Bilaketa aurreratua

Ogi apurrak

Egungo Euskararen Hiztegia (EEH)

Hasiera:

onezko 1 izlag onari dagokiona.

Onezko ekintza jatorren bidetik joz gero. Onezko izpiritu izan zein iratxo madarikatu, zeruko haize gozo ekarle zein infernuko zafrada, hire asmoak makur izan zein onbera, hain heldu haiz hi itxura itaungarrian ezen mintzatu behar bainatzaik. Juan Garzia   «Hamlet» - William Shakesperare - 235. orr.

Maite zituen bereak, gizon zintzoa eta onezkoa izan zen, eta Jaunaren bakean hil zen. Josu Zabaleta   «Fantasiazko ipuinak» - Guy de Maupassant - 353. orr.

Arrazoin horien balioa zer den... hori ez da beti onezkoa. Menane Oxandabaratz   «Ez da musik» - 221. orr.

2 (izen baten eskuinean)

Uste onezko otoitza.   - 0. orr.

Eta haren hira ez zen zelo onezkoa eta haren haserrea ez zen amoriozkoa eta onginahizkoa. Joan Mari Irigoien   «Lur bat haratago» - 49. orr.

Gure herriak baketu nahi badira, borondate onezko hitzarmenak ez dira aski; mendeku tentaldietan ez erortzeko beste biderik hartu behar da. Piarres Xarriton   «De re publica edo politikaz» - 8. orr.

Anitak aldiz bere etxeko lanak eginez bere borondate hoberena erakutsi du herrian ditugun obra onezko elkarteetan arduratuz urte sail ederrean. Herria   2005-11-24

Etxe ekoizpenekin egina den bazkari batproposatua izanen da, kalitate onezko ekoizpenekin egina (ahate gibela, ardi, behi eta ahuntz gasna, axoa, oilaskoa saltsan...). Herria   2004-08-12

Zenbait zertzelada haren alde gertatu ziren, baina zorte onezko izpi galdu horiek kontuan hartuta ere, haren sabotajearen ausardian eta eraginkortasunean bazen zerbait ia deabruzkoa. Oskar Arana   «Brooklyngo erokeriak» - Paul Auster - 184. orr.

Eibartar zaharren omore onezko "Zirikadak" eta "Eztenkadak" edo Peru Abarkaren bizia eta obra hastetik ezagutarazi zizkigun. Herria   2005-06-02

3 esker onezko

Berehala heldu zen zubira, eta Senara jauzi egin aurretik esker onezko keinu bat egin zion. Harkaitz Cano   «Neguko zirkua» - 87. orr.

Bihotza esker onezko irri distiratsu batez ari zitzaidan taupaka. Oskar Arana   «Brooklyngo erokeriak» - Paul Auster - 62. orr.

Gure Jaunaren Pasio gurgarria oroitzeak errukizko eta esker onezko sentimendu handiak sortu behar ditu. Joan Mari Lekuona   «Mistika liburuak» - Eckhart-Tauler - 64. orr.

Gero, kopa hartu eta, esker onezko otoitza egin ondoren, eman egin zien eta denek edan zuten. Elizen arteko biblia   1 Ko 11,24

Jainko salbatzaileari esker onezko kanta. Elizen arteko biblia   Sal 138,1 tit

Gure galde-otoitza esker onezko otoitz bilakatzen da. Marzel Etxehandi   «Alemaniara deportatua» - Grégoire Joannateguy - 111. orr.

Jendaki eta adixkide, hoinbeste jende bildu baita esker onezko azken agur baten egiterat, ez da beraz batere harritzeko. Herria   2005-02-24

Herriko etxearen esker onezko hurrupaldia. Herria   2004-06-17

Gizon miresgarri horri, ezagutza eta esker onezko ikustate hau egin diote Frantzian diren 22 eskualde-kapitaletan. Herria   2005-05-12

Beharrak hurbiltzen dituelarik, [gizonak] beren artean, nahitaez, zenbait lotura ezarri beharrean aurkitzen direla: odolezkoak -elkarrengana biltzetik sortuak-, amodiozkoak, adiskidetasunezkoak, esker onezkoak. Juan Martin Elexpuru / Bego Montorio   «Filosofia apaingelan» - Sade - 194. orr.

4 onezkoak egin

Onezkoak egin zituzten hantxe bertan, eta musu eman elkarri. Karlos Zabala   «Parisen sabela» - Emile Zola - 119. orr.

Eman eskua, onezkoak egin ditzagun! Jose Morales   «Zazpi urkatuak» - Leonid Nikolaievitx Andreiev - 141. orr.

Ordubetez geratu zen Farat jauna kalezuloko kafe etxean, nagusiarekin ahalik eta adeitsuen agertzeko, eta harekin onezkoak egiteko. Patxi Zubizarreta   «Mirarien kalezuloa» - Nagib Mahfuz - 197. orr.

Guztiek nahi dute salbatu eta onezkoak egin Jainko gure Jaunarekin, beregandik kenduz hartarako duten eragozpen edo oztopoa beretu duten gauzaren atxikian. Patxi Altuna   «Gogojardunak» - Inazio Loiolakoa - 101. orr.

Tomekin harremanetan nintzen berriro, eta, gainera, jatetxetik ateratzen ari nintzela, Marina Gonzalezek musu bat igorri zidan irribarrez, eta, horregatik guztiagatik, onezkoak egin nahi nituen munduarekin. Oskar Arana   «Brooklyngo erokeriak» - Paul Auster - 62. orr.

· Arratsean itzuliko zara; eta gure onezkoak egite zailerako ez dugu aski denbora izanen biharamuna arte. Jon Muñoz   «Harreman arriskutsuak» - Choderlos de Laclos - 482. orr.

hitz multzoen maiztasunak (gutxienez 3 aldiz agertzen direnak)

borondate onezko (5); esker onezko (88); esker onezko kanta (6); esker onezko kantu (6); esker onezko meza (15); esker onezko oparia (3); esker onezko otoitz (4); esker onezko otoitza (14)

onezkoak egin (10); onezkoak egiteko (4)

 



Nodoa: liferay1.lgp.ehu.eus