Bilaketa aurreratua

Ogi apurrak

Egungo Euskararen Hiztegia (EEH)

Hasiera:

organismo 1 iz izaki bizia, animalietariko nahiz landareetarikoa, banakakotzat hartua; hori osatzen duten organoen multzoa.

Organismo bat zegoen lekuan, elkarrekiko lotura guztiak eten diren organo multzo bat baizik ez da geratu. Josu Zabaleta   «Gerrako pilotu» - Antoine Saint-Exupéry - 78. orr.

Entitate konplexuak (proteinak, zelulak, organismoak, ekosistemak) zati osagarrien ezaugarrien arabera azal daitezkeela. Askoren artean   «Filosofiako gida» - 284. orr.

Organikotasunaren metaforak [...] organismoen artean gailurrean dagoen organismoa gogoratzen du: giza gorputza, azken finean, non parteek ez baitute zentzurik osotasunaren arabera ez bada. Josu Zabaleta   «Irudia» - Jacques Aumont - 91. orr.

Azken batean, organismoak beren artean oso desberdinak izan arren, haien enbrioi-garapena gobernatzen duten geneak kideko dira guztiak. Juan Garzia   «Sagua, eulia, eta gizakia» - François Jacob - 12. orr.

Posible zela organismo baten ADN zatikiak moztu eta zati horiek beste zatiki batzuekin batzeko. Pello Salaburu   «XX. mendearen argi-itzalak» - 77. orr.

Organismoak -kasurako, intsektuak- segmentu errepikatuen taxuan garatzen dira, itxura denez; hots, zelula anitzeko moduluz. Juan Garzia   «Sagua, eulia, eta gizakia» - François Jacob - 110. orr.

Zer dela eta ukatu behar da c-propietaterik ez duten organismoek min sentitzen dutela? Askoren artean   «Filosofiako gida» - 191. orr.

Oxigenorik eza ez baitu sentitzen organismoak. Josu Zabaleta   «Gerrako pilotu» - Antoine Saint-Exupéry - 43. orr.

Analisi genetikoa zeinahi organismotara heda daiteke, gizakia barne. Juan Garzia   «Sagua, eulia, eta gizakia» - François Jacob - 56. orr.

Enbrioiaren garapenaren eta organismoaren funtzio nagusien oinarri genetikoak aztertzeko. Juan Garzia   «Sagua, eulia, eta gizakia» - François Jacob - 14. orr.

Organismo bat bizirik egotea, hain zuzen, zera da: hurrengo unean oraindik ere bizitzen jarraitzea, lipar batez baino ez bada. Juan Garzia   «Sagua, eulia, eta gizakia» - François Jacob - 19. orr.

Batak banako "atomikoen" metaketa huts gisa irudikatzen du gizartea, eta besteak gizartea organismo bezala hartzen du eta gizabanakoak beraren parte, pentsaezinak beren gizarteko kide edo "zelula" bezala izan ezik. Iñaki Mendiguren   «Historiaren azterketa II» - A.J. Toynbee - 428. orr.

Genetikoki eraldatutako organismorik ez onartzea. Berria - Ekonomia   2006-01-19

Lulu ahultasun larrizko egoera batean geratu zen; haren organismoak ez zuen erantzuten behar besteko indarrez. Josu Zabaleta   «Jakintzaren arbola» - Pio Baroja - 307. orr.

Gizaseme galdutzat zeukan Harry, gizasemetzat ere har ezin zitekeen organismo baten subespezie gisako bat. Oskar Arana   «Brooklyngo erokeriak» - Paul Auster - 59. orr.

2 (izenondoekin)

Biologia ere saiatzen da bere objektuen, organismo bizien, irudikapen bat eraikitzen. Juan Garzia   «Sagua, eulia, eta gizakia» - François Jacob - 102. orr.

Hautespen naturala organismo indibidualek populazio-mailan duten konpetentziaren ondorioa da. Askoren artean   «Filosofiako gida» - 289. orr.

Zitoplasmako antenak luzatuta, organismo sarkina inguratu, irentsi eta desegin egiten dute. Irene Aldasoro   «Giza gorputza lanean» - John Lenihan - 160. orr.

Libchaberren taldeak ahalik eta bizidun organismo sintetiko txikiena sortu nahi du. Berria - Gaiak   2004-12-21

Organismo konplexuei -sexu bidezko ugalketaz baliatzen direnei- dagokienez, [...]. Juan Garzia   «Sagua, eulia, eta gizakia» - François Jacob - 30. orr.

Arabidopsis thaliana izenekoa da belar hau, oso organismo sinplekoa, 5 kromosoma pare baizik ez baitu. Pello Salaburu   «XX. mendearen argi-itzalak» - 94. orr.

Ugaltze-aparatua, gaur egun organismorik sinpleenean, bakteriorik xumeenean ageri den moduan, konplexutasun ikaragarrizko mekanismoa da. Juan Garzia   «Sagua, eulia, eta gizakia» - François Jacob - 34. orr.

Organismo heldu bakoitza kasuan kasuko sorkuntza bereziaren emaitza zen. Juan Garzia   «Sagua, eulia, eta gizakia» - François Jacob - 118. orr.

Dendrita zelulek zaintzaile lana betetzen dute; organismo arrotzak identifikatu eta erne jartzen dituzte beste zelulak. Berria - Gaiak   2004-08-31

Artelan bat [...] organikoa dela esan ahal izateko, obra horren osagaien arteko erlazioak osagaiak berak bezain garrantzitsua behar du izan: organismo natural baten "antzekoa" behar du izan. Josu Zabaleta   «Irudia» - Jacques Aumont - 91. orr.

3 irud/hed

Bidezkoa da suposatzea hasteko badela gai-multzo bat gauza dena diskurtso zati bat lotzeko eta bera organismo bat bailitzan animatzeko, bere premiekin, bere barruko indarrarekin eta bizirauteko bere gaitasunekin. Xabier Arregi   «Jakitearen arkeologia» - Michel Foucault - 44. orr.

Organismo sozialaren ideia, Platon eta Aristoteles-engandik hasi, Ernazimentutik pasa, eta gaur arte, arruntik arruntena da. Joxe Azurmendi   «Espainiaren arimaz» - 43. orr.

Argi eta garbi aitortzen zuen hizkuntzak berarentzat organismoak zirela, organismo guztiz naturalak, eta hauek deskribatzeko terminorik egokienak biologiatik hartutakoak zirela. Joxe Azurmendi   «Espainiaren arimaz» - 108. orr.

Kulturak organismoak dira, hots, jaio, garatu eta hil egiten dira. Joxe Azurmendi   «Espainiaren arimaz» - 206. orr.

Gizartea gero eta esklerotizatuago dagoen organismo bat bezalakoa da. Jon Alonso   «Euskal karma» - 124. orr.

4 (hitz elkartuetan lehen osagai gisa)

Proposamen horrek espezieak existitu egiten direla azaltzen digu aldi berean, organismo-multzoak baino gehiago ez izan arren. Askoren artean   «Filosofiako gida» - 290. orr.

5 (hitz elkartuetan bigarren osagai gisa)

Egitura egokia duten animaliek, hala nola platelminteek eta itsas organismo askok eta askok, [...]. Irene Aldasoro   «Giza gorputza lanean» - John Lenihan - 154. orr.

Animali edo landare-organismoentzat. Iñaki Mendiguren   «Historiaren azterketa II» - A.J. Toynbee - 354. orr.

Landarea, giza organismoa, honen zirkulazio-sistema, esate baterako, irudi artistikoaren egitura "sakonaren" eredu gisa hartzen dira. Josu Zabaleta   «Irudia» - Jacques Aumont - 249. orr.

Giza organismo batean ezerk soberakoa denik ematen badu, espirituak ematen baitu hori. Josu Zabaleta   «Sei pertsonaia autore bila» - Luigi Pirandello - 156. orr.

Ugalketa organismo osatugabe bat. Lopez de Arana   «Manhattan Transfer» - John Dos Passos - 291. orr.

Homologiarik gabeko egituratzat jotzen dira, beren eboluzioan bakoitza bere prototipo-organismotik abiatutzat, zein bere aldetik. Juan Garzia   «Sagua, eulia, eta gizakia» - François Jacob - 127. orr.

Hizkuntza hilak, esaterako, dagoeneko ez ditugu erabiltzen, baina ongi guregana dezakegu haien hizkuntza organismoa. Isabel Arrigain   «Hizkuntzalaritza orokorreko ikastaroa» - Ferdinand de Saussure - 41. orr.

6 giza gorputza.

Organismoak, gorputzak bere kasa sendatzeko duen ahalmena oinarritzat duen terapiak indartutako proiektua. Berria - Harian   2005-07-02

Estimulu horiek, jakina, organismoak kanpoko munduarekin harremanetan jartzeko dituen mekanismoen bitartez iristen dira, hau da, zentzumenen bitartez. Luis Elberdin   «Sexua noiznahi» - 235. orr.

Hemendik apur batera organismoa berez osatuko da, eta ni, haren barruko fantasma, lehenagoko neure ni zaharra izango naiz berriro. Oskar Arana   «Lotsaizuna» - John Maxwell Coetzee - 143. orr.

Sendagile garen aldetik, egin dezakegun gauza bakarra zera da, organismoaren egoera fisikoa eta gaitzaren ondorioak artatzea. Berria - Mundua   2004-12-19

Gai toxikoak elikagaien bidez gorputzean sartu eta organismoko gantzetan atxikitzen ditugu. Berria - Euskal Herria   2004-11-12

Gauza jakina da gure organismo lurtar astun honek abilezia sinestezinak beregana ditzakeela ariketa bidez. Imanol Unzurrunzaga   «Hainbat idazlan» - San Agustin - 385. orr.

Gazte alaia zen, sendoa, osasuntsua, bizitzarentzat kaltegarriak diren pentsamendu edo sentimendu gaizto guztiak organismoan bizkor eta aztarnarik utzi gabe desagerrarazten dituen bizipoz bare eta argi horretaz hornitua. Jose Morales   «Zazpi urkatuak» - Leonid Nikolaievitx Andreiev - 71. orr.

Saizarbitoriaren iritziz, gatazkon aurrean jarrerarik zentzuzkoena nork bere birus nazionalista onartzea da, organismoan bere antigorputzak gara ditzan, osotasuna ondorioz osasuntsuagoa -lasaiagoa- bilakatuko baita. Markos Zapiain   «Errua eta maitasuna» - 120. orr.

Ildo horri jarraituz, berezko edo jaiotzetiko beharrak -naturari edo organismoari dagozkionak- eta hartutako beharrak -kulturalak edota sozialak- desberdintzen dira. Iñaki Heras   «Txanponaren bi aldeak» - 83. orr.

Luzaro tente egotea mingarria da gure organismoarentzat. Berria - Gaiak   2004-06-22

7 egiteko jakin bat duen erakundea, oro har, erakunde nagusiago baten zatia edo atala dena. ik organo 5.

Nazioarteko erakunde eta organismo guztiek beteko dituzte Adierazpen honetan jasotako eskubide eta betekizunak. Itziar Eizagirre / Amaia Lizarralde   «Garapen iraunkorra» - 130. orr.

Erakundeek eta horiek kide diren nazioarteko organismoek [...]. Itziar Eizagirre / Amaia Lizarralde   «Garapen iraunkorra» - 130. orr.

Espazioa eta denbora hausten dituzten komunikazio forma berrien pean konektatutako erakunde eta organismoen sortze bizkorra. Itziar Eizagirre / Amaia Lizarralde   «Garapen iraunkorra» - 78. orr.

Jakintza elkartea bere bidean beti aintzina doa, kultur eta historiazko ateraldiak antolatuz, bereziki Sepanso organismoaren laguntzarekin. Herria   2001-03-01

Ortegak ziurtatu du nazioarteko finantza organismoek ezarritako sistemak porrot egin duela Nikaraguan. Berria - Mundua   2004-07-20

hitz multzoen maiztasunak (gutxienez 3 aldiz agertzen direnak)

organismo bizidun (4); organismo gorenen (4)

genetikoki eraldatutako organismorik (3)

 



Nodoa: liferay1.lgp.ehu.eus