Bilaketa aurreratua

Ogi apurrak

Egungo Euskararen Hiztegia (EEH)

Hasiera:

sentsibilitate 1 iz sentiberatasuna, sentikortasuna.

Esneak amatasuna, erroak, sentsibilitatea dakarzkigu gogora. Patxi Zubizarreta   «Pospolo kaxa bat bezala» - 110. orr.

Ustez sentsibilitatea dutenek gai handietara jotzen dute beren burua edertu nahi dutenean. Bernardo Atxaga   «Soinujolearen semea» - 33. orr.

Edozeinek pentsatuko du, sentsibilitate pixka bat izanez gero, basakeria hutsa izan zela. Karlos Zabala   «Buda zoriontsuen etxea» - João Ubaldo Ribeiro - 87. orr.

Hik gauza horiek ulertzeko sentsibilitatea bahuen. Mikel Hernandez Abaitua   «Ohe bat ozeanoaren erdian» - 77. orr.

Jakitateak ez duen sentsibilitatea badu bihotzak eta konprenitzen du doinu horrek zer erran nahi duen. zakar erasan baitio kalimotxoaren eta kalitxikiaren azpikulturak geure gazteen sentsibilitateari. Michel Oronoz   «Oilandoiko ermita» - 149. orr.

Haiek han etzanda, bakarrik, noragabe dauden bezala nago ni, heroinaz izan ezik osterantzeko gauza guztiekiko sentsibilitatea galdurik. Pako Aristi   «Urregilearen orduak» - 235. orr.

Mundu mailako ingurumen eta gizarte arazoak konpontzeko beste sentsibilitate batzuk eta funtzionatzeko beste modu batzuk behar direla iritzita, [...]. Itziar Eizagirre / Amaia Lizarralde   «Garapen iraunkorra» - 89. orr.

Sentsibilitatez egindako itzulpena inondik ere. Iñigo Aranbarri   «Hitzak eta giltzak» - 16. orr.

2 (izenondoekin)

Sentsibilitate politiko desberdinak zaudek, zaharrak eta gazteak zaudek, unibertsitatean ikasitakoak, hiri eta baserriko girokoak... J. Garzia / A. Egaña / J. Sarasua   «Bat-bateko bertsolaritza» - 146. orr.

Aukera horrek, noski, sentsibilitate erromantikoa adierazten zuen. Zibilizazioaren lehen ondorioa sentsibilitate nerbiosoaren garapena da, eta sentsibilitate horren harrotze edo bizkorketa gure gaitz nahiz plazerren jatorrian dago. ez dakit urteen berezko uzkurtze baten poderioz ala irakurketaren sentsibilitate erne berriaz, artaldean ez nintzela gustura sentitzen ohartu nintzen. Bernardo Atxaga   «Lekuak» - 25. orr.

Hurrengo kantua ere sentsibilitate handikoa izan zen; handiegikoa apika. Patxi Zubizarreta   «Pospolo kaxa bat bezala» - 164. orr.

Eta sentsibilitate osagarri bat: lurraldetasuna. J. Garzia / A. Egaña / J. Sarasua   «Bat-bateko bertsolaritza» - 71. orr.

Wagnerren musikan sentsibilitaterik gorena aurkituko duk, Oskar, giza arimak asma ditzakeen sentimendurik garbienak, Jainkoarengana hurbiltzen gaituztena. Alberto Ladron Arana   «Eguzki beltzaren sekretua» - 18. orr.

Saiatuko naiz, nolanahi ere, [...] irakurlearen sentsibilitate kristalezkoa ez mintzen, edo hobe -kristalezkoa den neurrian-, ez pitzatzen edo hausten. Karlos Linazasoro   «Ez balego beste mundurik» - 183. orr.

3 (hitz elkartuetan lehen osagai gisa)

Mina sortzen sentitu zuen puntu haiek denak bat egin zuten berehala, ondoez orokor eta normalago bat sortuz, eta orduan sentsibilitate une berriak piztu zitzaizkion. Pako Aristi   «Urregilearen orduak» - 340. orr.

4 (hitz elkartuetan bigarren osagai gisa)

Euskal Herrian, beste lekuetan bezala, idazleek literatur sentsibilitate ezberdinen arabera dituzte koadrila ezberdinak egiten, modu naturalean gainera. Ana Urkiza   «Zortzi unibertso, zortzi idazle» - 161. orr.

Frantzia-katolikoaren-apezgai-euskaldun-fededun gixakoak ginen, doi doia Ybarnegarayen altxotik harrotzen hasiak, Errepublikaren maitatzen ere, eta kristautasunaren gizarte-sentsibilitateari ohartzen. Piarres Aintziart   «Azken apeza» - 89. orr.

Gure agintarien kultur politika eta sentsibilitatea oso kaskarrak dira, oinarrizkoak. Pako Aristi   «Gelatxo, soinuaren bidaia luzea» - 75. orr.

5 irud/hed

Gai honekiko sentsibilitatea hildakoak daudenean baino ez da agertzen, baina ezin dugu ahaztu istripu larri eta lanak eragindako gaixotasun ugari ere badaudela. Berria - Ekonomia   2004-04-23

Askotariko ikuspuntu eta sentsibilitateak bilduko dituen akordioa lortzea du helburu prozesuak. Berria - Harian   2006-03-18

Harrigarria da nola isurtzen duen liburuak sekulako gizatasuna eta sentsibilitatea. Fernando Rey   «Zorrotz begiratutako trenak» - Bohumil Hrabal - 10. orr.

Ohartua nintzen ene omonier lagunari arriskutsua iduritzen zitzaiola sentsibilitate hori, bereziki marxismoaren analisiek leku handiegia hartzen zutelakotz Mounieren ikuspegian. Piarres Aintziart   «Azken apeza» - 99. orr.

6 zentzumenen bidez sentimenak hautemateko ahalmena.

Erretinaren eta begiko nerbioaren sentsibilitatea, ordea, errotik suntsitu zituen altzairu galdatuaren beroak. Karlos Zabala   «Mikel Strogoff» - Jules Verne - 329. orr.

Gero, musuak sentsibilitatearen punturik finenera iristen dira. Luis Elberdin   «Sexua noiznahi» - 176. orr.

Giza primateok ez daukagu beste ugaztunek usainetarako daukaten sentsibilitatea. Luis Elberdin   «Sexua noiznahi» - 180. orr.

Espresiorik eta sentsibilitaterik gabeko bere begi biribilekin. Mikel Hernandez Abaitua   «Ohe bat ozeanoaren erdian» - 77. orr.

Ezkerrekoa protesia zuen, bizi-zipriztinik gabekoa, Danielak ukatzen zion sentsibilitaterik gabekoa. Jasone Osoro   «Korapiloak» - 98. orr.

Bartzelonako Udalak zezenek sentsibilitate psikikoa dutela dioen deklarazioa onartu du. Berria - Gaiak   2004-04-07

7 eragineei erantzuteko ahalmena.

Atalas-fenomeno batzuk ere ez ditugu gogoratzeko baizik aipatuko (oso azalera txikiak direnean, esate baterako, argizko orbanaren tamainak ez du eraginik sentsibilitatean. Josu Zabaleta   «Irudia» - Jacques Aumont - 26. orr.

Efektua handik egun gutxira ikusi zen: xaflaren sentsibilitatea desagertua zen, literalki. Juan Garzia   «Sistema periodikoa» - Primo Levi - 276. orr.

 



Nodoa: liferay1.lgp.ehu.eus