Egungo Euskararen Hiztegia (EEH)

tanto (orobat tantu g.er.) 1 iz joko eta kirol batzuetako jokaldia edo puntua; puntu horiek seinalatzen dituen alea edo gauzakia. ik kintze; ttantto.

Partida ederra jokatu eta 35 tanto egin. herria¬

14 tanto baino ezin egin izan nizkion nik berak niri 22 egiteko behar izan zuen tartean. Juan Luis Zabala «Agur, Euzkadi», 2000 - 72. orr.

Hor du mitxa erakutsi lekuindarrak: 7 tanto lerroan eta 12-14, hiru bote kasik segidan sartuz ere eskuineko paretatik. Herria 2003-08-07

Capellanek hormabikoa jaso, dejada txokora, eta tantoa. Patxi Iturritegi «Behi eroak», 2003 - 59. orr.

Parioak Titinen alde, lehen bi tantoak ere bai, 2-0, 6-2, 7-5 eta 8tan ados. Herria 2004-01-01

Hogeitabana berdinduz gero, saioa luzatzeko asmoz, batzuek besteei bi tantoren aldea kendu arte jolasean segiko genuen. Andoni Egaña «Hogeita bina», 2004 - 13. orr.

Gero dute beren lana egin bi irabazleek 10 tantoren abantaila ere atxikiz ondarrean. Herria 2001-01-25

Urruñako bi anaiak ziren junior-gaztetan finalerdietarat helduak eta ez dira lotsatu Miarritze BAC-eko mutikoen aintzinean, bost tantoren abantailarekin. Herria 2005-01-20

Lehen tantoetan tokiz kanpo erabat agertu zen Martinez Irujo kantxan. Berria - Kirola 2004-07-08

Aurtenetxe eta Iparragirre 15 tantotan geratu ziren Laudion. Berria - Kirola 2006-03-01

Tantoetara berdindu ondoren partida gehiago irabazi zituelako egin zuen aurrera azpeitiarren kontra. Berria - Kirola 2004-04-03

Nabarmentzekoa da Peñak sakeari atera zion etekina ere, guztira zortzi tanto egin baitzituen lehen pilotakadarekin. Berria - Kirola 2006-04-18

Irujok hamar tanto saketik. Berria - Harian 2005-06-05

Partida azken tantoan dago. Berria - Euskal Herria 2004-07-03

Garaipenaren tantua egiteko nahikoa da segundo erdi bat. Berria - Gaiak 2004-01-08

Tanto ez hain ikusgarriak, baina tantoak dira azken batean, eta frontoiaren zaleek ondo dakiten moduan, azkenean tanto denek dute balio berdina. Edorta Jimenez «Hemingway eta euskaldunak zerbitzu sekretuetan», 2003 - 211. orr.

Ordurako bazituen tanto batzuk, eta heldua nintzen punttu egokira, non ez diezun pilotariei begiratzen, pilotari baizik. Markos Zapiain «Errua eta maitasuna», 2002 - 177. orr.

Ondotik, ez zuen tanto bakar bat ere egin. Ramuntxo Etxeberri «Skyroom», 2004 - 38. orr.

Gaiztoturiko giroak hondar tantoa kutsatu zuen. Berria - Kirola 2006-01-31

Esaterako, "que" eta enparauek, edo artikuluek, zero balio zuten, eta "y" edo "o" bezalako juntagailurik botatzeak puntuak kentzen zituen; adjektiboek eta "-mente"-n bukatutako adberbioek tanto bakarra ematen zuten. Iban Zaldua «Gezurrak, gezurrak, gezurrak», 2001 - 30. orr.

Sei tanto atzetik bazeuden ere, artekariek 100-60ri kantatzen zuten oraindik txapeldunen alde. Berria - Kirola 2004-07-13

Aukerarik onenaren zain egon tantoa amaitzeko. Berria - Kirola 2004-03-15

1 eta 0 irabazi dute gureek eta horrela 3garren toki hortan bermatzen dira 35 pondurekin eta lehenetik 3 tantotan bakarrik. Herria 2001-02-22

2 (izenondoekin)

Finaletan tanto politek itsusi eta trabatuek bezain beste balio dute. Berria - Kirola 2006-01-15

Tanto ederrik ere utzi zuen, ordea; 11 eta 5ekoa, adibidez. Berria - Kirola 2004-02-01

Tanto eder gehiago ere egin zituzten urdinek, batez ere Xalak. Berria - Kirola 2004-02-29

Bi tanto xoragarrirekin hasi du partida. Herria 2003-12-18

Atzelariak jokatu zituen partidako tanto onenak. Berria - Kirola 2006-01-15

Tanto gogor asko egon ziren. Berria - Kirola 2006-01-31

Tanto piloteatu eta bihurriak Gaubekaren alde jausi ziren. Berria - Kirola 2004-12-19

Aurrelariak egindako hainbat hutsek eta Olaizola II.aren tanto sendoek gorriei eman zieten garaipena. Berria - Kirola 2004-02-15

Tanto luze eta lehiatu batean. Berria - Kirola 2006-01-31

3 (hitz elkartuetan lehen osagai gisa)

Jasotako eta eginiko tanto kopuruak erabaki du Binakako Erremonte Txapelketako B multzoko azken sailkapena. Berria - Kirola 2004-12-08

Biak sailkapeneko lehen tokian dira, tanto andana berarekin. Herria 2004-05-13

Tanto diferentziak emaiten du Baiona lehen tokian. Herria 2004-03-04

Ionek tanto pare bat egin zituen saketik, eta Ezkurrak beste hiru aurrean. Berria - Kirola 2006-01-15

4 irud/hed

Gerrako partidan tantoak falta dira jokatzeko, eta azkenean partida galdutzat eman beharko bada ere, jokatzear diren tantoetan ez dago amore ematerik. Edorta Jimenez «Hemingway eta euskaldunak zerbitzu sekretuetan», 2003 - 74. orr.

Zinemen gerlan lehen tantoa Angeluk. Herria 2003-05-08

5 tanta.

Euriak bi hots desberdin zituela esan ohi zuten, bata tanto guztiek batera egiten zutena eta bestea tanto batzuek banaka egiten zutena. Bernardo Atxaga «Soinujolearen semea», 2003 - 392. orr.

Gogor ari zuen bat-batean, tarteka kolpetxoak emanez sabaiari, tanto batzuk besteak baino mardulagoak bailiran. Bernardo Atxaga «Soinujolearen semea», 2003 - 51. orr.

Itsasoaren ur tanto gaziekin. Xabier Mendiguren Elizegi «16 ipuin amodiozko», 2002 - 48. orr.

Haur txikiak, euren amen bular histuetan esne-tanto bakar bat ere aurkitzen ez zutenak. Jon Alonso «Lisboako Setioaren Historia» - José Saramago, 2000 - 406. orr.

Damian jabetzen zen egunero hartzen zituen morfina tanto haiek, gozatu baino, garraztu egiten zutela Leonen aldartea. Hasier Etxeberria «Mutuaren hitzak», 2005 - 131. orr.

Handik pixka batera erreparatzen diot, ordea, sugearen ausikiari: hiru odol-tanto. Joxe Austin Arrieta «Homo Faber» - Max Frisch, 2001 - 238. orr.

6 beste kolore bateko gune edo zati txikia, orbana.

Arrosa da horma, tantoekin. Bernardo Atxaga «Groenlandiako lezioa», 1998 - 31. orr.

Ilea zuria zeukan, tanto marroiekin, eta izaeraz ausarta zen. Anton Garikano «Bederatzietatik bederatzietara» - Leo Perutz, 2003 - 20. orr.

Zumeta pintorearen lehengusua da, eta azkazaletan darama froga: guzti-guztiak tantoak bezalako biribil koloretsuekin marraztuta dauzka. Pako Aristi «Venezuela, iraultza isilaren hitzak», 2000 - 12. orr.

Danubioko bokaletan, herri eta herrixka tartaroak daude sakabanatuak, eskualde horretako mapa linguistikoko tantoak bailiran. Isabel Arrigain «Hizkuntzalaritza orokorreko ikastaroa» - Ferdinand de Saussure, 1998 - 238. orr.

hitz multzoen maiztasunak (gutxienez 4 aldiz agertzen direnak)

bederatzi tanto egin (5); beste hiru tanto (4); bi tanto egin (4); bost tanto egin (5); hamabost tanto egin (4); hamaika tanto egin (5); hamalau tanto egin (4); hiru tanto egin (4)

lau tanto egin (11); lehen tanto (4); lorturiko tanto (5); partidako tanto (7); sei tanto lortu (4)

tanto andana (4); tanto asko (8); tanto bakar bat (8); tanto bakarra (8); tanto behar zituen (4)

tanto eder (8); tanto ederrak (6); tanto ederrik (4); tanto egin (115); tanto egin behar (4); tanto egin zituen (58); tanto eginda (4); tanto eginez (5); tanto egitea (6); tanto egiteko (5); tanto erdietsi (7); tanto erdietsi zituen (5); tanto ezarri (4); tanto galdu (4); tanto gehiago egin (5); tanto gehien (11); tanto gehienak (6); tanto gutxi (4); tanto guztiak (4); tanto hartu (4)