Egungo Euskararen Hiztegia (EEH)

txukun 1 izond garbia eta apaina, nahaspilarik eta lardaskarik gabekoa. ik gurbil.

Oso gizon txukuna zen, baina azkenera narrastu egin zen. Koldo Izagirre «Elgeta, sasiaren sustraiak», 2001 - 19. orr.

Hildako txukunek argazkietan bezala eskuak kutxa torazikoaren gainean ipinita. Koldo Izagirre «Agirre zaharraren kartzelaldi berriak», 1999 - 173. orr.

Baionako gela apurraren ordez eta ordainez, etxebizitza txukun bat erosteko hautua egin nuen. Txillardegi «Putzu», 1999 - 329. orr.

Kafetegia ez zen handia, baina txukuna eta abegikorra ematen zuen. Migel Angel Mintegi «Denak du bere prezioa», 2002 - 53. orr.

Oso txukuna da ziega, egon naizenetan txukunena. Koldo Izagirre «Nik ere Germinal! egin gura nuen aldarri», 1998 - 115. orr.

Errekisa txukun bat egiteko asmoan hartu genuen zenbait lagunek noizbait Eibarrera, kanoiak behar genituen gure baforeak artilatzeko. Koldo Izagirre «Sua nahi, Mr. Churchil?», 2005 - 55. orr.

Astiro egiten du berba, ingeles txukunean. Jon Arretxe «Ekialdeko mamuak», 2003 - 65. orr.

-Ohitura txukunak eskatzen dizkiet nirekin bizi behar dutenei. Koldo Izagirre «Agirre zaharraren kartzelaldi berriak», 1999 - 166. orr.

1920an, abuztuaren 11tik aurrerako datuak helarazi zituen Igeldora, hilero-hilero, ilara txukunetan, datu plubiometriko eta termometrikoekin batera. Pello Zabala «Zeruan zer berri», 2006 - 48. orr.

Eruditoa, txikia eta txukuna zen idazkera. Koro Navarro «Artistakume baten erretratua» - Dylan Thomas, 1999 - 138. orr.

Pentsatzen jarri eta ezer txukunik bururatu ez. Xabier Mendiguren Elizegi «16 ipuin amodiozko», 2002 - 144. orr.

Lan txukuna, txukuna oso... Xabier Mendiguren Elizegi «Errautsen distira», 2002 - 108. orr.

Nahiko lubrikazio txukuna eskaintzen dute gorputzeko fluidoek. Irene Aldasoro «Giza gorputza lanean» - John Lenihan, 2006 - 44. orr.

Txukuna egongo da bihar Xabi! Xabier Etxabe «Lurtarra da begiratua», 2004 - 213. orr.

Txukuna habil, neska. Anton Garikano «Maitea» - Toni Morrison, 2004 - 117. orr.

2 (izenondo bikoteetan)

Hiritxo txukun kaxkariña. «Eta emakumeari sugeak esan zion», 1999 - 62. orr.

Eliza polit txukuna zuen, monasterioa bezala, eraikin erromanikoa baitzen. Felipe Juaristi «Airezko emakumeak», 2003 - 77. orr.

Londres laster geratu zitzaien oso atzera, eta haren ordez landa berde txukunak ageri ziren. Iñaki Mendiguren «Harry Potter eta sekretuen ganbera» - J.K. Rowling, 2001 - 64. orr.

Asfaltozko errepide txukun-estu batek lotzen ditu baserriak egun. Iban Zaldua «Itzalak», 2004 - 92. orr.

•

Klinika pribatu txiki txukun baten argi garbia. «Eta emakumeari sugeak esan zion», 1999 - 134. orr.

•

Mutiko txukun eta gorrizta omen zen, ahots ezti, aurpegi alai, eta sudurtxo atseginekoa. «Loroaren teorema» - Denis Guedj, 2006 - 294. orr.

Nire arrebaren letra biribil eta txukuna da, ezbairik gabe, bunbuiloen barruan agertzen dena. Iban Zaldua «Itzalak», 2004 - 90. orr.

Hizkuntza txukun eta landua erabiltzeko. Pello Salaburu «Euskararen etxea», 2002 - 106. orr.

Gazte-itxura izan nahiko gizona zen, oso planta dotore eta txukunekoa. Josu Zabaleta «Jakintzaren arbola» - Pio Baroja, 2006 - 150. orr.

Ezohiko itxura txukun eta garbia hartu zuten bi gela haiek. Jose Morales «Arima hilak» - Nikolai Gogol, 1998 - 395. orr.

Predikatu ziezaietela, Kristoren Gorputza leku txukun eta egokian jartzeko. Askoren artean «Asisko Frantzizko, Asisko Klara», 2002 - 619. orr.

Gazte-itxura izan nahiko gizona zen, oso planta dotore eta txukunekoa. Josu Zabaleta «Jakintzaren arbola» - Pio Baroja, 2006 - 150. orr.

3 (adizlagun gisa) ik txukunki.

Ez dut menderatzen txukun hitz egitearen antze zail hori. Jose Morales «Arima hilak» - Nikolai Gogol, 1998 - 59. orr.

Datuak idazten eta txukun txarteletan biltzen. Pello Zabala «Zeruan zer berri», 2006 - 53. orr.

Ohea txukun egina zegoen, eta ez zen arroparik ageri aulki gainetan. Bernardo Atxaga «Soinujolearen semea», 2003 - 183. orr.

Azal dezadan auzia txukun. Bernardo Atxaga «Lekuak», 2005 - 130. orr.

Lana txukun egiteko ez bada, nahiago dut ezer ez ukitu. Xabier Olarra «Iruzurgilea» - James Cain, 2002 - 52. orr.

Barrualdetik, indar handiz eta bi ahotsez txukun emana, karlista boluntarioen artean modan jartzen ari zen kanta berri hau entzun zitekeen: [...]. Txillardegi «Putzu», 1999 - 104. orr.

Jauregi txiki baina txukun batean. Felipe Juaristi «Airezko emakumeak», 2003 - 120. orr.

Ohera ekarri diote zopa, zopa txukun prestatua. Itziar Otegi «Axenario» - Jules Renard, 2006 - 24. orr.

Ernest Weldonen emaztea harat-honat zebilen egongela txukun ordenatuan. Mirentxu Larrañaga «Hona hemen gu biok» - Dorothy Parker, 2006 - 131. orr.

Berrogei bat urtekoa, ile beltz txukun orraztukoa eta begi urdin samurrekoa. Oskar Arana «Brooklyngo erokeriak» - Paul Auster, 2006 - 292. orr.

Iritzi nion gutxi gorabehera zazpiehun edo zortziehun liburu izango zirela hain txukun antolatutako leku hartan. Oskar Arana «Brooklyngo erokeriak» - Paul Auster, 2006 - 68. orr.

Hantxe ageri ohi zitzaion, txukun eta dotore, zuhaiztirik gabeko soropilean zutunik, karratu eta sendo, tinko eta iraunkor. Mirentxu Larrañaga «Hona hemen gu biok» - Dorothy Parker, 2006 - 230. orr.

Oso txukun moztutako bizarrarekin. Bernardo Atxaga «Soinujolearen semea», 2003 - 300. orr.

Oso txukun eta duin ari dira lanean, eta gizarteak zorra dauka irakasle horiekin. Berria - Harian 2005-10-02

Petersburgekoek bezala, oso txukun eta gustu onez orrazturik zeuzkaten belarrondoko bizarrak. Jose Morales «Arima hilak» - Nikolai Gogol, 1998 - 30. orr.

Bigarren eta hirugarren postu asko lortu ditugu, eta nik uste nahiko txukun aritu garela. Berria - Kirola 2004-04-21

Labanderia gertu du eta nahiko txukun dago. Harkaitz Cano «Piano gainean gosaltzen», 2000 - 23. orr.

-Txukunegi zabiltza zu kalekoa izateko. Harkaitz Cano «Belarraren ahoa», 2004 - 85. orr.

4 (adizlagun bikoteetan)

Burutxoan txukun eta apain bildurik zeraman bere adats urrekolorea. Jose Morales «Arima hilak» - Nikolai Gogol, 1998 - 136. orr.

Idazketa amaitu duzunean, egitekoa zure ustez txukun eta eder burutu duzunean, betetasun harrigarri bat sentitzen da barruan. Pako Aristi «Note book», 2005 - 7. orr.

Ez zuen beste ardurarik etxea txukun eta garbi edukitzea baino. Ramon Saizarbitoria «Gorde nazazu lurpean», 2000 - 391. orr.

Haren herrixkako jendea txukun eta dotore janzten zen. Jose Morales «Arima hilak» - Nikolai Gogol, 1998 - 490. orr.

Hartara, enperatrizaren gurdi ederretik ikusita, txukun eta oparo ematen zuten, berez miseriazkoak zirenak. Iñaki Heras «Txanponaren bi aldeak», 2003 - 172. orr.

Motorrak oinarri sendo bat behar du, lana txukun eta astinaldirik gabe egingo badu. Irene Aldasoro «Giza gorputza lanean» - John Lenihan, 2006 - 57. orr.

5 txukun-txukun adlag

Zaldiak txukun-txukun orrazturik zeuden. Jose Morales «Arima hilak» - Nikolai Gogol, 1998 - 92. orr.

Txukun-txukun jantzita ateratzen da arratsaldero paseatzera. Bernardo Atxaga «Groenlandiako lezioa», 1998 - 11. orr.

Pinguino jantzia txukun-txukun eskegia du atzealdeko kakoan. Patxi Iturritegi «Behi eroak», 2003 - 28. orr.

Bi fotoak eta paskin mordoxka hura txukun-txukun bildu, eta gorde egin nituen. Txillardegi «Putzu», 1999 - 71. orr.

Lokala txukun-txukun jarri eta garestiago saltzeko. Anjel Lertxundi «Ihes betea», 2006 - 229. orr.

Arretaz takigrafiatu zituen lezio haiek areto nagusian, eta gero, etxean, txukun-txukun pasatu zituen garbira. Anton Garikano «Bederatzietatik bederatzietara» - Leo Perutz, 2003 - 127. orr.

Tiradera batean gordetzen dut txukun-txukun. Eskarne Mujika «Atzo» - Agota Kristof, 2004 - 59. orr.

6 (izenondo gisa)

Mutilak, txukun-txukuna bera, minutu batzuk lehenago poltsa batean utzitako paper berberak. Itxura txukun-txukunekoa zen. Antton Olano «<//jokoa.com>» - Gemma Lluch, 2002 - 92. orr.

7 txukun-urruti izond

Hori baita egin ere arraza espainolak betidanik egin duena, mairu, judu eta heretiko txukun-urrutiak oro merezi bezala tratatuz. Joxe Azurmendi «Espainiaren arimaz», 2006 - 184. orr.

Ilustrazio salbagarria txukun-txukun eskuinean eta Erromantizismo malapartatua ezkerrean txukun-urruti. Joxe Azurmendi «Euskal Herria krisian», 1999 - 163. orr.

hitz multzoen maiztasunak (gutxienez 3 aldiz agertzen direnak)

bezain txukun (11); bezala txukun (3); bizarra txukun (3); dena txukun dago (3); dena txukun txukun (3); denak txukun (3); ele txukun (3); garbi eta txukun (6); gauzak txukun (6); hizkuntza txukun (3); itxura txukun (3); lan txukun (6); nahiko txukun (29); nahiko txukun ari (3); nahiko txukun aritu (11); oso txukun (47); oso txukun aritu (14)