Bilaketa aurreratua

Ogi apurrak

Egungo Euskararen Hiztegia (EEH)

Hasiera:

pintatu [676 agerraldi, 123 liburu eta 83 artikulutan; cf margotu 1013 agerraldi, 156 liburu eta 210 artikulutan], pinta(tu), pintatzen 1 du ad pintura geruza batez estali. ik margotu.

Pipan erretzen ari zen eta armairua zuriz pintatzen ziharduen. Juan Garzia   «Sistema periodikoa» - Primo Levi - 220. orr.

Militarraren hareharria, garai batean zuriz pintatua. Ramon Saizarbitoria   «Gorde nazazu lurpean» - 9. orr.

Berunezko bi soldadutxo, kolore biziz pintatuak, bata sarjentua, bertzea jenerala... Joan Mari Irigoien   «Lur bat haratago» - 71. orr.

Atsegina zen gela hura: hormak kolore urdin argi gris-antzeko batez pintaturik, lau aulki, besaulkia eta mahaia. Jose Morales   «Arima hilak» - Nikolai Gogol - 54. orr.

Tabernetako iluntasun koipetsuan, maitatzeetako logela gorriz pintatutakoetan, amodioaren edari gozoa dastatzen zutelarik. Felipe Juaristi   «Airezko emakumeak» - 42. orr.

Londreseko parkeetan ohikoak diren zurezko aulki pintatu gabeko bat seinalatu zuen. Ramon Saizarbitoria   «Gorde nazazu lurpean» - 153. orr.

Gero hippie egin zen, eta hiru p pintatzen zituzten horma zurietan: Peace, Pussy, Pot. Joseba Sarrionandia   «Lagun izoztua» - 202. orr.

Gau hartan, beldurrak airean, Gora Euskadi Askatuta pintatu, eta etxera itzuli ginen berehala. Rafa Egiguren   «Mentxakaren aitorpena» - Jose Ramon Goikoetxea - 48. orr.

ETAren izena hasi ginen herriko inguruetan pintatzen. Rafa Egiguren   «Mentxakaren aitorpena» - Jose Ramon Goikoetxea - 51. orr.

Talde txiki batzuek erakutsi dute beren protesta arratsaldean, graffitiren bat pintatuz eta barrikadaren bati su emanez. Joan Mari Irigoien   «Oilarraren promesa» - 137. orr.

2 (norbaitek bere burua)

Ezpainak pintatzen ditu; hogeita bat urte ditu. Xabier Olarra   «Antropologo bat Marten» - Oliver Sacks - 230. orr.

Aho parean paratu dizkit patetikoki pintaturiko azkazalak. Eider Rodriguez   «Eta handik gutxira gaur» - 53. orr.

Urrutiko gizonei mezulariak bidali zizkieten, etortzeko esanez; eta haiek etorri ondoren, bainatu, begiak pintatu eta beren burua bitxiz apaindu zuten. Elizen arteko biblia   Ez 23,40

Aurpegia, gainera, pintatua zuen, ohi zuen baino nabariago. Joan Mari Irigoien   «Ipuin batean bezala» - 164. orr.

· da ad Gero eta gutxiago pintatzen zarela iruditzen zaio Andrési, gero eta koloregabeago zaudela. Lourdes Oñederra   «Eta emakumeari sugeak esan zion» - 42. orr.

3 (era burutua izenondo gisa)

Armairu pintatua hain zen zuria, sukaldeko gainerako guztiak hori eta zikin zirudien. Juan Garzia   «Sistema periodikoa» - Primo Levi - 222. orr.

Lebigre kartetan ari zen bezero batekin, piquet-ean, burdina pintatuzko mahaietako batean. Karlos Zabala   «Parisen sabela» - Emile Zola - 166. orr.

Kolore hori leuneko paper pintatuak, solairua estaltzen zuen espartzuzko alfonbrak. Karlos Zabala   «Parisen sabela» - Emile Zola - 86. orr.

Paper pintatuaren gris lausoaren gainean. Karlos Zabala   «Parisen sabela» - Emile Zola - 368. orr.

Argia ezarian aienatu da eta ilunpeak bere baitara bildu ditu irudi pintatuak. Pello Lizarralde   «Larrepetit» - 79. orr.

4 margolan bat ondu; irudi edo kideko bat oihal edo kideko batean margoz egin.

Emakumeek ez dakitela idazten, ez dakitela pintatzen. Anton Garikano   «Farorantz» - Virginia Woolf - 86. orr.

Karol Schulzek lortzen zizkion paper zuri gatz-usainekoetan pintatzen zuen. Felipe Juaristi   «Airezko emakumeak» - 263. orr.

Balio gutxiko olio postinpresionistak pintatzen zituen. Iban Zaldua   «Itzalak» - 79. orr.

Rossetti-k bai, jakin zuen Jane Morris pintatzen. Ramon Saizarbitoria   «Gorde nazazu lurpean» - 145. orr.

Jendea pintatzen zuen, heriotzaren itzala gainean arrastaka, gorputz bainoago gorpu baitziren. Felipe Juaristi   «Airezko emakumeak» - 263. orr.

Ez diat erreka zulo hori nik nahi bezala pintatzen asmatzen. Hasier Etxeberria   «Mutuaren hitzak» - 21. orr.

Hormetan margolan berdinak beti, olioz pintatuak. Jose Morales   «Arima hilak» - Nikolai Gogol - 22. orr.

Hauerrek pastelaz pintatu zuen Charlotte, olioz egiteko astirik ezean. Felipe Juaristi   «Airezko emakumeak» - 146. orr.

Pintoreak beti biluzik pintatzen zuen andrea. Pello Lizarralde   «Denak hasperenka» - Gianni Celati - 50. orr.

Tentetnikovek harriturik ikusten zuen nola sortzen zen ezein margolarik ezin pinta zezakeen emakume haren potreta. Jose Morales   «Arima hilak» - Nikolai Gogol - 391. orr.

5 irud/hed

Ez dakit izanen den euskal literatura guzian hegaztirik, Pedro Mari Otañok pintatu zigun txepetx hura baino ederkiago pintatutakorik. Patziku Perurena   «Harrizko pareta erdiurratuak» - 64. orr.

Luze hitz egin beharko genuke hiriko damei buruz, eta, esan ohi denez, kolore biziz pintatu haien ezaugarri moralen koadroa. Jose Morales   «Arima hilak» - Nikolai Gogol - 232. orr.

Bistan denez, paletan kolore gehiago eta biziagoak dituen beste norbaiten esku utzi beharko dugu hiriko damen izaera pintatzeko lana. Jose Morales   «Arima hilak» - Nikolai Gogol - 232. orr.

India harrigarria pintatu dut. Gotzon Garate   «India harrigarria» - 9. orr.

Zuhaitz baten pintatzea hitzen bitartez, adibidez. Ana Urkiza   «Zortzi unibertso, zortzi idazle» - 147. orr.

Hau da gure beldurrak pintatzen duen koadroa. Bernardo Atxaga   «Groenlandiako lezioa» - 66. orr.

6 (era burutua izenondo gisa)

Eta hango ilunpean isilik geratu zen Juan Bautistak igeltsuzko irudi pintatu gabea ematen zuen. Joseba Sarrionandia   «Lagun izoztua» - 77. orr.

7 zerbaitek edo norbaitek zerbaitetako gorabehera izan.

Donostiako gazte batek zer pintatzen zuen Marokon? Txillardegi   «Putzu» - 60. orr.

Zoaz zu, nik ez dut ezer pintatzen han. Anjel Lertxundi   «Zorion perfektua» - 93. orr.

-Tira, baina oraindik ez didak esplikatu zer pintatzen duen Marujak hor. Iñaki Iñurrieta   «Kuskue tanden» - 125. orr.

8 pinta pinta egin erabat pintatu. Urtetan aurrera samartutako emakume bat jaitsi zen, neskatxa baten moduan jantzita eta aurpegia pinta-pinta eginda, larruzko beroki bat gainean zuela. Xole eta Anamari ixpiluaren aurrean apain apain orraztu, ezpainak pinta pinta egin eta, abiatu dira herri aldera. Kamionetaren kabinara itzuli zen aurpegia karmin orbanez beteta eta ahoa karminez pinta-pinta eginda zuen neska batekin.
9 pintatu berri Itsasontzi polita zen, garbitu berria, pintatu berria. Kanpoko itxura ez diote aldatu tenpluari, pintatu berria badago ere. Ezpainak gorriz pintatu berriak zituen Arianek. Saihetsean den hondartzan, pintatu berriak diren batteliku kriketak, egur batzuen gainean garbiki eta ordenatuki ezarriak.

Horma zuri pintatu berrian pintada hauxe ageri zen, sarrera ondo-ondoan: [...]. Karlos Linazasoro   «Ez balego beste mundurik» - 79. orr.

Haize-zirimola etengabeek belar ebaki berriaren usaina eraman, eta ontzi pintatu berriei berehala itsasten zaien kresalarena zekarten ordainetan. Anjel Lertxundi   «Azkenaz beste» - 216. orr.

 



Nodoa: liferay1.lgp.ehu.eus