Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ingude 1 iz burdina altzairatuzko masa, oinarri baten gainean finkatzen dena eta burdina eta metalak lantzeko erabiltzen dena.

Goritutako burdina sutegitik atera, ingudean jarri, mailuaz jo eta burdinatik aroztegi oso-osoa betetzeko adina txinparta atera ziren. Fernando Rey   «Ararat mendiaren sumina» - Yasar Kemal - 66. orr.

Berdin ingude ondoan eserita dagoen errementaria, bere arreta burdingintzan jarria duelarik. Elizen arteko biblia   Si 38,28

Tona banako muturrekoak izaten ziren haiek, ingudean jotako mailukadak bailiran astiro eta gupidagabe emanak. Koldo Biguri   «On Camillo» - Giovanni Guareschi - 264. orr.

Bihotzak bularra inarrosten zidan, nola mailuak ingudea. Joan Mari Irigoien   «Lur bat haratago» - 74. orr.

Ingudean mailuak eguna du hasi. Berria - Kultura   2006-04-04

· Hiru lehiakide aritu ziren 18 kiloko ingudearekin Iaz Mugartegik jantzi zuen txapela, eta baita atzo ere. Berria - Kirola   2004-08-01

ik beherago 5. 33865

2 (hitz elkartuetan)

Artisauak zilarginari ematen dio adore, mailukari leuntzaileak ingude-jotzaileari, esanez: "Ederra soldaketa!" Elizen arteko biblia   Is 41,7

3 irud

Arimaren ingudean nire arrazarentzat kontzientzia berria forjatzea. Joseba Zulaika   «ETAren hautsa» - 124. orr.

Hortxe dauzkak hire grafologo sena lantzeko ingudea eta mailua. Edorta Jimenez   «Kilkerren hotsak» - 218. orr.

Bere aurretik ihesi zihoazen guztiak mailuaren eta ingudearen artean harrapatuta gelditzen ziren. Agustin Otsoa   «Eraztunen Jauna III» - J.R.R. Tolkien - 149. orr.

Mailuaren eta ingudearen arteko burdina goria gara, kolpea kolpearen ondoren jasatearen poderioz amatatu egiten dena. Jon Alonso   «Lisboako Setioaren Historia» - José Saramago - 35. orr.

4 belarriko hiru hezur txikietako bat.

Hiru hezur txikiz osaturiko kate baten bidez konektaturik daude tinpanoa eta leiho obala; mailua, ingudea eta estribua deritze hezurtxo horiei (duten formagatik). Irene Aldasoro   «Giza gorputza lanean» - John Lenihan - 112. orr.

5 ingude altxatze ingudea altxatzean datzan euskal kirola.

Lokotx-biltzea, ingude-altxatzea eta lasto-altxatzea izango dira txapelketako lehen hiru kirolak. Berria - Kirola   2004-08-21

Txinga txapelketa, ingude altxatze txapelketa eta kadete mailako arpana txapelketa ere jokatuko dira. Berria - Kirola   2004-07-10

Ingude-altxatzea izan zen hirugarren proba. Bizkaitarrak bi kiroletan gailendu ziren: sokatiran eta lokotx-biltzen; ingude-altxatzen eta lasto-altxatzen bigarren sailkatu ziren. Herria  

Ingude-altxatzen, lau kirolari ariko dira lehian 18 kiloko ingudearekin. Berria - Kirola   2004-07-31

Ingude-altxatzen, berriz, Alain Bidart Gabadikoak 83 jasoaldi egin zituen. Berria - Kirola   2004-07-27

Atzo izan zen ingude-altxatzean Nafarroako txapelketa. Berria - Kirola   2004-07-13

· Izanen diren jokoak: harri altxatzea, ingudea, lasto altxatzea, dantza, toka, xiba, zerra, soka tira, jende zama, arto biltzea, esne untziak, zaku eremaitea. Herria   2005-04-21

 



Nodoa: liferay1.lgp.ehu.eus