Bilaketa aurreratua

Ogi apurrak

Egungo Euskararen Hiztegia (EEH)

Hasiera:

merkatu1 1 iz erosteko eta saltzeko toki jakin eta ageri batean (eta eskuarki egun jakin batzuetan) gertatzen den jende bilera; salerosketa horiek egiten diren tokia bera.

Bestalde merkatu haundiagoak baziren Bazko eta Mendekoste asteartez, feriak deituak. Angel Aintziburu / Jean Baptiste Etxarren   «Luzaiden gaindi» - 92. orr.

Ni merkatu nagusi aldera noa; hantxe utziko zaitut neure barazkiekin. Karlos Zabala   «Parisen sabela» - Emile Zola - 19. orr.

Hantxe hil baitzitekeen gosez, Aurten ere, Uztaritzen, Eguberriko merkatu berezia hor izanen dugu. Karlos Zabala   «Parisen sabela» - Emile Zola - 59. orr.

Paris asebete haren erdian, merkatu nagusiaren iratzartze distiratsu hartan. Karlos Zabala   «Parisen sabela» - Emile Zola - 59. orr.

Merkatu handia da oso, baina neguan hotza egiten du gogotik. Karlos Zabala   «Parisen sabela» - Emile Zola - 26. orr.

1966an, merkatu estalia estrenatu zuen Georges Pompidou, orduko lehen minixtroak. Angel Aintziburu / Jean Baptiste Etxarren   «Luzaiden gaindi» - 93. orr.

Ezpeletako merkatu estalian. Herria   2004-03-11

Merkatuaren estalpeko kaleetako batean barrena. Karlos Zabala   «Parisen sabela» - Emile Zola - 122. orr.

Kanpalekuan merkatu zenbait baziren, denak isilkakoak. Marzel Etxehandi   «Alemaniara deportatua» - Grégoire Joannateguy - 96. orr.

Era horretara bildutako jakiekin otordu galantak antolatzen genituen, eta arropak merkatu txikian saldu. Jon Arretxe   «Ostiralak» - 37. orr.

Aalaraziz Sarako labore edo bihiak Chauvin-Dragon herriari, belarra eta lastoa berriz, Errepublikaren armadetako funtzionarioei, eta abereak inguruko ferietan eta merkatuetan... Elena Touyarou   «Hautsi da katea» - Toti Mtz. de Lecea - 243. orr.

Inoiz baino bizitasun handiagoa Bastiako San Nikolas plazan paraturiko merkatu txikian. Berria - Mundua   2004-03-28

Italiako merkatu ibiltari tipiko horietako bat dago zentrora bidean. Anjel Lertxundi   «Italia, bizitza hizpide» - 32. orr.

Merkatu eta besta haundi batzuetan, hala nola Euskal Herria Zuzenean festibalean. Herria   2003-05-08

2 (hitz elkartuetan)

Merkatu eta feira gune guzietan hedatuko dugu "EGUZKIA" etxe pastiza marka esplikatzen duen ageria. Herria   2001-07-05

Orduan gobernuak Donazaharreri kendu zion merkatu eskubidea, eta eman Donibaneri astelehen guziz merkatua egiteko ahala. Angel Aintziburu / Jean Baptiste Etxarren   «Luzaiden gaindi» - 91. orr.

· Portuan eta fruta-merkatuan aritu zen, gora eta behera paseatzen eta. Iban Zaldua   «Gezurrak, gezurrak, gezurrak» - 137. orr.

Bestalde, ortziraletik iganderat, Santa Eugenia plazan, zaharki-merkatu berezia, salgai itsasoari johan zaizkion edozoin gauza... Herria   2005-06-23

3 ekonomian, ondasunen edo zerbitzuen salerosketari dagokion jarduera; zerbitzu edo produkutu baten eskaera edo salmenta aukeren edo erosle potentzialen multzoa.

Baina, aldi berean, kapital pribatuen nazioarteko merkatu bat osatzea eragingo zuten Estatu Batuen finantza-politikaren kontraesanek. Koro Navarro   «Ekonomiaren globalizazioa» - Jacques Adda - 85. orr.

Kontsumoaren merkatu modernoan sarbidea duen erdi mailako klase zabal bat sortzea. Koro Navarro   «Ekonomiaren globalizazioa» - Jacques Adda - 121. orr.

Salgai batzuen merkatuetan erabateko desarautzea aldarrikatzen da, hau da, merkatuetatik oztopoak kentzen dira -lan merkatuan esaterako-, eta beste merkatu batzuetan, berriz, enpresen arteko akordioei, monopolioetarako joerari eta arauketari eraso egin ez eta indartu ere indartzen baitira. Iñaki Heras   «Txanponaren bi aldeak» - 96. orr.

Euromerkatuek 1973 ondoren zuten likidotasun izugarriak halabeharrezko eragina izan zuen merkatu horietan esku hartzen zutenen finantza-jokamoldeetan. Koro Navarro   «Ekonomiaren globalizazioa» - Jacques Adda - 89. orr.

Merkatuak ez ditu, esaterako, geroko belaunaldien baliabide premiak balioesten. Iñaki Heras   «Txanponaren bi aldeak» - 310. orr.

Merkatuak teknologia berrietan adituak diren langileak behar omen ditu. Iñaki Heras   «Txanponaren bi aldeak» - 129. orr.

Merkatuaren mekanismo autoerregulatzaileak huts egiten duenean. Iñaki Heras   «Txanponaren bi aldeak» - 51. orr.

Merkatuen mundializazioa. Edorta Agirre   «Baietz okerreko bidea aukeratu! » - 105. orr.

Iaz, 132.264 bidaiarik hartu zuten hegazkina Ryanair konpainiarekin eta egun Miarritzeko aireportuko merkatu osoaren %16 Irlandako konpainia horri dagokio. Berria - Ekonomia   2004-02-04

Urte batzuk geroago merkatuan ziren salgai nylonezko galtzerdiak. Pello Salaburu   «XX. mendearen argi-itzalak» - 66. orr.

Lanaren banaketaren muga merkatuen hedaduran dago. Koro Navarro   «Ekonomiaren globalizazioa» - Jacques Adda - 17. orr.

4 (izenondoekin)

Merkatu irekiko eragiketak eginez (open-market eragiketak, alegia, zor publikoa erosiz edo salduz). Iñaki Heras   «Txanponaren bi aldeak» - 32. orr.

Merkatu sekundarioa ere esaten zaio burtsari. Iñaki Heras   «Txanponaren bi aldeak» - 221. orr.

Estatuak kontrolatzen duen merkatu nazional baten baitan baino ez omen da Keynesen errezeta-liburua erabilgarri. Iñaki Heras   «Txanponaren bi aldeak» - 59. orr.

Merkatu lehiakorrak ez duela errenta banatzeko mekanismorik. Iñaki Heras   «Txanponaren bi aldeak» - 98. orr.

Merkatu autoerregulatuaren garaia. Iñaki Heras   «Txanponaren bi aldeak» - 39. orr.

Ez batak ez besteak ez zuen zuzenean sortuko merkatu autoarautuaren konkurrentziazko sistema. Koro Navarro   «Ekonomiaren globalizazioa» - Jacques Adda - 20. orr.

Merkatu askearen filosofiaren menpe uzten ditu gizarte premiak. Berria - Euskal Herria   2004-11-23

Beharrezkoa da, efikaziaren mesederako, lan-merkatuan diren betebehar guztiak ezabatzea, merkatu dinamikoagoa egiteko. Iñaki Heras   «Txanponaren bi aldeak» - 96. orr.

Globalizazioak merkatu bakarra sortu ordez, munduko ekonomiaren erregionalizazioa ekarri du. Iñaki Heras   «Txanponaren bi aldeak» - 202. orr.

Europako merkatu batuaren erronkari aurre egitea. Iñaki Heras   «Txanponaren bi aldeak» - 182. orr.

1987an Europako Merkatu Bakarra sortzeko Europako Agiri Bakuna izenpetu zenetik. Iñaki Heras   «Txanponaren bi aldeak» - 192. orr.

XIX. mendeko merkatu globalaren oinarri teknologikoak izan ziren kontinenteen arteko hari telegrafikoa batetik, eta baporezko itsasontziak bestetik. Iñaki Heras   «Txanponaren bi aldeak» - 205. orr.

Mundu mailako merkatu globalizatuetako lehian bete-betean murgildurik daude egun kooperatiba-enpresak. Iñaki Heras   «Txanponaren bi aldeak» - 182. orr.

Urrearen pool delakoaren sorrera 1961ean, urte berean izenpetutako mailegu-itun orokorrak, urrearen merkatu bikoitzaren sorrera 1968an. Koro Navarro   «Ekonomiaren globalizazioa» - Jacques Adda - 94. orr.

Horrez gainera, higiezinen merkatu hankazgoratua zegoen. Koro Navarro   «Ekonomiaren globalizazioa» - Jacques Adda - 162. orr.

Merkatu kapitalistaren bertsio erlijiosoa da 'New Age'. Berria - Gaiak   2004-03-31

5 irud/hed

Eta asea eta gosea hain bidegabe -eta desberdinkiro banatzen dituen merkatu sexualeko arrakastak ere badu, bistan denez, bekatuaren eta atentatuaren kutsu bat... jendeen jende-artearentzat. Iñaki Segurola   «Gaur ere ez du hiltzeko eguraldirik egingo» - 93. orr.

Zergatik da hain garrantzizkoa horrelako argazkien merkatua, zergatik da merkatu gay arrunta baino askoz ere handiagoa? Karlos Zabala   «Buda zoriontsuen etxea» - João Ubaldo Ribeiro - 179. orr.

Luze gabe, eta Erroman merkatu literario bat osatuz joan zen heinean, zabaldu egin zen hitzaren esanahia, eta ekintza berbera liburuekin burutzen zuenari plagiarius izena ematen hasi zitzaion. Bernardo Atxaga   «Groenlandiako lezioa» - 147. orr.

Autore baten kanonizazio prozeduran unibertsitateak ematen duen goi mailako erramu boneta oso garrantzitsua da, zinezko kontsakrazioa ikonoen beharretan den liburuaren merkatuan. Ana Urkiza   «Zortzi unibertso, zortzi idazle» - 158. orr.

6 (hitz elkartuetan lehen osagai gisa)

Barne Produktu Gordina herrialde jakin batean bertako nahiz atzerriko produkzio faktoreek ekoitziriko ondasun eta zerbitzuen merkatu balioa da. bestela esanda, merkatu-prezioa zero dute. Iñaki Heras   «Txanponaren bi aldeak» - 43. orr.

Sistema kapitalistan merkatu mekanismoek duten garrantzia. Iñaki Heras   «Txanponaren bi aldeak» - 45. orr.

Errealitatean beste merkatu-egitura batzuk dira nagusi: monopolioak, oligopolioak [...] eta lehia ez perfektua edo konpetentzia monopolistikoa. Iñaki Heras   «Txanponaren bi aldeak» - 70. orr.

Ekoizpen baliabideen jabego pribatua, merkatu askatasuna eta enpresa askatasuna. errenta eta aberastasun desberdintasun onartezinak sor daitezkeela merkatu jokoaren bidez. Iñaki Heras   «Txanponaren bi aldeak» - 60. orr.

Argi dago merkatu logikatik atera behar dugula [lurzorua]. Berria - Euskal Herria   2004-07-07

Zeren enpresek edo herrialdeek beren merkatu kuota handitzen duten heinean, beren inbertsioak ere handituko baitituzte. Iñaki Heras   «Txanponaren bi aldeak» - 93. orr.

Badirudi, merkatu mugak hautsi ondoren, nazioartekotasunean ondasun gehiago hartzen dutela nazio txikiek nazio handiek baino, Liburua gaika dago antolatuta: ekonomilarien helburuak eta tresnak, ekonomilarien ideologia, merkatu pentsamoldea, kontsumo-gizartea, [...]. Pello Salaburu   «XX. mendearen argi-itzalak» - 187. orr.

Espainiako Balioen Merkatu Batzordeak (CNMV) bakoitzari hamar akzio erosteko aukera bermatzea eskatzen digu. Berria - Kirola   2004-12-23

Lehenik Seattle-n, Munduko Merkatu Elkartea bildu zenean. Pello Salaburu   «XX. mendearen argi-itzalak» - 168. orr.

7 (hitz elkartuetan bigarren osagai gisa)

Ameriketako Estatu Batuek lan-merkatu malgua dute, eta horren ondorioz langabezia-tasa apalak. Iñaki Heras   «Txanponaren bi aldeak» - 120. orr.

Lan-merkatuaren arautze zurrunegia, finantza-merkatu itxiak, prezioen kontrola, ekonomian sektore publikoak nagusitasuna izatea. Koro Navarro   «Ekonomiaren globalizazioa» - Jacques Adda - 152. orr.

Gerta zitekeen diru-merkatuan interes-tasek behera egitea. Iñaki Heras   «Txanponaren bi aldeak» - 54. orr.

Munduko bigarren balio merkatu indartsuenak, Estatu Batuetako Nasdaqek alegia, Londresko Burtsa Erosteko Eskaintza Publikoa egin du. Berria - Ekonomia   2006-03-11

Alabaina, ez zizkioten afrikar edo asiar koloniek eman esportazio-merkatu garrantzitsuenak europar industriari. Koro Navarro   «Ekonomiaren globalizazioa» - Jacques Adda - 55. orr.

Gainera, truke-tasa finkoek, badituzte, ikusiko denez, hainbat eta hainbat kontraindikazio, bereziki finantza merkatu globalizatuaren garai hauetan. Iñaki Heras   «Txanponaren bi aldeak» - 38. orr.

Kirol merkatu mugarik gabea. Berria - Harian   2005-12-14

Barne-merkatu benetakoaren faltak hazkundea eta industria-kapitalismorako igarobidea eragotzi zituen. Koro Navarro   «Ekonomiaren globalizazioa» - Jacques Adda - 23. orr.

Laugarrena da munduan Xinako auto-merkatu hori. Herria   2004-06-24

8 arkakuso merkatu kukuso merkatua.

Arkakuso Merkatura egiten zituen joan-etorrietatik, aldiro itzultzen zen gauza bakan eta baliotsuren batekin. Jon Muñoz   «Loroaren teorema» - Denis Guedj - 15. orr.

Arkakuso Merkatuan sarri ibiliz eta traste-saleroslearen berezko senaz tankeratua zuen Maxek bere gustua. Jon Muñoz   «Loroaren teorema» - Denis Guedj - 220. orr.

9 kukuso merkatu bigarren eskuko gauzak, eskuarki arropak, saltzen diren merkatua.

Kantari kaliforniarraren kamisetak hamar urte baino gehiago ditu, Guadalajarako kukuso-merkatuan erositik. Aingeru Epaltza   «Lasto sua» - 56. orr.

Usaia den bezala ilabeteko 3. igandean egiten da Ahetzen kukuso merkatua. Herria   2003-02-20

Larunbatean, Angelun, kukuso-merkatua Quintaou plazan. Herria   2005-11-24

10 merkatu beltz zerga-legeak hausen dituen merkataritza ezkutuko edo isilpekoa.

Jende guztiak merkatu beltzean erosten eta saltzen ditu gauzak; edonork eskaintzen dizu zerbait erosteko. Josu Zabaleta   «Anne Franken egunkaria» - Anne Frank - 296. orr.

Merkatu beltzean trukean ibiltzea leporatu zioten. Urtzi Urrutikoetxea   «Zoririk ez» - Imre Kertész - 69. orr.

Oinetako zola batek 7,50 florin balio ditu merkatu beltzean. Josu Zabaleta   «Anne Franken egunkaria» - Anne Frank - 258. orr.

Aitaordeak dio merkatu beltzean aritzen dela, eta jendea hil duela. Alberto Ladron Arana   «Xake mate» - 64. orr.

Bidasoaz bi aldetako zoko ilunotan errotutako euskaldunon gizaerak, kulturak, odolak, asko zor diola, besteak beste, Santiobide inguruko merkatu beltz hari. Patziku Perurena   «Trapuan pupua» - 77. orr.

11 merkatu egun

Hogoi bat lagun izaten ginen ardurenik, gehixago merkatu egunetan. Tolosako Beotibarren jokatu da partida hau astelehen huntako merkatu egunean. Janbattitt Dirassar   «Bihotzeko mina» - 70. orr.

Beraz Donazaharreko merkatu egun batez sortu zen jendeen artean gaitzeko kalapita. Angel Aintziburu / Jean Baptiste Etxarren   «Luzaiden gaindi» - 91. orr.

Eta hilabete baten buruan, apirilaren 26an, merkatu egunean, arratsaldeko bostak hogei gutxitan, munduak ezagutu duen biztanle arruntei egindako lehenbiziko eraso sistematikoa gertatu zen. Pello Salaburu   «XX. mendearen argi-itzalak» - 67. orr.

12 merkatu ekonomia

Joera liberalak merkatu-ekonomian edo sistema kapitalistan merkatu mekanismoek duten garrantzia azpimarratzen du. Iñaki Heras   «Txanponaren bi aldeak» - 45. orr.

Kapitalismoak -edo batzuentzat haren eufemismoa ere baden merkatu-ekonomiak- krisi handiak bizi izan ditu. Iñaki Heras   «Txanponaren bi aldeak» - 62. orr.

Hala, bada, merkatu-ekonomiak gizarte mota berri bat sortu zuen. Iñaki Heras   «Txanponaren bi aldeak» - 78. orr.

Merkatarien klasearen eta estatuen arteko itun horretatik sortuko zen merkatu-ekonomiaren ezaugarria den konkurrentziazko sistema. Koro Navarro   «Ekonomiaren globalizazioa» - Jacques Adda - 20. orr.

Ekialdeko Europa merkatu-ekonomiara igarotzeko zailtasunak. Koro Navarro   «Ekonomiaren globalizazioa» - Jacques Adda - 148. orr.

Mugatu egin daiteke zorpetzea, baina jakina, hori merkatu ekonomiaren aurka joango litzateke. Berria - Ekonomia   2004-02-10

· Merkatu ekonomia neurri batzuk ezarri ziren Hungariako sozialismoan. Berria - Mundua   2004-04-29

13 merkatu plaza

Denda-mutil hasi zen Zabalguneko merkatu-plazako postu batean. Aingeru Epaltza   «Rock'n'roll» - 155. orr.

Bi ordu zeramatzan aurrera eta atzera hiriko karriketan barrena, eta merkatu plazara itzultzen zen beti ere. Karlos Zabala   «Mikel Strogoff» - Jules Verne - 92. orr.

Merkatu plazaren aldean, toki ederra dago autoen uzteko, Postaren aitzinean. Janbattitt Dirassar   «Bihotzeko mina» - 169. orr.

Ortzegunean, Donibane Garazin, merkatu plazan, feria eguna, jateko, edateko, ederlan eta beste. Herria   2001-08-09

Ondotik, dantzaldia merkatu plazan. Herria   2003-10-23

hitz multzoen maiztasunak (gutxienez 4 aldiz agertzen direnak)

auzuneko merkatu (4); balio merkatu (4); barne merkatu (7); eguberriko merkatu (8); eguberriko merkatu bat (4); ezpeletako merkatu (8); ezpeletako merkatu estalian (5); finantza merkatu (4); lan merkatu (16); lan merkatu berrietan (4); merkatu aldera (4); merkatu aske (4); merkatu askea (4); merkatu askearen (8); merkatu azterketa (7); merkatu bakarra (10); merkatu balioa (4); merkatu bateratu (5); merkatu beltza (5); merkatu beltzean (30); merkatu berezi (8); merkatu berezi bat (6); merkatu berezia (5); merkatu berri (5); merkatu berriak (11); merkatu berrien (4); merkatu berrietan (11); merkatu berrietara (4); merkatu eguna (12); merkatu egunean (6); merkatu egunetan (5); merkatu ekonomia (12); merkatu ekonomiak (6); merkatu ekonomian (5); merkatu ekonomiaren (9); merkatu estalian (15); merkatu estaliaren (4); merkatu estalitik (4); merkatu global (4); merkatu globalaren (4); merkatu handi (6); merkatu handia (4); merkatu kuota (24); merkatu kuotak (4); merkatu kuotaren (4); merkatu librea (12); merkatu librean (11); merkatu librearen (13); merkatu libreko (5); merkatu nagusi (10); merkatu nagusi aldera (4); merkatu nagusia (13); merkatu nagusiak (4); merkatu nagusian (8); merkatu nagusiaren (21); merkatu nagusiko (10); merkatu nagusira (5); merkatu nagusitik (4); merkatu osoaren (8); merkatu plaza (10); merkatu plazan (19); merkatu plazaren (7); merkatu txikian (4); mundu mailako merkatu (4); munduko merkatu (7); nazioarteko merkatu (5); nijni novgorodeko merkatu (4)

ahetze kukuso merkatua (6); artearen merkatua (4); barne merkatua (10); eguberriko merkatua (34); higiezinen merkatua (4); kukuso merkatua (33); lan merkatua (36); merkatua galdu (4); merkatua hankaz gora (7); merkatua itxi (4); merkatua quintaou plazan (15); merkatua zabaldu (6); mozkin merkatua (4); nazioarteko merkatua (5); neguko merkatua (8); zaharki merkatua (16)

balio merkatuak (4); barne merkatuak (5); beldur dira merkatuak (4); europako merkatuak (5); finantza merkatuak (11); lan merkatuak (14); merkatuak eskatzen (4); merkatuak liberalizatzeko (7); munduko merkatuak (4)

arkakuso merkatuan (14); baionako merkatuan (4); barne merkatuan (5); bigarren mailako merkatuan (4); dibisen merkatuan (4); frantziako merkatuan (4); ihauteria merkatuan (4); lan merkatuan (58); lan merkatuan sartzeko (6); lan merkatuan txertatzeko (4); londresko merkatuan (26); merkatuan egotea (4); merkatuan eragin (4); merkatuan gertatzen (4); merkatuan izango (4); merkatuan jarri (4); merkatuan lehiatu (6); merkatuan sartu (8); merkatuan sartzea (4); merkatuan sartzeko (13); merkatuan sartzen (5); merkatuan txertatzeko (4); munduko merkatuan (6); nazioarteko merkatuan (15); neguko merkatuan (17); new yorkeko merkatuan (6); nymex merkatuan (5); ohiko merkatuan (9); petrolio merkatuan (5)

barne merkatuaren (7); etxebizitza merkatuaren (4); lan merkatuaren (46); merkatuaren beharretara (4); merkatuaren egoera (8); merkatuaren legea (6); merkatuaren legeak (4); merkatuaren legeen (5); petrolio merkatuaren (4)

lan merkatuari (8); merkatuari begira (4)

finantza merkatuek (8)

balio merkatuen (9); barne merkatuen (8); burtsa merkatuen (4); espainiako balio merkatuen (5); finantza merkatuen (18); nazioarteko merkatuen (5)

dibisa merkatuetan (8); diru merkatuetan (8); finantza merkatuetan (10); munduko merkatuetan (4); nazioarteko merkatuetan (15)

arkakuso merkatuko (8); barne merkatuko (8); lan merkatuko (14); merkatuko galerian (8); merkatuko plazan (8); merkatuko prezio (4)

arkakuso merkatura (5); lan merkatura (14); merkatura atera (9); merkatura ateratzeko (4); merkatura joaten (5)

merkaturik handiena (5)

merkatutik kanpo (7); merkatutik kendu (4)

 



Nodoa: liferay1.lgp.ehu.eus