Bilaketa aurreratua

Ogi apurrak

Egungo Euskararen Hiztegia (EEH)

Hasiera:

olgeta 1 iz olgatzea, atsegin hartzea, jostatzea, jolastea. ik olgantza; parranda.

Senargaietara aritzea jaioterriko ume guztiek egindako olgeta zen. Joxemari Iturralde   «Euliak ez dira argazkietan azaltzen» - 28. orr.

Niri iruditzen zait olgeta hauek hotzak eta gatzik gabeak bihurtzen direla, geure burua jantzi ahala deboziogai horien ezerezaz jabetzen garenean. Juan Martin Elexpuru / Bego Montorio   «Filosofia apaingelan» - Sade - 148. orr.

Itsastarra zen eta bere txikitako olgeten lekua izan zen itsas portura itzuli zen Andres Untzain, hiltzera. Edorta Jimenez   «Hemingway eta euskaldunak zerbitzu sekretuetan» - 272. orr.

Ondotxo genekien bukatu zirela, behingoz, olgetak eta ameskeriazko jolasak, kito betiko. Mirentxu Larrañaga   «Peaceful soldadua» - Michael Morpurgo - 114. orr.

Gure arteko jolasek ez ziguten hasierako zirrara hura eragiten eta, elkar maite genuen arren, beste olgeta batzuetara jotzen genuen. Juan Martin Elexpuru   «Esku bakarrarekin irakurtzeko kontuak» - Pilar Cristobal - 73. orr.

Eskuaz laztantzen nuela olgeta atseginean eguzkiak belztutako izter gihartsu eta bilo horidun haien azal leun eta otzana. Urtzi Urrutikoetxea   «Zoririk ez» - Imre Kertész - 168. orr.

Kondoia, horren ostean etorriko diren olgetetarako... Patxi Zubizarreta   «Jeans-ak hozkailuan» - 104. orr.

Eta era honetako olgetetan jardun nahi duzunean, Eugeni, baztertu azidoak: hemorroideak handitzen dituzte eta sarketa mingarri bihurtzen. Juan Martin Elexpuru / Bego Montorio   «Filosofia apaingelan» - Sade - 145. orr.

Ez nekien zergatia, baina Danel jolasean ari zen gurekin, hain gustukoak zituen olgeta haietariko bat baliaturik, gu barregarri uzteko. Anjel Lertxundi   «Argizariaren egunak» - 99. orr.

2 (hitz elkartuetan lehen osagai gisa)

Ohea, beraz, olgeta lekua izan zen haientzat luzaroan; hara eramaten zituzten jostailuak, han jaten zituzten lapurtutako azenario eta arbiak. Karlos Zabala   «Parisen sabela» - Emile Zola - 237. orr.

Zer izango itsasontzia eta, nola esango nuke, olgeta-areto flotagarri bat edo horrelako zerbait zen, txanpon-makinetan jokatu, pantaila erraldoian telebista ikusi edo dantzan ibiltzeko. Bernardo Atxaga   «Lekuak» - 149. orr.

Lehenik, olgeta elkarteek, herri elkarteek, 20an danborradarik ez jotzea erabaki zuten -25era aldatu zuten-, maisu zenduaren omenaldi gisa. Askoren artean   «Rataplan» - 77. orr.

Bestea, espaloi ertzetik, lagunaren zakarkeriak batzuetan oina errepidera aterarazten ziola, olgeta-aurpegiz zetorren entzuten. Irene Aldasoro   «Dublindarrak» - James Joyce - 71. orr.

Baina olgeta adierazpen bat zerabilen aurpegian ñirñirka. Irene Aldasoro   «Dublindarrak» - James Joyce - 254. orr.

Diru mordoa xahutu nuen zulo horretan, baina ez zitzaidan axola, olgeta-antropologia praktikatzeko aukera ezin hobea eskaintzen baitzidan, eta, gainera, bertan zerbitzatzen zuten whiskya ez baitzen batere makala. Iban Zaldua   «Gezurrak, gezurrak, gezurrak» - 51. orr.

3 olgetan adlag olgatzen, jostatzen, jolasean; txantetan.

Gerran olgetan nekatzen ginenean, ez dakit zenbat bider hil eta gero, orduan ahoz gora etzaten ginen, landabideren batean edo nasako harlauzen gainean. Joseba Sarrionandia   «Kolosala izango da» - 54. orr.

Ohean etzanda, Juliaren berna luze biluzia Eñauten inguruan korapilatzen zen suge leun eta zuri baten antzera, esku batez bularreko ile izerditsuetan olgetan entretenitzen zen bitartean. Sonia Gonzalez   «Ugerra eta kedarra» - 167. orr.

Dingilizka zegoen letrerotxoarekin olgetan ari zen Mentxu. Josu Landa   «Odolbildua» - 20. orr.

Garbitzailearen izena Kedar zen, eta, egun batean, putzuaren inguruan olgetan ari zirela, Malcolm bertara jausi eta ito egingo zen. Julen Gabiria   «Peter Pan» - James Matthew Barrie - 230. orr.

Eta geroz eta gogo handiagoz abiatu ohi zen kalera olgetan, handik edo hemendik saltsa-maltsaren batean ikusiko zuelakoan. Urtzi Urrutikoeetxea   «Auzoak» - 9. orr.

Aurrealdeko etxeko eskaileretan noiz olgetan noiz borrokan zebilen deabrutxo-talde baten garrasiak. Lopez de Arana   «Manhattan Transfer» - John Dos Passos - 32. orr.

Gintonikaren izotzekin olgetan hasi da. Paddy Rekalde   «Ragga-ragga dator gaua» - 73. orr.

Herbie beste emakumeren batekin olgetan ibil zitekeela pentsatze hutsak, berriz, sutan jartzen zuen. Mirentxu Larrañaga   «Hona hemen gu biok» - Dorothy Parker - 153. orr.

Eskain zakizkio oso-osorik zurekin olgetan ari den libertinoari. Juan Martin Elexpuru / Bego Montorio   «Filosofia apaingelan» - Sade - 176. orr.

-Honek elefanteen hilerria dirudi -esan zion olgetan Lucyk aitari. Joxemari Iturralde   «Euliak ez dira argazkietan azaltzen» - 268. orr.

-Kanta hau ez al dugu lehentxeago ere entzun? -galdetzen zidan olgetan Silbiak. Joxemari Iturralde   «Euliak ez dira argazkietan azaltzen» - 21. orr.

Eta zuk, Lezo, zer egingo duzu? -galdetzen zioten irrikan orduan olgetan-benetan. Iñigo Aranbarri   «Hitzak eta giltzak» - 16. orr.

Benetako gauzak olgetan bakarrik esanak izan daitezen lortzen du umorismoak, eta olgetakoak benetan hartuak izatea galarazten. Iñaki Segurola   «Gaur ere ez du hiltzeko eguraldirik egingo» - 115. orr.

hitz multzoen maiztasunak (gutxienez 3 aldiz agertzen direnak)

olgetan ari (5); olgetan hasi (4); olgetan ibili (3); olgetan zebilen (3)

 



Nodoa: liferay1.lgp.ehu.eus