Egungo Euskararen Hiztegia (EEH)

tabako 1 iz tomatearen familiako landare luzea, jatorriz Ameriketakoa, hosto luze nikotinadunak dituena (Nicotina tabacum).

Tabako landareetatik giza proteina bat lortu du NUPeko talde batek. Tabako-belarra erretzeko paperean biltzen ari zen. Berria - Gaiak 2006-03-21

Tabako-belarrezo zigarrotxo bat biltzen ari da. Koldo Biguri «On Camillo» - Giovanni Guareschi, 2001 - 37. orr.

Ez zelako garaiz heldu tabako-hostoen harrak astintzera. Anton Garikano «Maitea» - Toni Morrison, 2004 - 48. orr.

ik tabakorri.

Histua deplauki emaiten du, bularrak, selauruko tabako hostoak iduri, xukatuak balitu bezala. Piarres Aintziart «Santiago oinez», 2000 - 40. orr.

Tabako ihartuaren hostoa. Berria - Kultura 2006-02-12

Gero, lehen tabako-soroak. Joxe Austin Arrieta «Homo Faber» - Max Frisch, 2001 - 77. orr.

Leku ezkutu eta eguzkitsu hartan tabako-sail egiazko bat landatu zuen; hosto lehorrak Arkale tabernariari saltzen zizkion gero. Koro Navarro «Zalakain abenturazalea» - Pio Baroja, 2006 - 35. orr.

Inguruan tabako-sailak, erretenez bereziak, giza lan txukun eta zuzenak, baina gizakirik inon ez. Joxe Austin Arrieta «Homo Faber» - Max Frisch, 2001 - 77. orr.

2 tabako hostoak lehortuz eta prestatuz, erretzeko, masketatzeko edo sudurretik hartzeko egiten den produktua.

Tabakoak bularraldean ezartzen duen hersturatik laxoago zeuden ene birikak. Aingeru Epaltza «Rock'n'roll», 2000 - 231. orr.

Ezpain-arte mehea eta tabakoak herdoildutako hortzak. Anjel Lertxundi «Zorion perfektua», 2002 - 16. orr.

Tabakoak kraskatutako ahots bat entzun nuen nire gibelean. Anjel Lertxundi «Ihes betea», 2006 - 226. orr.

Ondo asko zekiela zer den kea, bolborarena ez bada, bai behintzat tabakoarena. Jose Morales «Arima hilak» - Nikolai Gogol, 1998 - 98. orr.

Nire iritziz, pipa erretzea tabakoa sudurretik hartzea baino askoz ere osasungarriagoa da. Jose Morales «Arima hilak» - Nikolai Gogol, 1998 - 55. orr.

"Zer tabako erretzen duzu?", galdetu zion Martinek Cesarri lurrean zegoen zigarroari begira. Bernardo Atxaga «Soinujolearen semea», 2003 - 141. orr.

Pakete bat tabako erostea dela edo kanpoan ikasten ari den lagunari gutuna idaztea dela. Aingeru Epaltza «Rock'n'roll», 2000 - 189. orr.

Zigarro puru onaren oinarrizko baldintza -hala zioen berak- tabako ona baita. Joxe Austin Arrieta «Homo Faber» - Max Frisch, 2001 - 18. orr.

Tabakoa atera eta, eskaini gabe, zigarro bat piztu zuen. Aingeru Epaltza «Rock'n'roll», 2000 - 357. orr.

Sukaldera sartu ginen, eta ni, usadioan bezala, poltsikoak husten hasi nintzen mahaira: tabakoa, kartera, giltzak [...]. Aingeru Epaltza «Rock'n'roll», 2000 - 340. orr.

Haien komertzioan badira oihalak, tabakoa, bihia, armak. Elena Touyarou «Hautsi da katea» - Toti Mtz. de Lecea, 2004 - 93. orr.

-Tabakoa behar nikek oraintxe... Koldo Izagirre «Nik ere Germinal! egin gura nuen aldarri», 1998 - 46. orr.

-Tabakorik ez diat, baina sua bai. Aingeru Epaltza «Rock'n'roll», 2000 - 21. orr.

Lasterka joan ziren eskolara, berandu, mahaian tabakorako eta metrorako dirua utzita niri. Fernando Rey «Paradisuko Almanaka» - Gianni Celati, 2005 - 96. orr.

Tabakoaren Aurkako Espainiako Legeak aztoratuta dauka Bizkaian ostalaritza mundua. Berria - Euskal Herria 2006-01-04

3 (izenondo eta izenlagunekin)

Tabako xeherako erabiltzen zuen narruzko toxa zabal-zabalean zeukan mahai gainean. Josu Landa «Odolbildua», 2002 - 55. orr.

"Tabako xehetua", esan zuen orduan hark, "bost penike ontzako". Anton Garikano «Farorantz» - Virginia Woolf, 2001 - 158. orr.

Josebak, orain, tabako beltza erretzen du, ez garai bateko belar usaintsu hura. Bernardo Atxaga «Soinujolearen semea», 2003 - 380. orr.

Tabako gorri amerikarra. Aingeru Epaltza «Rock'n'roll», 2000 - 157. orr.

Tabako gorriaren usain arina: enplegatuek erretzen dute. Monika Etxebarria «Goragalea» - Jean Paul Sartre, 2003 - 100. orr.

Charly ene ondoan zegoen, bere ezker eskuko ahurraren gainean hosto pikatu idorrak tabako gorriarekin nahasten ari. Aingeru Epaltza «Rock'n'roll», 2000 - 22. orr.

Erretzeari ere ekin zion berriz, usain jasangaitzeko tabako mentolatua. Aingeru Epaltza «Rock'n'roll», 2000 - 193. orr.

Eguraldi bustiaren eta tabako merkearen urrinak nahasten ziren Papuneko taberna zokoan. Itxaro Borda «Zeruetako erresuma», 2005 - 166. orr.

Hi hantxe hago, heure gelan eserita, uxuala edaten, uxuala suelto, eta tabako gozoa erretzen. Xabier Olarra «Azken hitzordua» - Sandor Marai, 2003 - 108. orr.

Puruari kosk txikia egiten zion ipurdian, tabako malgu eta freskoaren zirkulu bat erauziz. Jon Alonso «Erretzaileen eremua», 2006 - 57. orr.

Tabako ingelesaren usain lodia aditzen diat. Xabier Olarra «Azken hitzordua» - Sandor Marai, 2003 - 127. orr.

Tabako turkiarraren usain gozo-mikatza. Anjel Lertxundi «Azkenaz beste», 2005 - 19. orr.

Estankoan erositako tabako espainola, kontrabandoan lortutako holandarra piparakoa. Josu Landa «Odolbildua», 2002 - 55. orr.

Isilik gelditu da, pipako tabakoa txotx bategaz harrotzen. Koldo Izagirre «Nik ere Germinal! egin gura nuen aldarri», 1998 - 188. orr.

Mastekatzeko tabakoa bezala, minutu bakoitza ahoan batera eta bestera erabiltzen zuten. Harkaitz Cano «Pasaia blues», 1999 - 18. orr.

4 (hitz elkartuetan lehen osagai gisa)

Puruak etxetik gertuko tabako-dendan erosten zituen. Jon Alonso «Erretzaileen eremua», 2006 - 55. orr.

Sorbonako tabako-kafetegian izan zen, taberna hartan elkartu ohi ginen eta. «Loroaren teorema» - Denis Guedj, 2006 - 153. orr.

Tabako makinara hurbildu naiz denbora egitearren: Camel pakete bat. Sonia Gonzalez «Ugerra eta kedarra», 2003 - 24. orr.

Besteak zorroen barrenean tabako-kartoiak ostendu eta portu ondoko estankoan sartu dira. Urtzi Urrutikoeetxea «Auzoak», 2005 - 32. orr.

Plastikozko poltsa bat hartu eta Dunhill tabako pakete bat atera zuen handik. Bernardo Atxaga «Soinujolearen semea», 2003 - 152. orr.

Aitak tabako-poltsa atera, eta zigarro bat bildu zuen. Juan Kruz Igerabide «Nire aitaren fusila» - Hiner Saleem, 2004 - 69. orr.

Mahai gainean pipa luze bat eta tabako zorro bat zeuden. Koro Navarro «Zortzi kontakizun» - Isaac B. Singer, 2002 - 147. orr.

Tabako-zorrotxo bat ere bazegoen pipen artean. Jose Morales «Arima hilak» - Nikolai Gogol, 1998 - 115. orr.

Tabako-errautsa ageri zen zamauan barreiaturik ik beherago 8. Jose Morales «Arima hilak» - Nikolai Gogol, 1998 - 127. orr.

Lupe Velezen buzoian tabako koloreko gutunazal bat dago erdi aterata eta hartzekotan egon naiz. Harkaitz Cano «Piano gainean gosaltzen», 2000 - 64. orr.

ik beherago 10. Askoren artean «Asisko Frantzizko, Asisko Klara», 2002 - 574. orr.

Arropak tabako usaina hartuko lukeela. Bernardo Atxaga «Soinujolearen semea», 2003 - 170. orr.

Tabako zaporea mingainetan. Sonia Gonzalez «Ugerra eta kedarra», 2003 - 188. orr.

Doi-doi hartu nuen eskuetan tabako kiratsa zerion jaka pisu hura. Harkaitz Cano «Neguko zirkua», 2005 - 24. orr.

Aurreneko tabako-bafadarekin batera gogoratu naiz. Iban Zaldua «Etorkizuna», 2005 - 17. orr.

Lupe Velezen buzoian tabako koloreko gutunazal bat dago erdi aterata. Harkaitz Cano «Piano gainean gosaltzen», 2000 - 64. orr.

Kanpo aldean berezko tabako-geruza duten eta ez duten puruen arteko desberdintasuna. Jon Alonso «Erretzaileen eremua», 2006 - 55. orr.

Tabako erretzaileek ahoko minbizia izateko bost aldiz arrisku handiagoa dutela. Berria - Gaiak 2004-02-01

Puru hauek [...] faltsuak dira, esan zion tabako saltzaileak, egin zion hurrengo bisitan. Jon Alonso «Erretzaileen eremua», 2006 - 60. orr.

Orain ez da esklabo eta tabako trafikatzailerik baizik. Elena Touyarou «Hautsi da katea» - Toti Mtz. de Lecea, 2004 - 237. orr.

Tabako eta alkohol tasetan iruzurra 4.600 milioi eurokoa izan zen 1996an Tabako enpresa guztiek baldintza beretan lehiatzeko eskatzen dute. Berria - Ekonomia 2004-11-17

Altadis tabako konpainiak gaurtik aurrera zigarro marka gehienen prezioa 15 zentimo garestituko duela jakinarazi du. Berria - Ekonomia 2004-05-16

Donostiako Tabako Fabrikan izaniko ekitaldira agertu zirenen zerrenda. Iñigo Aranbarri «Hizlandia», 2006 - 129. orr.

5 (hitz elkartuetan bigarren osagai gisa)

Bere zigarroaren belarrak ezti usaina botatzen zuen, pipa-tabakoa bailitzan. Bernardo Atxaga «Soinujolearen semea», 2003 - 288. orr.

6 tabako bulego ipar tabako denda.

Hala nola, Baiona barneko tabako bulego guziak hetsirik egon diren, gutiz gehienek grebaren arrazoinen ageria gainean paraturik. Herria 2003-10-23

Xartelak salgai Urruñako turismo-bulegoan, Dongaitz trinketean, Garmendia tabako bulegoan [...] eta Baionako Elkar Mega Dendan. Herria 2005-12-01

Saltegietan, farmazietan, tabako bulegoetan eta medikuen kabineteetan ere gertatzen dira lapurretak, gauez. Berria - Harian 2005-07-21

· Azkarki segitua izan da tabako bulego zainen greba joan den astelehenean Ipar Euskal Herrian. Herria 2003-10-23

7 tabako denda tabakoa saltzen den denda.

Gaueko hamaikak ziren eta, etxetik hurbil, bi kale harantzago, goiztiri arte zabalik egoten zen tabako denda bat. Gotzon Garate «New Yorkeko kronika beltza», 2004 - 39. orr.

High Streeteko tabako dendaren gainean zegoen kafetegia. Koro Navarro «Artistakume baten erretratua» - Dylan Thomas, 1999 - 178. orr.

Ardandegiari tabako denda gehitzea lortu zuen azkenean. Karlos Zabala «Parisen sabela» - Emile Zola, 2004 - 413. orr.

Gergorioren keinuak jakinaren gainean jarri ditu tabako-dendako bezeroak. Berria - Kultura 2004-08-18

Zubipetik egun argira atera zen eta eguna hasteko, lehenbiziko gauza egin zuen tabako denda batera sartu tabakoa erostera. Matías Mujika «Edale santuaren kondaira» - Joseph Roth, 2001 - 47. orr.

Puruak etxetik gertuko tabako-dendan erosten zituen. Jon Alonso «Erretzaileen eremua», 2006 - 55. orr.

Sartu-irten bat egin nahi nuke, tabako-dendan zigarro bat erosteko. Koldo Biguri «On Camillo» - Giovanni Guareschi, 2001 - 117. orr.

8 tabako errauts ipar tabako hautsa.

Aguardient pitxer bat eta tabako errauts paket bat eman zizkioten. Elena Touyarou «Hautsi da katea» - Toti Mtz. de Lecea, 2004 - 297. orr.

9 tabako hauts

Tabakoak emaiten zidak niri hatsa... -eta atergabe eta geldigabe erretzen zuen, tximinia bat iduri, edo tabako-hautsa sudurreratzen zuen, bertzerik ezean. Joan Mari Irigoien «Lur bat haratago», 2000 - 20. orr.

Noizean behin tabako-hauts mordoxka itzelak sartzen zituela batean sudur-zulo batetik eta bestean bestetik. Irene Aldasoro «Dublindarrak» - James Joyce, 1999 - 19. orr.

Nik husten nion beti paketea tabako-ontzi beltzera, beraren eskuek dardara handiegia baitzuten eginkizun hori tabako-hautsaren erdia lurrera isuri gabe egiteko. Irene Aldasoro «Dublindarrak» - James Joyce, 1999 - 18. orr.

Hartu zuen liburu baten gainetik doktorearen tabako hautsetarako kutxatila, eta bere jabearen burura jaurti zuen zabal-zabalik. Josu Zabaleta «Fantasiazko ipuinak» - Guy de Maupassant, 2000 - 68. orr.

10 tabako-kolore izond tabakoaren kolorea duena.

-Ikaragarria da... -esan zion diademadun emakumeak mahaiburuko gizon aurpegi luze tabako-kolorekoari-. Lopez de Arana «Manhattan Transfer» - John Dos Passos, 1999 - 56. orr.

Zilarrezko belarridun oinetakoak erabiltzen zituen, galtza bularrekodunak, lebita tabako-kolorea, Espainiako modura. Josu Zabaleta «Fantasiazko ipuinak» - Guy de Maupassant, 2000 - 131. orr.

11 tabako ontzi (orobat tabakontzi) tabako hautsa gordetzeko ontzia.

12 zigarretak edo zigarroak gordetzeko ontzia.

Afifi andereak tabakontzi batetik bi zigarro atera zituen eta biak atseginez hasi ziren erretzen. Patxi Zubizarreta «Mirarien kalezuloa» - Nagib Mahfuz, 2006 - 157. orr.

Behin ere baino xaloago, zigarro bat eskaini zidan, zilar nikelatuzko tabakontzi trinko batetik. Matías Múgica «Hiltzaile baten aitormena» - Joseph Roth, 2004 - 171. orr.

13 tabako orri ik tabakorri.

14 tabako pakete (orobat tabakopakete g.er.)

Gero, plastikozko poltsa bat hartu eta Dunhill tabako pakete bat atera zuen handik. Bernardo Atxaga «Soinujolearen semea», 2003 - 152. orr.

Eskuetan zeraman tabako paketeari azazkalekin estalkia kendurik, zigarro bat eskaini zidan berea hartu baino lehen. Joxean Agirre «Romain zen bere izena», 2003 - 178. orr.

Segidan tabako paketea atera, zigarro bat piztu eta atxiki luzea emanda pasatu egin zidan. Urtzi Urrutikoeetxea «Auzoak», 2005 - 136. orr.

Han sartu zen Mikel tabako pakete bat erostera. Eider Rodriguez «Eta handik gutxira gaur», 2004 - 45. orr.

Ikasketa-buruak, mahai gainetik tabako-pakete bat harturik, zigarro bana eskaintzen die ertzainei. Anjel Lertxundi «Zorion perfektua», 2002 - 116. orr.

Bazkariaren hondarretan daude, eta Martak tabako paketea -gorria- ateratzen du poltsatik txiskeroarekin batera. Xabier Mendiguren Elizegi «16 ipuin amodiozko», 2002 - 176. orr.

Zerbait gorri bereiziko du orri zabaleko belar batzuen artean, tabako pakete baten azala. Bernardo Atxaga «Groenlandiako lezioa», 1998 - 48. orr.

Kosto harria, tabako pakete baten zelofanean. Sonia Gonzalez «Ugerra eta kedarra», 2003 - 107. orr.

Tabako pakete baten tamainako biblia txiki bat. Harkaitz Cano «Neguko zirkua», 2005 - 137. orr.

23.322.942 tabako pakete saldu dira urtarrilean Hego Euskal Herrian, iazko urtarrilean baino 817.372 pakete gutxiago. Berria - Euskal Herria 2006-03-01

15 tabako toxa

Zilarrezko tabako-toxa erosi zuen kontsulak, eta, hura itsasontziko kutxan gordeta, abiatu ziren Buenos Airesera. Felipe Juaristi «Itzarri nahi ez zuen printzesa», 2002 - 52. orr.

Hezetasuna alde guztietatik sartzen duk: ohe-jantziei, barne-janzkiei, liburuei, tabako-toxari, ogiari, den-denari sartzen zaiok. Xabier Olarra «Azken hitzordua» - Sandor Marai, 2003 - 107. orr.

Paul D-k bere txalekoa arakatuta atera tabako-toxa txiki bat, eta Sethek alaba aldameneko gelara zeraman bitartean, bera toxaren barrukoan eta sokaren txibistan murgildu zen. Anton Garikano «Maitea» - Toni Morrison, 2004 - 36. orr.

hitz multzoen maiztasunak (gutxienez 3 aldiz agertzen direnak)

donostiako tabako fabrika (3); donostiako tabako fabrikan (8); sorbonako tabako kafetegian (3); sorbonako tabako kafetegiko (3)

tabako beltz (4); tabako bila (4); tabako bulego (4); tabako denda (10); tabako denda bat (3); tabako dendako (10); tabako dendan (7); tabako dendara (7)

tabako enpresa (3); tabako fabrika (21); tabako fabrikak (5); tabako fabrikako (18); tabako fabrikan (31); tabako fabrikara (7); tabako fabrikaren (19); tabako geruza (3); tabako gorri (3)

tabako izpiak (3); tabako kontsumoa (5); tabako landareetatik (3); tabako makinak (4); tabako makinara (3); tabako marka (3); tabako merkearen (4)

tabako orria (3); tabako pakete (11); tabako pakete bat (6); tabako pakete baten (3); tabako paketea (13); tabako poltsa (4); tabako produktuak (3); tabako saltzaile (5); tabako saltzailea (3); tabako saltzaileak (7); tabako saltzailearen (6); tabako saltzaileek (5); tabako saltzaleak (3); tabako toxa (3)