Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ordenazio 1 iz ordenatzea, ordena ezartzea.

Proportzioaren erabilera zuzena, Vitruvioren ustez, ordinatio, ordenazioa, deitzen den ezaugarri jadanik arkitektonikoan ulertu behar da. Santiago Iruretagoiena   «Arkitekturaz hamar liburuak» - Vitruvio - 220. orr.

Ohikoa denez kontsideratzen da diskurtsoak eta euren ordenazio sistematikoa, askotan bihurria den elaborazio baten azken egoera besterik ez direla. Xabier Arregi   «Jakitearen arkeologia» - Michel Foucault - 88. orr.

Musikaren partzial harmonikoen ordenazio naturala alderantzikatu du konpositoreak obran. Berria - Kultura   2004-10-05

Ordenazio Akademikorako errektoreordea zen orduan 1991-1996. urteak bitartean EHUren errektorea izango zen. Berria - Harian   2005-02-25

2 (hitz elkartuetan)

Autoreak erraz lortu ahal izango zuen gauza bera bere "liburuak" beste modu batera egituratuz, liburu barruko zatiketak ez baitira bestelako ordenazio-aukerarik ez onartzeko bezain zurrunak eta finkoak. Santiago Iruretagoiena   «Arkitekturaz hamar liburuak» - Vitruvio - 170. orr.

Gero, mendeetan barrena, ordenazio kontuok beste tenpora-batzuetara ere zabalduko dira. Pello Zabala   «Naturaren mintzoa» - 90. orr.

3 (orobat ordinazio g.er.) erlijio ordena ematea.

San Leon Aita Santuak ahaleginak egin zituen Italia aldeko gotzainen aurrean eta beste nazioetako gotzainekiko, ahaleginak eta bost bai, egun santu hauek, ordenazioak barne, zabaltzen eta osparazten. Pello Zabala   «Naturaren mintzoa» - 90. orr.

Jaunak hain fede handia eman zidan eta ematen dit Eliza santu erromatarraren moldearen arabera bizi diren apaizekiko, beraien ordenazioa dela-eta, ze, pertsegituko banindute ere, beraiengana jo nahi baitut. Askoren artean   «Asisko Frantzizko, Asisko Klara» - 164. orr.

Zortzi diosesetakoak ziren apez berri horiek eta Crescensio Sepe Erromako Ebanjelio lanaren kongregazioko apezpiku arduradunak egin du ordenazio hori. Herria   2005-12-01

Apez egin nintzen egun hartako ordenazioa nahi nuen finkatu. Piarres Aintziart   «Azken apeza» - 35. orr.

Hona ordinazioen kopurua hamarkadaz hamarkada: 1860ko hamarkadan, 79 apez berri Euskal herrian (4 BAB-koak), 1870koan 84 (3 BAB). Xipri Arbelbide   «Janpierre Arbelbide» - 85. orr.

 



Nodoa: liferay1.lgp.ehu.eus