Bilaketa aurreratua

Ogi apurrak

Egungo Euskararen Hiztegia (EEH)

Hasiera:

operadore 1 iz telefono-zentral batean, komunikazio ez-automatikoak gauzatzen dituen pertsona. ik operatzaile.

Zenbaitetan deitu nion, baina operadoreak telefonoa deskonektatua zegoela esan zuen. Fernando Rey   «Hobe nuen etxean gelditu» - Horace McCoy - 117. orr.

-Eten al duzu Detroitekin? -esan zuen telefono-operadoreak. Mirentxu Larrañaga   «Hona hemen gu biok» - Dorothy Parker - 225. orr.

'Aurrera...' esan du, telefono operadorearen ahotsez. Joseba Sarrionandia   «Lagun izoztua» - 25. orr.

· Hoteleko operadoreari deitu nion osabak kontseilatutako jatetxean erreserba egin zezan. Bernardo Atxaga   «Soinujolearen semea» - 43. orr.

· Prozesu horretan, sistema kimiko burutsu batek egiten du operadoreak Morse kodearekin egiten duen lana. Irene Aldasoro   «Giza gorputza lanean» - John Lenihan - 225. orr.

2 tresna jakin batzuek maneatu eta erabiltzeko zeregina duen teknikoa.

Barzani jeneralaren operadore pertsonala zen aita. Juan Kruz Igerabide   «Nire aitaren fusila» - Hiner Saleem - 15. orr.

Aparatu irrati-hartzaile bat zen funtsean, maiztasun-alde txiki-txikiak atzematen zituena: eta, baiki, kolpetik sintoniatik irten, eta lastategiko txakurra bezala zaunka hasteko, aski zuen operadorea aulki gainean higitzea, edo esku bat mugitzea. Juan Garzia   «Sistema periodikoa» - Primo Levi - 82. orr.

Ez zen konturatzen bazeudela orduan bera baino operadore askoz hobeto prestatuak Barzani-ren esanetara... Juan Kruz Igerabide   «Nire aitaren fusila» - Hiner Saleem - 59. orr.

3 irud/hed

Mass media hauetako askoren atzean New Cultural Standard horietarantz eta pentsamendua homogenotzerantz jotzen duten kultur operadore indartsuak daude. Itziar Eizagirre / Amaia Lizarralde   «Garapen iraunkorra» - 97. orr.

Joan zen urtarrilean «Espainiarako turismoa sustatzen duten estatuetako tour-operadore, bidaia agentzia eta enbaxada nagusiei» idatzi bana bidali ziela aitortu zuen ETAk. Berria - Euskal Herria   2004-08-10

4 zerbitzu jakin bat sustatze eta kudeatzeaz arduratzen den enpresa.

Iaz Bizkaian garraio publikoan egin ziren 179 milioi bidaietatik 73 milioi Metro Bilbao operadorearen bidez egin ziren. Berria - Euskal Herria   2004-05-21

Bidaiariek txartel bakarra edukiko badute ere, hor bateratuko dira hainbat operadoreren bidaia titulu guztiak. Berria - Euskal Herria   2004-01-02

Parmatour operadore turistikoaren arduradun gisa dirua desbideratu izana leporatzen diote Parmalat auziko ikertzaileek. Berria - Ekonomia   2004-03-09

EEPk lehia handiagoa eragingo dutela bermatu daiteke, exijitutako desinbertsioei esker beste operadore elektriko bat sartu daitekeelako lehian. Berria - Ekonomia   2006-02-04

Hori dela eta, [banku txartelen erabileraz] EBko araudia betetzen ez duten operadoreen aurka neurri zorrotzak hartuko dituela ohartarazi du Batzordeak. Berria - Ekonomia   2004-01-25

5 (hitz elkartuetan)

2005eko maiatzean hasi zen [Naturgas] gasaz gain, elektrizitatea ere eskaintzen, hala, energia operadore integral bilakatuz. Berria - Ekonomia   2006-03-04

Espainiarako turismoa sustatzen duten estatuetako tour-operadore, bidaia agentzia eta enbaxada nagusiei. Berria - Euskal Herria   2004-08-10

Gomendioak: inkesta egileek komunikazio operadoreen eta aire konpainien datu elektronikoak ikusi ahal izanen dituzte. Berria - Euskal Herria   2006-01-25

6 telefonia zerbitzuen sustatze eta kudeatzeaz arduratzen den enpresa. ik operatzaile.

Duela lau urte Vodafonek operadorea erosterakoan diru sariak eman izana leporatu zitzaien baina epaileak ez du akusatuen jarrera «gestio desleialtzat» jo. Berria - Ekonomia   2004-07-23

EBk leku guztietan telefono mugikorren operadoreek tarifa bera izatea nahi du. Berria - Euskal Herria   2006-03-29

Telekomunikazioen euskal operadoreak banda zabaleko produktu «iraultzaile» bat aurkeztu du. Berria - Ekonomia   2004-03-10

Telefonicak ADSL sarearen erabilera bezero partikularrei edo beste operadore batzuei saltzen die. Berria - Euskal Herria   2004-10-14

Hendaian bizi eta automatikoki Espainiako operadore baten sarera egokitu zitzaien telefonoa. Berria - Harian   2005-08-20

Hasiera batean, operadoreek lehen minutua osorik ordainaraztea erabaki zuten, baita minututik pasatuz gero minutu bat eta 30 segundo kontuan hartzea. Berria - Harian   2005-08-20

Operazioak zailtasunak ekarriko dizkie inguruko hirugarren operadore nagusiari, Telecom Italia Mobileri, bi erraldoiren artean prezio eta zerbitzuetan lehiatzeko aukerak murriztuko zaizkio eta. Berria - Ekonomia   2004-03-09

7 (hitz elkartuetan)

«Eskandalagarria» da telefono operadoreen jokabidea, Euskadiko Kontsumitzaileen Elkargoko (EKE) presidente Jon Ariñoren ustez. Berria - Harian   2005-08-20

Telefonia operadoreari tarifa gehigarriko zenbakien deskonexioa eskatu; [...]. Berria - Euskal Herria   2004-07-27

8 matematikan eta kidekoetan operazio bat gauzatzeko adierazlea. ik operatzaile 3.

Arkeologiak diskurtso baten iragazkortasunaren maila eta era aztertzen ditu: [...] halaber definitzen ditu gertaerak enuntziatuetan transkribatzeko operadoreak. Xabier Arregi   «Jakitearen arkeologia» - Michel Foucault - 191. orr.

hitz multzoen maiztasunak (gutxienez 3 aldiz agertzen direnak)

jeneralaren operadore pertsonala (7)

telefono operadoreak (3)

 



Nodoa: liferay1.lgp.ehu.eus