Bilaketa aurreratua

Ogi apurrak

Egungo Euskararen Hiztegia (EEH)

Hasiera:

mekaniko 1 izond mekanikarena, mekanikari dagokiona. ik mekanika 4.

Istripua ipar-ekialdeko Sakarya eskualdean gertatu zen, ekainean inauguratu zuten abiadura handiko trenak arazo mekaniko bat izan zuenean. Berria - Mundua   2004-07-23

Eredu mekaniko edo optikoetatik baino eredu informatiko edo zibernetikoetatik hurbilago dagoen informazioaren tratamendu baten bitartez. Josu Zabaleta   «Irudia» - Jacques Aumont - 23. orr.

Lurrak, tailer mekaniko batekoa dirudi, zati ugari falta zaizkio eta koskaz beteta dago. Harkaitz Cano   «Piano gainean gosaltzen» - 61. orr.

Matxura mekaniko bat besterik ez da. Karlos Linazasoro   «Glosolaliak» - 35. orr.

Piezoelektrizitate-propietatea du hezurrak: presio mekanikoaren ondorioz korronte elektrikoa sortzeko gaitasuna, alegia. Irene Aldasoro   «Giza gorputza lanean» - John Lenihan - 36. orr.

Tentsio mekaniko handiak jasan behar ditu larruazalak. Irene Aldasoro   «Giza gorputza lanean» - John Lenihan - 71. orr.

Ekintza mekaniko soil baten bidez egiten dute muskuluek beren lana: zuntzak uzkurtuz. Irene Aldasoro   «Giza gorputza lanean» - John Lenihan - 50. orr.

Erretxina, gogorra bada ere, nahiko erresistentzia mekaniko gutxikoa da. Irene Aldasoro   «Giza gorputza lanean» - John Lenihan - 23. orr.

Industria sektore askotarako aproposak diren ezaugarri kimiko, mekaniko eta isolatzaile ugari ditu amiatoaren egiturak. Berria - Ekonomia   2004-09-12

Askoz ere magikoagoa iruditzen hasi zitzaidan telebistak egitea, motor mekaniko zikinak askatu eta osatzea baino. Juan Kruz Igerabide   «Hauts bihurtu zineten» - 50. orr.

2 makinarena, makinari dagokiona.

Gailu mekaniko batzuk gehituta -birabarkia edo bolantea, esate baterako- errotazio bihurtzen da atzera-aurrerako mugimendua. Irene Aldasoro   «Giza gorputza lanean» - John Lenihan - 48. orr.

Gai gara eredu mekaniko nahiko onak egiteko, bai eta bihotzaren, biriken eta giltzurrunen ordeko mekanikoak sortzeko ere. Irene Aldasoro   «Giza gorputza lanean» - John Lenihan - 240. orr.

Usaina ezagutzen dut lehenik: olio mekanikoarena. Hasier Etxeberria   «Arrainak ura baino» - 129. orr.

3 makina edo mekanismo batek ibilarazten duena.

Halako latorrizko jostailu mekaniko bat izan naiz, barnea guztiz hutsa duena. Lopez de Arana   «Manhattan Transfer» - John Dos Passos - 505. orr.

Identifikatu ezin zituen gailu mekaniko eta elektrikoak ikusi zituen Josebak. elurra kentzeko 62 makina, 20 traktore eta pala mekaniko, gatza botatzeko 23 ibilgailu eta 70 ibilgailu laguntzaile aritu dira lanean errepideetan. Fernando Morillo   «Gloria Mundi» - 160. orr.

Hormaren atzean eskailera biribil bat zegoen, pixkanaka gorantz zihoana, eskailera mekaniko bat bezala. Iñaki Mendiguren   «Harry Potter eta sekretuen ganbera» - J.K. Rowling - 173. orr.

Erloju mekaniko batekin edo beste edozein makina konplikatuago batekin gertatzen den gauza bera. Esteban Antxustegi   «Herritarra» - Thomas Hobbes - 45. orr.

Bentrikulu artifizial horietan jarritako balbula mekanikoek kontrolatzen dute odol-fluxuaren norabidea. Berria - Gaiak   2004-10-20

Baina kri-kri-kri hozki horrek ez al du salatzen sagu liburu-jalea trepeta mekaniko bat izan daitekeela? Anjel Lertxundi   «Mentura dugun artean» - 95. orr.

Eta zu, amestutako printzea, ezinezko gudak garaitu ondoan Bosgarren Hiribidean behera zatoz zaldi mekaniko baten gainean. Iñaki Zabaleta   «110. Street-eko geltokia» - 44. orr.

Hestekiak betetzeko ponpa bat, zapalgailu bat, haragia xehatzeko makina mekaniko bat. Karlos Zabala   «Parisen sabela» - Emile Zola - 126. orr.

Asmakari mekaniko horiek guztiak -telefonoa, elektrizatea, altzairuzko zubiak, zaldigabeko ibilgailuak- ez dira alferrikakoak izango. Lopez de Arana   «Manhattan Transfer» - John Dos Passos - 35. orr.

Espektroak ziren, alegiazko izakiak, nahita soilik agertzen ziren mamuak, panpina mekaniko malgukidunak. Jose Morales   «Zazpi urkatuak» - Leonid Nikolaievitx Andreiev - 78. orr.

4 era automatikoan, ohartu edo pentsatu gabe egiten dena.

Keinu mekaniko batez, pistola bere lekuan gorde, eta sorbaldak goratu zituen berriro. Xabier Olarra   «Azken hitzordua» - Sandor Marai - 74. orr.

Beste pixka batean egon zen aditzen, burua altxatuta, itxoiten bezala ohizko soinuren bati, soinu mekaniko erregularren bati. Anton Garikano   «Farorantz» - Virginia Woolf - 22. orr.

Haren marrazkiek ez ziruditen inondik ere kopia edo argazki, ez ziren mekaniko eta nortasun gabeak. Xabier Olarra   «Antropologo bat Marten» - Oliver Sacks - 204. orr.

Aglutinazioa prozesu mekaniko soil bat da, non uztardura berez gertatu ohi baita. Isabel Arrigain   «Hizkuntzalaritza orokorreko ikastaroa» - Ferdinand de Saussure - 220. orr.

Ez dago esan beharrik ez ziola sekula jatorrizkoaren transkribapen mekaniko bati ekin. Juan Garzia   «Ipuin hautatuak» - Jorge Luis Borges - 38. orr.

Birtuosismoa, partituraren irakurketa pertsonala egiteko ahaleginik gabe, errepikapen mekaniko eta hotza baino ez da. Alberto Barandiaren   «Mundu txikia» - 60. orr.

Literaturaz hutsaren hurrengoaren itzala ere sumatzen ez duen batek nahas ditzake ulermenezko irakurketa mekanikoa eta literatur gozamena, baterako jarri behar den hizkuntza ezagutza eta besterako behar den literatur estiloa. Anjel Lertxundi   «Mentura dugun artean» - 186. orr.

Mimoa batuta mugitzen hasi zen, modu mekanikoan, eta zakurrak, sekulako ezusteko izuak harturik, ihes egin zuen. Anjel Lertxundi   «Argizariaren egunak» - 213. orr.

Errealitatea aztertzeko modu horrek kanpoan uzten zuela -edo modu mekaniko eta txit xinplean ulertzen zuela- "kultura", "ideologia" edo "bizimodua" deitzen den alderdi ez hain fisiko hori. Bernardo Atxaga   «Lekuak» - 20. orr.

5 (izenondo elkarketan)

Halabeharra delako zer hori kasualitate mekaniko-fisiologiko hutsetatik ondorioztatzea, hori ez da gizaki moderno baten jokabide duina. Joxe Austin Arrieta   «Homo Faber» - Max Frisch - 160. orr.

Bizitza politikoaren kontsiderazio mekaniko-razionalistari, organiko-tradizionalista oposatzen dio. Joxe Azurmendi   «Euskal Herria krisian» - 219. orr.

Zabortegiak albo batera utziz, bi tratamendu edo kudeaketa mota daude: erraustea eta aurretratamendu mekaniko-biologikoa. Berria - Euskal Herria   2004-03-30

Elkarlotura fisiko-mekanikoari. Ibon Uribarri   «Arrazoimen hutsaren kritika» - Immanuel Kant - 240. orr.

· 6 iz mekanikaria.

Ikasi eta lanbide ona edukitzea nahi dut, mekaniko edo... esan zion Karmenek. Xabier Montoia   «Baina bihotzak dio» - 183. orr.

Mekaniko on batek, auto baten hotsa entzun orduko, bazakik non dagoen matxura. Juan Kruz Igerabide   «Hauts bihurtu zineten» - 26. orr.

Mekanikoen jefeak, Pedrok, Ingeniari esaten zidan eta beste mekaniko guztiek ere Ingeniari esaten zidaten. Unai Elorriaga   «Van't Hoffen ilea» - 121. orr.

Negozioak hondoa jo zuenean, mekaniko lanak egiten hasi zen Ondarroan, 'Mercedes' kamioiak konpontzen. Xabier Etxabe   «Lurtarra da begiratua» - 104. orr.

 



Nodoa: liferay1.lgp.ehu.eus