI elkarteak egindako analisien emaitzak berretsi zituzten. Berria - Kirola   2004-05-21

 



Nodoa: liferay1.lgp.ehu.eus