Bilaketa aurreratua

Ogi apurrak

Egungo Euskararen Hiztegia (EEH)

Hasiera:

segurtatu (1183 agerraldi, 78 liburu eta 579 artikulutan; orobat seguratu 25 agerraldi, 7 liburutan; Hiztegi Batuak seguratu aztertzen du eta segurtatu erabili behar dela adierazten), segurta, segurtatzen 1 du ad zerbaiten segurtamena eman.

Liburua hamaika aldiz miatu, arakatu, aztertu eta berraztertu ondoren, honako hau segurtatzen dizugu, irakurle, berezko egiak segurtatzen diren segurtasun erabatekoaz: [...]. Joxerra Garzia   «Egonean doazen geziak» - 202. orr.

"Bai", segurtatu zion William Bankesi, "denontzat dago aski". Anton Garikano   «Farorantz» - Virginia Woolf - 104. orr.

Erdalduna dela, bai; "baina oso pertsona prestua" dela segurtatu dit. Txillardegi   «Labartzari agur» - 144. orr.

Michel Goyenetche Ligako burulehenak segurtatu dauku garbiki "afera martxan dela eta martxa onean". Herria   2005-02-10

Konpainiakoek deitu eta segurtatu zidaten Evora egun bi geroago helduko zela. Xabier Montoia   «Baina bihotzak dio» - 277. orr.

Bidarteko herriak zonbait egunentzat aloimendua segurtatu diote hor bizi zireneri... Herria   2004-06-17

Lantokitik zuzenean etorriko zela segurtatu bazidan ere, bistan zen lehenago etxea izana zuela geltoki. Aingeru Epaltza   «Rock'n'roll» - 165. orr.

-Gauzak hobetzen direnean, bila etorriko natzaizue -segurtatu zion Xanek andreari, agur erratean-. Elena Touyarou   «Hautsi da katea» - Toti Mtz. de Lecea - 212. orr.

"El Eco de Navarra" egunkaria urrunago doa eta segurtatzen du gobernadorea entseatuko dela teileri baten sortzen inguruan. Angel Aintziburu / Jean Baptiste Etxarren   «Luzaiden gaindi» - 82. orr.

Neure baietza areago segurtatu nion. Jon Muñoz   «Harreman arriskutsuak» - Choderlos de Laclos - 414. orr.

Deusik ez zuela segurtatu zion Mikelek. Ramuntxo Etxeberri   «Skyroom» - 134. orr.

2 zerbait edo norbait seguru jartzea edo arriskuetatik libre uztea lortu.

Joan ziren, bada, eta hilobia segurtatu zuten, harria zigilatuz eta guarda ipiniz. Elizen arteko biblia   Mt 27,66

Sareak, gainera, egurrezko ate bat edukiko du, burdinazko bi sarraila ezberdinekin, eta euskarriz eta morroiloz oso ondo segurtatua. Askoren artean   «Asisko Frantzizko, Asisko Klara» - 1181. orr.

Korapilo sendo batez segurtatua. Koro Navarro   «Kontakizunak» - Edgar Allan Poe - 137. orr.

Inguruko etsaiak mendean hartu eta Nafarroako mugak ondo segurtatu ondoren, [...]. Martin Anso   «Elezaharren bidetik» - 118. orr.

Honek asko maite baitu Ines eta bizibide materiala segurtatu nahi baitio ondasunen bidez. Askoren artean   «Asisko Frantzizko, Asisko Klara» - 1173. orr.

Euskarari behar zaiola legez segurtatu hartze duen tokia. Herria   2002-11-14

Enpresa amak segurtatzen du, IG jarduerak zentralizatuz, ekoizpenaren mundu mailako koordinazioa. Koro Navarro   «Ekonomiaren globalizazioa» - Jacques Adda - 81. orr.

Udazkenean, gobernuak ez zuen gizarte-babesean atzera egiteko dudarik izan, merkatuak segurtatu eta Maastrichteko helburuei atxikitzearren. Koro Navarro   «Ekonomiaren globalizazioa» - Jacques Adda - 191. orr.

Aldi huntan, gehiengoa behar lukeela segurtatu. Herria   2001-01-11

Bi erdiak billete berarenak zirela segurtatu ondoan, gela ttipiko atea doi bat pusatu zuten. Eneko Bidegain   «Anbroxio» - 45. orr.

Tokia segurtatu nuen gauaz dabiltzan trein horietarik batean, etzateko lekua ere ba. Janbattitt Dirassar   «Bihotzeko mina» - 51. orr.

Sailkapenean laugarren tokia segurtatu du, honenbestez Top 16-eko finalerdietan ariko baitira sasoi ondar honetan. Herria   2003-03-06

Lana segurtatua izango dute. Berria - Euskal Herria   2004-02-22

Bazkaria 15 eurotan da eta animazioa segurtatua da. Herria   2002-09-26

Segurtatu onbidean zeure zerbitzari hau, ez nazaten harroputzek zapal. Elizen arteko biblia   Sal 119,122

-Urrundu dela segurtatzea hobe ginuke! Michel Oronoz   «Oilandoiko ermita» - 93. orr.

· 3 da/du ad zerbaiten segurtamena lortu.

Segurtatu nintzen etxe horretan ez zedin izan adinagatik edo gorpuzkeragatik nire ekintza susmagarria bihur zezakeen ezein neskatila edo emakumerik. Jon Muñoz   «Harreman arriskutsuak» - Choderlos de Laclos - 83. orr.

Bere bizia segurtatu nahi duenak galdu egingo du; galtzen duenak, berriz, onik aterako du. Elizen arteko biblia   Lk 17,33

4 (era burutua izenondo gisa)

Zorraren zerbitzu segurtatuaren erdia baino gehiago Munduko Bankuari eta NDFri egindako ordainketei dagokie. Orduan bururatu zitzaion ni berarekin sar nintekeela bonbillen salmentan, etorkizun segurtatua izanen nukeela. Koro Navarro   «Ekonomiaren globalizazioa» - Jacques Adda - 157. orr.

Urketa eta Milafrangako herriek obrak abiatuak dituzte [...] beren posta bulegoak leku berri eta segurtatuetan emaiteko. Herria   2003-03-20

"Hastamuska soilik" ibiltzetik "zientziaren ibilera segurura" doan igarobide gisa ulertzen du, aurretik marraztutako egitasmoaren eta metodo segurtatuaren araberako igarobide gisa. Ibon Uribarri   «Arrazoimen hutsaren kritika» - Immanuel Kant - 10. orr.

 



Nodoa: liferay1.lgp.ehu.eus